Rōm 14
14
Ranakabui lē Ranakanei
1 #
1Ko 8:9-12
Iamna tianga āchak nōk tak chu ītē malung songankharna ruia ankhal luia pom u ro. 2Mī senkhatin alompeia a sāk thei kiar tī iamna a dōn a, tenchu iamna tianga chak luiin chu sūlbuoluipā duoi a sāk. 3#Lk 18:9; Kol 2:16Aloma asāk thei kiar hān hava asāk thei nōk ha ēlsēl thō nō rase. Hatuka asāk thei nōkin asāk thei kiar chunga ruiril nō rase, asik chu amā'm Pathianin ei pom kēng. 4#Mt 7:1Nang tū mo nā ni mītei suok chunga rui nei ril? Hava suok ha ānding mo āchul mo a pumā'n en bō ni. Tenchu ama chu andinga om in ti, asik chu Pathianin andinga a siaktit thei a.
5 #
Gal 4:10; Kol 2:16 Mī senkhatin nikhuo khat hi nikhuo atei ngāi ranga ānthiang uola a bēn a. Hatuka mi senkhatin nikhuo dōra aloma anruol chianga a bēn a. Tenchu mi tinin a ninga a malunga asa a tī na ei mandon anga mandon chip rase. 6#1Ti 4:3-4Nikhuo ser chu Puma sika ei ser a ni. Nikhuo serlui chu Puma sika ei ser nōk a ni. Hatuka alompeia asāk ngāi chu Puma sika asāk a ni u na, asik chu Pathian kōma rāisānna ei mantung a ni. Hanūk chu sāk ālōi ngāi chu Puma sika a lōi a ni u na, asik chu Pathian kōma rāisānna ei mantung a ni. 7#2Ko 5:15; Gal 2:20Asik chu koini ngāi kāra tūtē na ning ranga ādam om mak mē na, hanūk chu tūtē na ning ranga āthī um om mak mē na. 8#Fil 1:20Na dam ten, Puma sika ādam, na thi ten, Puma sika athi nā nī na. Hasikhan na dam mo na thi mo, Puma tā kiar nā nī na. 9#Kui 10:42; 2Ko 5:15; Anl 1:18Hava sik tak han Khristā chu āthi lē ādam ngāi Puma ei ni rit theina ranga ama chu ei hong thīna ei ānthuia ei hong dam rēt a ni.
10 #
Mt 7:1; 2Ko 5:10 Tenchu nang ichanga mo na paruol chunga rui nei ril? Hanūk chu ichang ngal mo na paruol chunga ēlsēl nei thō? Asik chu na lom renga Khristā ruirilna chōmphāng matona nei vā'n ding kiar rang a ni. 11#Isa 49:18; Fil 2:10Asik chu,
“Kei damna le hin kei sāl a ni zei, Pumā'n a ti, mankhūk tin chu ka kōma lā'n bok u'n ti.
Malei tin chu Pathian kōma lā'n puong in ti,” (Isa 45:23) tīna anziak a.
12 #
Mt 12:36; 1Pe 4:5 Hasikhan koinī'n na lom renga Pathian kōma na rui nei pēk chip rang a ni.
13 #
Mt 7:1; 2Ko 6:3 Hasikhan koinī'n angkhatin angkhat rui anril u lāi nō rei. Hanēkten na paruol kal chōina ranga anbāna lē ankhārna hongtē mo āsiak hi dik mak tīna mandon u ro.
Anditna Dān
14 #
Kui 10:15; 1Ko 8:7 Adik taka chu aloma ānthiang kiar kēng tī hi Puma Isuona angam laka kei hong riattheina a ni. Hatuka ānthiang nōk a tī na andon kōma chu ama rang duoia kēng hava ha ānthiang nōk a ni. 15#1Ko 8:11; Efe 5:2Na nēk na sāk sika na paruol malung a na ten, nang chu anditna thuoia ālēng ni lāi mak chē na. Ama sika Khristā ei hong thīna chu na nēk na sāk sika na paruol masiat nō ro. 16#1Ko 10:30Hasikhan nei satna chu mī'n āsiata ril nō rase. 17#Isa 32:17; 1Ko 8:8; Gal 5:22Pathian ram chu nēk le sāk rui ni mak, tenchu Rathā Ānthianga dikna lē phūkdāina lē rāisānna kēng. 18#Lk 2:52; Kui 24:16; 2Ko 8:21Havan tina Khristā dorbōndom tak chu Pathianin ei pomruo lē miring mitmūna lalchi thōruona ātung kēng. 19#2Ko 12:19; Efe 4:12, 29; 2Ti 2:22; Heb 12:14Hasikhan phūkdāina ansuok thei le nei ānsōn theina ranga ansanna ngāi ha āzī ranga pūt u rei.
20 #
Kui 10:15; 1Ko 8:9-12 Nēk sāk sika Pathian sinthō chu masiat u nō ro. Aloma ānthiang kiar chu a ni, tenchu anēk le asāk sika mī senkhat ei ānbāna a chang ten, hava ānēk le āsāk ha ama ranga ādik nōk a ni zei. 21#Mt 5:29Mē sāk sika mo zūnēk sika mo ole angkhat pei sika mo na paruol ei ānbāna le malung ei na na le ei chuoina a chang ten, nei sāk nei nēk nōk ha na ranga a sa. 22#1Zn 3:21Iamna mo nā dōn? Pathian matona nei iamna ha na ninga dōn ro. A ninga adik atīna ei pom suo demlui chu rāvān asā kēng. 23Tenchu malung aring chunga nēk sāk athō ten, āsia anlō suo kēng a ni zei. Asik chu iamna le han ei sāk nōk a ni. Hatuka iamna nōk ātā anthō takpei chu āsia a ni.
Bible in Ranglong, © Bibles International, the Bible society of Baptist Mid-Missions, 2024.