Chongahian 4
4
Pā Manchūna
1 #
Chn 1:8; 2:2; 19:20 Ka nāi ngāi, pā manchūna chu rangāi u ro.
Riattheina chu nei riat una rang na malung pēk u ro.
2Asik chu anchūna sā ka na pēk u na,
Ka dān chu heng u nō ro.
3Ka pā nāipasal ka lei nī na,
Ka nū mitmūna koi rong hi a nāi marit ka lei nī na.
4 #
1Rē 9:4; Chn 7:2 Amā'n a na lei manchū na, ka kōma,
“Ka chongkam ngāi chu na malungin sūrtit rase;
Ka chongpēk ngāi zī tānla, dam ro.
5 #
Chn 2:12; 4:7 Hianna chu man ro! Riattheina chu man ro!
Mangil nō ro, ka bāia chongkam ngāi ātā pēt nō ro.
6 #
Chn 2:1; 2Th 2:10 Hianna chu heng nō ro, amā'n na hōi in ti;
Ama chu ādit ro, amā'n na rung in ti.
7 #
Chn 23:23
Hianna chu anāng khīt a ni, hasikhan hianna chu man ro.
Nei man ngāi dōra amanga riattheina chu man ro.
8 #
Chn 3:18
Hianna chu manpāk ro, na mansāng in ti.
Ama chu ākuo tānla, lalchī na manruoi in ti.
9 #
Chn 1:8-9
Hiannā'n na lūna lungkham anvōnāna mankhū in tia,
Ānhui rēnglukhū chu na pēk in ti,” a tī na.
10 #
Dān 11:21; Sām 34:11-16; Chn 1:8-9; 2:1 Ka nāipasal, kei na ti ngāi hi rangāi tānla, pom ro,
Hatuka na damsūng kum ngāi chu sōt in ti.
11 #
1Sa 12:23; 2Sa 22:37 Hianna lampui ka na manchū na,
Lampui dika ka na maruoi.
12 #
Zōb 18:7; Chn 3:23 Kal na chōi le, na kephet chu a nā luo om nō ni,
Na tān tika anpal nō ta ni.
13 #
Chn 3:22; Zn 6:63 Anchūna chu sūrtit ro, mathān nō ro,
Rung tānla, asik chu hava ha nei damna a ni.
14 #
Sām 1:1; Chn 1:15 Misalui ngāi lampuia lūt nō tānla,
Āsiat ngāi lampuiā'm kal chōi nō ro.
15Lōi tānla, hava han sē nō ro,
Hava nātā anher tānla, sē tir ro.
16 #
Mik 2:1; 7:3 Asik chu sin salui a thō u nōk ten in thei u mak a,
Mī khat pei a masul u māseng chu inrahalansaka om u chachak.
17 #
Chn 13:2; Isa 59:6; Zer 22:3; Hab 1:2; Mal 2:16 Asik chu amānī'n siatna nēksāk a sāk u na,
Anpōnna theirapomningtī chu a buong u chachak.
18 #
2Sa 23:4; Dnl 12:3; Mt 5:14; Zn 8:12; Fil 2:15 Tenchu midik ngāi lampui chu zīng khuovār raāng ang kēng,
Sūnchim raāng a ni māseng a ēl tir a.
19 #
Zōb 3:23; 18:5; Chn 2:13; Isa 8:15 Misalui ngāi lampui chu āzīng ang kēng,
Amāni ānpalpū chu riat u mak a.
20 #
Sām 34:11-16; Chn 5:1 Ka nāipasal, ka chongkam ngāia na malung pēk ro,
Kei ti ngāia hin na kuor sung ro.
21 #
Chn 3:21
Na mit ātā hava ngāi chu ankhāi nō rase,
Na malung sūnga hava ngāi chu rē ro.
22 #
Chn 3:8; 12:18 Asik chu hava ngāi chu āman ngāi ranga damna a ni,
A taksa pumpui ranga rivoisana a ni.
23 #
Chn 10:11; Mt 15:19; Lk 6:45 Taksatmara na malung chu rung ro,
Asik chu hava nātā damna tinār ngāi a luong.
24Anhuongna mūr chu na kōm ātā khāi ro,
Singlui ner chu na kōm ātā alavata siak ro.
25 #
Zōb 31:1
Na mit ngāiin maton tiang thīr rase,
Na mitnāti ngāiin andīn phita maton tiang en rase.
26 #
Chn 5:21; Heb 12:13 Na ke sīr lampui chu asadima en ro,
Na lampui dōra chu adeta om rase.
27 #
Dān 5:32; Zos 1:7; 2Rē 22:2 Chang tiang mo ole voi tiang mo anher nō ro,
Āsiat ātā na kē chu khāi ro.
Bible in Ranglong, © Bibles International, the Bible society of Baptist Mid-Missions, 2024.