Rūt 4
4
Boaz-in Rūt a Ratan
1 #
Aph 18:1; 2Sa 15:2; 19:8 Hatuka Boaz chu rapala a vā kal a, hava han a vā'n sut a. Entā, ratanpū, a ūnāi ei āndēppui a ruia Boaz-in a lei ril ha a hong a. Hankēng Boaz-in, “Hin tiang hong pēt ta, ka mal, hivan hong ānsut ro,” a tī na. Hankēng ama chu a hong a, ansut a. 2#Ant 3:16; 18:21-22; Dān 25:7Boaz-in khopuia pātar ngāi bila mī sōm a ruoi a, “Hiva hin ansut u ro,” a tī na. Hankēng amāni chu ansut u na. 3#Lev 25:25Hatuka ratanpū, a ūnāi ei āndēppui kōma, “Naomi, Moab ram ātā a hong ākīr rēt pū han, koini na paruol Elimelek a ram kil khat chu a zuor a. 4#Lev 25:25; Zer 32:7-8; 2Ko 8:21Na kōma kei na ril zōt chu, ‘Nangin hiva a lei om mi ngāi matona lē ka mi pātar ngāi matona hiva hi rachōk rēt ro. Na ratan zōt anten, ratan ro, tenchu na ratan nōk rang anten, na manthei ro, kei riattheina rang. Asik chu nang nōk anten, tūtē ānratan rang om mak a, hatuka nang na suona chu koi kā nī na,’ ” a tī na. Amā'n, “Ratan ka ting,” a tī na. 5#Aph 38:8; Lk 20:28Boaz-in, “Naomi kōm ātā hiva phāi chu na rachōk nikhuo nātā, āthipū thāinū, Moab mī Rūt a kōm ātā'm nei rachōk ngēt rang, a lei thi suo raming chu a dōngluo manga ei ānngil nōkna ranga,” a tī na. 6#Lev 25:25; Dān 25:7Hatuka ratanpū, a ūnāi ei āndēppuiin, “Koi ka rang chu ratan thei nō ning, ka dōngluo ka masiat ving inle. Kei ratan theina ningneina le hin, nang na ranga ratan ro, asik chu koiin ratan thei nō ning,” a tī na.
7 #
Lev 25:24; Dān 25:7-9; Isa 8:1-2 Tianlāia Israel ngāi kāra neinun angkhat pei ei mandang unāna, ei ānratan u rang dān lē ei ānthūl u rang dān chu hintin hin a nī na: mī khatin a kekok a khek a, angkhatpū kōma a pēk a, hava ha Israel ngāi kāra riatpuina#4:7 riatpuina: Hiva hi “chongtin ei āndangna” ei manlangna a ni. a ni. 8#Dān 25:9-10Hasikhan ratanpū, a ūnāi andēppuiin Boaz a kōma, “Hava ha na ninga rang rachōk ro,” a tī na. Hankēng a kekok a khek a. 9#Rūt 1:2; Isa 8:2; Zer 32:10, 44Boaz-in pātar ngāi lē mipui ngāi dōra kōma, “Avian hin nangni ngāi dōra hi Elimelek a tā dōra, Kilion lē Mahalon a tā dōra chu Naomi kut ātā kei rachōk kiar tī hi, anā riatpuipū nā ni u. 10#Dān 25:5-6; Zos 24:22Hava panga, Mahalon a thāinū, Moab mī Rūt um ka thāinū anga ka rachōk sā na, a dōngluo amanga āthipū raming ei om chian theina rang lē a paruol ngāi kāra ei omna rapalsuokkhāra, āthipū raming ei ānpei nōkna ranga. Avian hin nangni ngāi hi anā riatpuipū nā ni u,” a tī na. 11#Aph 4:19; 23:10; 35:16; Dān 25:9Hatuka rapalsuokkhāra āom mipui ngāi dōra lē pātar ngāiin, “Koini ngāi hi āriatpuipū nā ni. Na ina nupang a hong ālūt rang chu Rahel lē Lea ang Zehova'n sin rase, hava anni ngāiin Israel insūngkuo a sin u na. Nang chu Efratha-na tak vā'n chang tānla, Betlehem-a raming anthang ro. 12#Aph 38:6, 24, 29; 46:12Zehova'n hiva nupang ātā chi ei na la pēk rang chu, Zuda ranga Tamar-in ei nei nāipasal Perez a insūngkuo anga ni rase,” a ti u na.
Boaz lē Rūt a Chi
13 #
Aph 8:1; 29:32; Lk 1:57 Hantin han Boaz-in Rūt a lāk a, ama chu a thāinū a chang a. Ama a zālpui le chu, Zehova'n ama chu nāivongtheina a pēk a, nāipasal a nei a. 14#Aph 24:27; Rūt 4:11, 21; Isa 11:1; Mt 1:5-6, 17; Lk 1:58Nupang ngāiin Naomi kōma, “Zehova chu anpāka om rase, amā'n avian tena ratanpū, ūnāi andēp abuia na la siak mak a. A raming chu Israel ngāi kāra anthang rase! 15#Aph 11:31; 1Sa 1:8; Zōb 1:2Ama hi nei damna anthuirēt pū lē nā tar tianga nang anā'n kiavāngpū chang rase. Asik chu na muinū, anā'n ditpū, na ranga nāipasal sari nēka āsāpū hān ama chu ei mazir a ni,” a ti u na. 16Naomi'n nāitē chu a lāk a, a rōpsuoma a pom a, ama chu anā'n kiavāngpū a chang a. 17#1Sa 16:1, 13, 18; 1Kh 2:12-13, 15; Sām 72:20A inkōlmī nupang ngāiin a raming um a phuo u na, “Naomi rang nāipasal anzir a,” a ti u na. Amānī'n a raming chu Obed a phuo u na. Ama hi David a pā, Zesāi a pā a ni.
David a Khūkrachī
1Kh 2:5-15
18 #
Aph 38:29; Atl 26:1; Lk 3:33 Hiva hi Perez a chī a ni:
Perez-in Hezron a nei a.
19 #
Ant 6:23; Mt 1:4 Hezron-in Ram a nei a, Ramin Aminadab a nei a.
20 #
Atl 7:12; Lk 3:32 Aminadab-in Nason a nei a, Nason-in Salmon a nei a.
21 #
1Kh 2:11-12
Salmon-in Boaz a nei a, Boaz-in Obed a nei a.
22 #
1Sa 16:1; Isa 11:1 Obed-in Zesāi a nei a, Zesāi-in David a nei a.
Bible in Ranglong, © Bibles International, the Bible society of Baptist Mid-Missions, 2024.