Rōm 15
15
Khristā Enruona
1 #
1Th 5:14
Hasikhan koini āchak ngāiin āchak nōk ngāi ei chak u nōkna hi atiarpui a nāng a. Na thei rang duoia ahuina thō u nō rei. 2#1Ko 10:24Koini na ning chipa na inkōlmī ei ānsōn theina ranga a rāisānna ranga satna thō u rei. 3#2Ko 8:9Asik chu Khristā'm ni sela ama a ninga rang duoia huina thō mak. Tenchu ei ānziak anga, “Nang anā sumdem ngāi sumdemna chu ka chunga a chul zei.” (Sām 69:9) 4Asik chu dūk a diar chunga le Pathian Lekhabū anthianga lungngamna le han ansabeina nei dōn theina ranga tianlāi ātā a lei ānziak a ni. Hava ha koini ngāi nei ānchūna ranga tianlāi ātā a hong ānziak suo a ni. 5#2Ko 13:11; Efe 4:3; Fil 2:2; Kol 3:14; 1Pe 3:8Dūkdiartheina le lungngamna anā pēk Pathianin Khristā Isuo nūk nei zī u anga mandon munkhat chōi theina malung na pēk u rase. 6#Sām 34:3; Anl 1:6Malung munkhat le chong khat achōia koini na Puma Isuo Khristā a Pā lē Pathian lianna chu nei manpāk thei una ranga. 7Khristā'n nangni ngāi ei na pom u anga nangnī'm Pathian lianna ranga angkhat lē angkhat anpom anlōm u ro.
Isuo chu Zehudi lē Namtei ngāi Sabeina
8 #
Mt 15:24; Kui 3:25-26; 2Ko 1:20 Kei na ril u a ni, Pathian chongtakna anlangna ranga, na chipui ngāi kōma chongtin ngāi chu ei det theina ranga, Isuo Khristā chu sertan ngāi kōma suok ei hong chang a ni. 9#Mt 9:8Hatuka namtei ngāi um ni sela a lungkhamna sika Pathian ei manpāk thei una ranga. A lei ānziak anga,
“Hiva sika hin namtei ngāi kāra na raming puong ka ti.
Na raminga anpākna lā thō ka ti,” (2Sa 22:50; Sām 18:49) a tī na.
10 #
Isa 66:10
Amā'n a ti rēt a,
“O, nangni namtei ngāi, a mi ngāi le han rāi mansān u ro.” (Dān 32:43)
11A ti rēt a,
“Nangni namtei ngāi dōra, Zehova chu manpāk u ro.
Nangni mi ngāi dōrā, ama chu mansāng u ro.” (Sām 117:1)
12 #
Mt 12:21; Anl 5:5 Isaia'n a ti rēt a,
“Zesāi a razung chu om in tia,
Ama chu namtei ngāi chunga āvong ranga anthui in tia,
Ama chu namtei ngāiin sabei u'n ti.” (Isa 11:10)
13 #
1Ko 2:4; 1Th 1:5 Nangni ngāi Rathā Ānthianga rātna le han ansabeina adōna nei liam thei una ranga ansabeina Pathianin nei iam una le han aloma rāisānna dōra lē phūkdāina tin rēnga na manbit u rase.
Paul Namtei ngāi Ranga Dorbōndompū
14 #
2Ko 8:7; Efe 5:9; 2Pe 1:12 Ka ūnāi ngāi, nangni ruia, satnāna ābit, riatna tina ābit, nangni lē nangni anchū thei chip nei ni u tī hi ka riat a. 15Hanum ni sela, kei na hong manriat rēt thei una ranga hohon mo arāng uola kei hong maziak a ni. Asik chu hava ha ka ranga Pathianin lungkhamna ei na pēk a ni. 16#Isa 66:20Namtei ngāi kāra Pathian thangahui aril ranga chāizūng hasō kei dom bibila hin Khristā Isuo hasōndom kei hong chang a ni. Namtei ngāi Rathā Ānthiang zāra dāli ānthiang anga, Pathian pomruo ei ni thei una ranga. 17#Fil 3:3; Heb 2:17Hava sika han Pathian tianga ruitāng lama chu Khristā Isuona anlianpuiruo ka dōn a. 18#Kui 15:12Hanum ni sela, namtei ngāi hē antelna ranga Khristā'n koi ka chongril le ka sinthō amanga ei thō ngāi rong nōk chu atei ītē ril ngam mak ung. 19#Zn 4:48; Kui 19:11; 22:17-21; 2Ko 2:12Pathian Ratha thōtheina zāra sinsiana lianpā ngāi lē tichangbui sin ngāi amanga, Zerusalem ātā Illurikon ravēl pumpuia, Khristā thangahui chu ka ril makhip suo zei. 20#2Ko 10:15-16Khristā raming ei lā'n ril pial nōkna muna thangahui avā ril rang hi ka derdīn babang a ni. Tenchu mīteiin abul a lei mandingna muna va manding lāi nō rong. 21Tenchu a lei ānziak anga,
“Ama rui ei lā'n ril nōkna muna mi ngāiin mu u'n tia,
La riat ngāiluiin riatthei u'n ti.” (Isa 52:15)
Paul Rōm-a Āsē Ranga Ansin
22Hiva sik tak hin a ni zei, nangni kōm āhong ranga voi ituk mo kei manlēn a ni. 23#Kui 19:21Tenchu atun hin hiva ram ravēl dāma chu ka sinthōna rang mun om lāi mak. Hatuka kum tamtak a ni zei nangni kōma āhong ranga kei zōtna. 24#1Ko 16:6; Tit 3:13Hasikhan kēng Spain rama ka pan rang tiang nangni kōma hong lūt ka ti. Hatuka ka khuolzin balama anā mu u ranga kā'n sabei a. Nangni kōma kā om bak suole han, ni hotuk ten mo chu ka phūk atung riam suole han kei panna rang ka pan tiang aloma a nā'n sūkpē chīt u ranga ka iam. 25#Kui 9:13; 19:21; 24:17Atun hin chu mīnthiang ngāi hasōndom ranga Zerusalem khopui āsē rang kā ni zei. 26#Kui 16:9; 18:12; 24:17Asik chu Makedonia ram le Akhaia rama mi ngāiin Zerusalem-a āom mīnthiang ngāi bila abui anriang ngāi ranga rāisān taka chōi rasuong athō u na. 27#1Ko 9:11Hava ha amānī'n rāisān hieia ei thō u a ni. Hasikhan hiva ngāiin sovā Zerusalem ngāi kōma rathā āntāng a ni u zei. Asik chu Zehudi ngāiin ratha lama neinun ha namtei ngāi ansempui tāk anten, amānī'm taksa tianga neinun le han amāni hasōndom ei nāng u a ni. 28Hasikhan hiva chōi rasuong hi andang rapa amāni kuta kei manlōn rang ka mabāk hi anzui le nangni na hong lūt u ka ti. Hava suole han Spain ram apana sē ka ti. 29Hatuka nangni kōma ka hong tik chu Khristā thangahuia bōrsāng āliam chu hong āchōi ranga kā'n iam.
30 #
2Ko 1:11; Gal 5:22; Kol 1:8; 4:12 Koini na Puma Isuo Khristā sika le Ratha maditna le hin ūnāi ngāi, kei na mathēm a ni u zei, koi ka bila nangnī'm Pathian kōma zār na zongpui u ro. 31#Kui 9:13; 24:17; 2Ko 1:10; 2Th 3:2; 2Ti 3:11; 2Pe 2:9Zudāi rama a iam nōk ngāi kut ātā kei zōk theina rang le Zerusalem-a mīnthiang ngāi ranga hasō kei domna hi amānī'n a na lei pompē thei una ranga zār na zongpē u ro. 32#Kui 18:21; 1Ko 16:18; Flm 1:7Havan tin han Pathian zōtdān ang taka rāisān taka nangni kōma kei hong suok theia hanūk chu na bil una rāisān hieia pōng kei ānsa theina ranga. 33#2Ko 13:11; Fil 4:9; 1Th 5:23; 2Th 3:16; Heb 13:20Phūkdāina Pathian chu na lom u chunga om rase. Amen.
Bible in Ranglong, © Bibles International, the Bible society of Baptist Mid-Missions, 2024.