Rōm 4
4
Iamna Zāra Abraham Sat ei Ānlōna
1 #
Lk 3:8
Taksa anga koini na pā Abraham-in a lei man suo chu imo nei ti rang? 2#1Ko 1:31Kei hong tina asik chu Abraham a sinthō sika sat ei ānlō thei a ni ten, amā'n ei ānphuna rang a dōn a. Tenchu Pathian takchunga chu ni mak. 3#Gal 3:6; Zak 2:23Asik chu Pathian lekhabūna imo ei ti? “Abraham chu Pathian a iam a, hava ha Pathianin ama ranga diknāna a lei tel a.” (Aph 15:6) 4Tūkareng a sinthō sika a lō ei man chu hava ha lungkhama neinun pēk a tī na anruot mak. Tenchu ei lō rang ngala a chang-āi a tī na kēng ei ānruot. 5Tenchu mī'n a sinthō sika ni mak, tenchu Pathian biak lui ngāiin a iam u ten, sat a manlō thei a. Hatuka amā'n hava ei iamna ha Pathianin ama ranga satanlōna ranga ei ruotpē a ni. 6David um ni sela hiva ruia a ril a. A sinthō ni luia Pathianin sat ei manlōna ei ruotpē bōrsāng atung rui a ril a,
7“A dānkhēl una anduola om ngāi lē
Āsia ei thō u ngāi ankhūna ompē ngāi chu rāvān asa u kēng.
8 #
2Ko 5:19
Āsia ei thō Zehova'n ei telpē nōk mī chu rāvān asa kēng,” (Sām 32:1-2) a tī na.
Sertan Mān Abraham Sat ei Ānlōna
9Hanle hava bōrsāng atung, tī chongkam taka han sertan ngāi rang duoi mo ole sertanlui ngāi rang um mo ei rakōk? Asik chu iamna ha kēng Abraham ranga diknāna antela ei om, koinī'n nei ti. 10Hava ha hova tik lāia ei manlō mo? Sertan suole han mo ole sertan mān mo? Hava ha sertan suole han ni mak, tenchu sertan mān a ni. 11#Aph 17:10-11; Lk 3:8Sertana a om māna Abraham-in iamna ei dōn a ni. Hatuka hava iamna sika ādik a tī ei ānlō theina ranga andangna ranga sertan sinsiana hi ei man a ni. Havan tin han sertanluia iamna ādōn ngāiin amāni ranga dikna ei ānruot theina ranga, Abraham chu mī dōra pā ei chang a ni. 12Abraham chu sertan ngāi pā rong ni mak, tenchu sertan māna iamna ādōn koini na chipui Abraham iamna anūk azī ngāi dōra pā a ni.
13 #
Aph 17:4-6; Kui 13:32; Gal 3:16, 29 Asik chu Abraham le a chi ngāi kōma maniapūr āluo ranga chongtin ha ei man u a ni. Hava ha dān sika ni mak, tenchu iamna zāra dikna sika ei man u a ni. 14#Gal 3:18Dān sika ei luo u rang ni sela chu iamna chu akorong ei chang rang a ni, hanūk chu chongtin suo hā'm nemnabui ei chang rang a ni. 15#1Ko 15:56; 2Ko 3:7; Gal 3:10Asik chu dānin taksitna kēng ei masuok. Tenchu dān ei buina chu dān a khēlnā'm om mak.
16 #
Lk 3:8; Gal 3:16 Lungkhamna ang taka kēng chongtin chu iamna le nei man rang, hava chongtin ha Abraham a chi ngāi dōrā'n chāi luia ei man u rang a ni. Hatuka dān āzī ngāi rong ni mak tenchu Abraham iamna azī ngāi dōrā'm ei man rang a ni. Asik chu ama ha koini ngāi na loma na pā a ni. 17#Isa 48:13; 59:7-8; Zn 5:21Hivan tin hin Pathian lekhāna anziaka: “Nang hi nam tamtak pā āni ranga kei na sin kēng a ni zei.” (Aph 17:5) a tī na. Hiva hi amā'n ei iam a, Pathianin ei tī a ni. Āthi ngāi damna āpēk rēt thei lē aom nōk neinun ha om rase ātipū Pathianin ei tī a ni. 18Abraham-in ītē anngampuiruo a dōn ngal nōkā'm ni sela ansabeina ādōntit chunga “Nam tamtak pā,” āchang ranga iamna a dōn a. Asik chu Pathianin a kōma: “Hava anga na chi ngāi chu ni u'n ti,” (Aph 15:5) a tī na. 19#Aph 17:17; 18:11; Heb 12:11-12A taksā chu achuoi zita anriat a, kum 100 dām ei kāi um anriat a, Sara āching ei nī'm ei riat suo a ni. Hanum ni sela, iamna tianga chu chuoi pial mak. 20#1Sa 30:6; Mt 4:8Tenchu Pathian chongtin tiang anhoia iamna tianga sōkchāna dōn mak. Tenchu iamna tianga arāt riama, Pathian chu a manpāk a. 21#Aph 18:14; Mt 19:26Asik chu a kōma chongtin ha Pathianin tak manchang ngēt in ti tī anriat tatak a ni. 22Hasikhan, “Ei iamna ha kēng ama ranga diknāna ei āntel.” (Aph 15:6) 23Pathian lekhabūna hava chong ngāi ha ama rang duoia anziak ni mak. 24#Hab 2:2; 1Ko 9:10; 2Ti 3:16-17; 1Pe 1:21Tenchu koini ngāi rangā'm ānziak a ni. Koini na Puma Isuo āthi ngāi bil ātā ānthuipū Pathian chunga nei iam ei ni sika koinī'n nei iamna ha adika ei na ruotpē a ni. 25#Isa 53:5-6, 11; 1Ko 6:11; 2Ko 5:21Hava Isuo ngēt ha “koinī'n dān nei khēl sika ei hong betōk” a ni. Hanūk chu koinī'n sat nei ānlō theina ranga āthi nātā Pathianin ei hong mathui rēt a ni.
Bible in Ranglong, © Bibles International, the Bible society of Baptist Mid-Missions, 2024.