Rūt 3
3
Rūt lē Boaz Rīmuna
1Hatuka a tarpī Naomi'n Rūt a kōma, “Ka nāinupang, nei satna ranga pōngansana#3:1 pōngansana: 1:9 a en ro. na ravānpē nō ning mo? 2#Lev 2:14; Atl 18:27; Rui 6:11Boaz a suok nungāk ngāi le nei va omna ha, ama chu koini na pānchī ni mak mo? Ataktaka, atun zān ama chu rīmuna bārlī hong masāp in ti, 3#Aph 41:14; 2Sa 12:20; 14:2; Isa 61:3Hasikhan tī anbuol tānla, marimhui ankhuo ro, na raliang a tiang tānla, rīmuna sē ro. Tenchu amā'n ānēk lē ābuong anzui māseng chu hava mī kōma na nīna anpuong nō ro. 4#Dān 25:5-10Hatuka hintin hin nī'n tia, a hong āzāl le chu, ei zālna mun chu nangin mandang tānla, hatuka va lūt na tia, a kē līk tān, va zāl ro. Amā'n imo nei thō rang na manthei in ti,” a tī na. 5#Efe 6:1; Kol 3:20Rūt-in Naomi kōma, “Nangin nei na ti dōra thō kiar ka ting,” a tī na.
6 #
Ant 20:12; Lev 19:3; Atl 18:27 Hantin han ama chu rīmuna a sē na, a tarpī'n ei ti ngāi anga a thō kiar a. 7#Rui 19:6, 22; 1Sa 25:36; 2Sa 13:28; 1Rē 21:7; Est 1:10; Sol 7:2; Hag 2:16Boaz-in anēk abuong suona, a malung a rāi asān a, ama chu buhūm ei ānbukna kōla āzāl ranga a sē na. Rūt chu a hong zazām a, ama kē chu a līk a, a hong āzāl a. 8Atun chu hintin hin a nī na, zānchima Boaz chu anlāirak a, a ninga anhoi a. Hatuka hava han, nupang khat a kethuona a lei zāl a. 9#Dān 25:5-10; Izk 6:8Boaz-in, “Tū mo nā ni?” a tī na. Amā'n, “Koi hi Rūt, na suoknū chu kā ni. Na suoknū chu na puon mēr mansil ro, asik chu nang chu ratanpū, ka ūnāi andēppui kēng nā ni,” tīna a masang a.
10 #
Zos 2:12; Rui 17:2; Rūt 2:20 Hatuka amā'n, “Ka nāinupang, Zehova bōrsāng tung ro! Ruothar ānriang mo ānei mo nei va zī nōk sika, nangin aphut tiang nēka ahek tiang kēng lungkhamna nei manlang sā. 11#Chn 12:4Atun chu, ka nāinupang, āchi nō ro. Nei na zong dōra na thōpē kiar ka ting, asik chu ka khopuia mipui dōrā'n nupang ādik tī hi a na riat kiar u na. 12A nā'n ratanpū na ūnāi andēppui kei ni hi a dik. Tenchu koi ka nēka ūnāi nei āndēppui khat a lā om a. 13#Atl 14:21; Dān 25:5; Hos 4:15; Mt 22:24Atun zān chu riak tānla, zīnga hintin hin hong nī'n tia, amā'n ūnāi andēp ei nina anga a na ratan zōt ten, a sā, amā'n na ratan rase. Tenchu amā'n a na ratan zōt nōk ten, Zehova ei damna le hin kei sāl a ni zei, koiin na ratan ka ting! Zīng ten chu hiva hin zāl ro,” a tī na.
14 #
Atl 18:27; Rōm 14:16; 2Ko 8:21; 1Pe 2:12 Hankēng Rūt chu zīng tena a kethuona a zāl a, hatuka angkhatin mītei mēl chu a mandang thei mān anthui a. Boaz-in, “Rīmuna nupang ei hong tūtē'n riat nō rase,” a tī na. 15#Isa 3:22; 2Ko 9:6Amā'n, “Na kōma zānī āom ha hong chōi tānla, hava ha sūr ro,” a tī na. Hava ha a sūr a, bārlī efa aruk a māi a, a chunga a rēpē na. Boaz chu khopuia a sē na. 16Rūt chu a tarpī kōma a hong le chu, Naomi'n, “Nang mo nā ni, ka nāinupang?” a tī na. Hatuka hava mī'n a ranga a lei thō dōra a tarpī kōma a ril kiar a. 17Rūt-in, “Hiva bārlī efa aruk ngāi hi amā'n ei na pēk a ni, asik chu amā'n ka kōma, ‘Na tarpī kōma kut koronga sē nō ro,’ ” a na tī na. 18#Ant 14:13; Sām 37:3-5Naomi'n, “Ka nāinupang, hiva ruia hi hontin mo ei ni rang nangin na riat māseng chu lei ānsut chian ro. Asik chu hiva mī'n avian hiva rui a mandang māseng chu hiva mī hi pōngansa nō ni,” a tī na.
Bible in Ranglong, © Bibles International, the Bible society of Baptist Mid-Missions, 2024.