Rōm 5
5
Iamna Zāra Pathian le Anngoina
1 #
Lk 2:14
Hasikhan iamna zāra Pathianin sat ei na manlō sika hin koini na Puma Isuo Khristā zāra Pathian le anngoina nei man a ni. 2#1Ko 15:1; Efe 2:18; Heb 3:6Hanūk chu ama sik dēna iamna sika hiva lungkhamnāna alūt theina nei chang a ni, hava ha koini nei āndingnā'm a ni. Hasikhan hong u ro, Pathian anlianna ansabei chunga rāi mansān u rei. 3#Mt 5:12; Heb 10:36Tenchu hava rong ni mak, antakna chungā'm na rāi asān, asik chu antaknā'n dūkdiarna ei masuok tī hi na riat. 4Hatuka dūkdiarnā'n nunchang anzui ei masuok. Nunchang anzui hān ansabei ruo ei masuok a ni. 5#Zn 3:16; Kui 2:33; Fil 1:20; Tit 3:5-6; Heb 3:6Rathā Ānthiang koini na kōma anpēk le han Pathian anditna chu koini malung sūnga ei hong tam a ni. Hava sika ansabeinā'n muolphui na sak mak.
6 #
Mk 1:15; Gal 4:4; Efe 1:10 Koini ngāi ranak dōnluia nā om lāia ahun taka Khristā chu Pathian poisaklui ngāi ranga ei hong thi. 7Midik khat rathūla mī angkhat anni athi ving rang a om thei a, tenchu mi āsa khat rathūla chu mī senkhat āthi rang āngam om in ti. 8#Zn 3:16; 1Pe 3:18; 1Zn 3:16Tenchu Pathianin koini ranga ei na ditna chu hintin hin ei hong manlang a ni. Koini misalui nā ni lāia Khristā chu koini rathūla ei hong thī a ni. 9Hasikhan atun chu Khristā thisena sat ei na manlō sika taksitna a hong ātung rang ātā ituk ātam mo Pathianin ei na mazōk rang a ni. 10#2Ko 5:18-19; Kol 1:20-22; Heb 7:25Pathian rāldui nā ni lāitak han a nāipasal ei hong thīna le han Pathianin ama lē koini chu ei na manngoi a ni. Hava sika han ama lē koini ei na manngoi sika ituk ātam mo ama damna le han nei zōk rang a ni. 11Hava rong ni mak, tenchu koini na Puma Isuo Khristā zāra Pathian chunga na rāi asān. Ama zāra atun hin anngoina nei man a ni.
Adam Sika Thīna, Khristā Zāra Damna
12 #
Aph 2:17; 3:1-7; 1Ko 15:21-22 Hivan tin hin mī khat dak sika āsia chu maniapūra ei hong lūt a ni, hatuka hava āsia sika thīna ei hong lūt a ni zei. Hava sik tak han aloma mitin chunga thīna ei ānthek a ni, asik chu aloma āsia thō kiar kēng a ni zei. 13Dān a om mān ātā āsia chu maniapūra a om kēng. Tenchu dān a bui ten hava āsia ha ansūr ngal pial nō ni. 14#Aph 3:11-12; 1Ko 15:22, 45Hanum ni sela, Adam a hun len ātā Mōsi a hun tenpei chu Adam-in dān ei khēl anga āsia athō ngal u nōkā'm mitin takchunga thīnā'n rui ei hong ril a ni. Hiva taka hin Adam chu alā hong rang pū khat le han ei hong mankhīna a ni.
15 #
Kui 15:11
Tenchu lungkhamna ānpēk chu masial athō le han ankhīruo ni mak. Asik chu mī khat dakin dān ei khēl sika mi tamtak ei thī a ni. Tenchu hava nēka han Pathian lungkhamna le miring khat, Isuo Khristā zāra man abuia ānpēk lungkhamna chu mi tamtak chunga ituk mo aliama ei om a ni. 16Hatuka lungkhamna ānpēk chu mī khat masial ei thō anga ni mak. Asik chu mī khatin dān ei khēl sika āsia anlōna ranga ruirilna chu ei hong suok a ni. Tenchu masial tamtak sika satanlōna ranga lungkhamna man abuia ānpēk chu ei hong anlang a ni. 17#Zn 10:10Asik chu mī khat masial sika hava mī khat amanga thīnā'n rui ei ril a ni. Havan tin dēn han lungkhamna liam le dikna tamtak a lō ngāi chunga mī khat Isuo Khristā zāra ituk ātam damna le han mo amānī'n rui ei ril u rang a ni.
18 #
Isa 53:11
Hava sika han mī khat masial sika aloma mitin takchunga āsia anlōna ei hong suok a ni. Havan tin dēn han midik khat sinthō zāra mitin takchunga damna ranga satanlōna ei hong suok rēt a ni. 19#Fil 2:8Hanūk rēt chu mī khat hē tel nōk sika mi tamtak āsia ei chang u a ni. Havan tin ang dēn han mī khat hē tel sika mi tamtak ādik ei ānlō a ni. 20#Gal 3:19; 1Ti 1:13-14Hekhēlna chu ei pung theina ranga dān chu a hong ālūt a. Tenchu āsia ei pungna muna lungkhamnā'm atam sabaka a pung a. 21#Mt 25:46Asik khīt chu āsia thōnā'n thīna āpēk theina ranga rui ei ril anga, lungkhamnā'n dikna amanga tāituon damna ranga koini na Puma Isuo Khristā zāra han rui ei ril a ni.
Bible in Ranglong, © Bibles International, the Bible society of Baptist Mid-Missions, 2024.