Popular Bible Verses from Oroome 12

Share

Lo77o, ufayssizannee folo maaqqeez Xoossa kiita yi shaakkii erodayis yi qofar laaminttoyttapp attin yha alama aazippate.

Yikkee, ta ishuntho, yinttii, yi asetitha Xooss ufayssiza, pathinnee geeshsha yarshsho udii, immad garkk ta yinttan Xooss kehatithayir woossiza. Xoossa yi goynnodayis beeziza tuma ogay yeya.

Xoossii inggeez ufayssayir ufayttoytta; meto danda7oytta; ubba wode Xoossa woossoytta.

Iita lo77or gammoyttapp attin iitar gammippatte.

Pettay pettayira woli ishegarkk dosinttoytta; pettay petta bonchchoytta.

Yi siiqqay qoodhepp qommo maaqqodayis beezooya. Iita baz ixxoytta; lo77o baz miinthii aykkoytta.

Yinttis danda7inttiko ubba asar saro yezoytta.

Ta ishuntho, yinttii, yi ubbas asis kushe kessippatte. Xoossii kushe kessoday garkke ezis ashii ashshoytta. Geesha Maxaafayid, «Ta kushe kessoda; taanii kushe mahoda» yeegeeza Goday, ginttinttii xaafintteeza.

Oosor azallippate miinggoytta; yi ayyanar xuuginttii Godayis moodinttoytta.

Xoossii yinttis pettayis pettayis inggeez ammanay garkk kahar yez asi garkk qoppoytta. Qoppodayis beezizaypp aathii yinttan dummasii, utirar qoppipate gi taas inggintteez aadho keehatithayir yinttis odiza.

Oonkka yinttis iitta baz oothiko, ye athayis iita baz mahippate. Ubba as tiina sabbisiza lo77o ooso oothoytta.

Pettay pettayir pettii qofar yezoytta. Utira qofa ashshii, haayotithar yezodayis miinggoytta. Yi yinttan eca gi qoppippate.

Zin Geesha Maxaafayid, «Ne morkkay nayinttiko muzoba; E saaminttiko ushshoba. Ne yeya oothiko e ommayil tama qaaqa kaachiza» ginttinttii xaafintteeza.

Yinttan bayi7izita anjjoytta; anjjoyttapp attin baaddippate. Ufayttizitayir ufayttoytta; yeekkizitayir yeekkoytta.

Ammaniza geeshshita koshshiza bazar maaddoytta; imathita mokkodayis miinggoytta.

Nu pettii asetithayil afa duma duma kifilitay yeza; ye duma duma kifilitayis duma duma ooso yeza. Yey garkk, nuunii gaame as maaqqikokka Kiristtoosar pettii asho maaqqeeza. Nuunii pettii asho maaqqii duma duma kifilitay pettay pettayira aykintteeza.