Chongahian 3
3
Pathian Hētel lē Ānngampui
1 #
Sām 119:61; Chn 1:8 Ka nāipasal, kei na manchūna chu mangil nō ro,
Tenchu ka chongpēk ngāi chu na malungin zī rase.
2 #
Dān 11:21; 1Rē 3:13-14; Chn 9:11 Asik chu hiva ngāiin na damsūng nikhuo seina,
Damsūng kum tamna lē phūkdāināna sappē in ti.
3 #
Ant 13:9; Dān 6:6; Chn 6:21; 2Ko 3:3 Lungkhamna lē atakin na māk nō rase,
Na rīnga hava ngāi chu khit ro,
Na malung lungpēka maziak ro.
4 #
1Sa 2:26; Lk 2:52 Hantin han miring lē Pathian mitmūna,
Ditbingna lē ramingsatna man in na ti.
5 #
Sām 37:3, 5 Na malung dōra le Zehova chu anngampui ro,
Nang nei riatnāna anboi nō ro.
6 #
Zōb 33:11; Chn 16:3; Isa 40:3; Zer 42:3 Na kal chōina dōrana ama chu riat chian ro,
Amā'n na lampui ngāi chu na manzīkpē in ti.
7 #
Ant 20:20; Dān 4:6; Zōb 1:1; Chn 26:5; Isa 5:21 Na mitmūna ahian anlō nō ro,
Zehova chu āchi tānla, āsiat ātā ankhāi ro.
8 #
Zōb 21:24; Chn 4:22 Hiva hi na taksā#3:8 taksā: Hebrāi chonga “malāi” tīna anziak a. ranga damna chang in ti,
Na rū ranga rivoisana chang in ti.
9 #
Ant 22:29; Dān 26:1-15 Na dōngluo le Zehova chu ton ro,
Āvang ngāi dōra na mararapā le han um.
10 #
Zol 2:24; Mal 3:10-12 Hatuka na sasiar ngāi chu atam sabaka bit in ti,
Na theirapomningti khur ngāi chu theirapomningtī thar le han liam in ti.
11 #
Zōb 5:17; Chn 1:8-9 Ka nāipasal, Zehova chūnzēmna chu helā nō ro,
Ei na chūnngōna um matīr nō ro.
12 #
Dān 8:5; Zōb 5:17; Chn 13:24; Heb 12:5-6; Anl 3:19 Asik chu Zehova'n ei madit ngāi chu chūnzīk a thō na,
Pā'n ei madit nāipasal chunga ei thō anga.
Hianna Bōrsāngna
13Hianna a man chu bōrsāng a tung kēng,
Riattheina āmanpū hā'm.
14 #
Zōb 28:15-19; Chn 8:19 Asik chu ama ei takna chu sumrū takna nēka a sa bet,
Rāngkachak tak nēka ama ei takna chu a sa bet.
15 #
Zōb 28:17-19
Ama chu rochon nēka ālū kēng,
Lungdōna neinun ngāi dōra le ama chu ankhī phāsam kēng.
16 #
Aph 15:5
Damsōtna chu a chang kuta om,
A voi kut tiang anchongna lē tonna a om.
17 #
Mt 11:28-30
A lampui ngāi chu lampui ahui a ni,
A kong ngāi dōra chu phūkdāina a ni.
18 #
Chn 2:12; 11:30; Anl 2:7 Ama a sūr tak ranga, ama chu damna thingkung a ni,
Ama adetrapa āsūr ngāi chu bōrsāng a tung u kēng.
19 #
Aph 1:31; Zōb 28:25-27; Chn 8:27-29 Zehova'n hianna le phil chu a phun a;
Riattheina le han anvān ngāi chu a mandet a.
20Ei riatna le han tīnthūk ngāi chu a hong manphū na,
Ansūm ngāiin rodō a hong masul a.
21 #
Chn 1:8-9; 4:20-22 Ka nāipasal, hiva ngāi hi na mit ātā ankhāi nō rase.
Hianna āsā lē ruizēktheina chu rung ro.
22 #
Dān 30:20; Chn 1:8-9; 4:22 Hava ngāi chu na nunna ranga damna chang in ti.
Na rīng ranga lungkham anvōna chang in ti.
23 #
Chn 1:33; 4:12 Hatuka na lampuia han azōkhieia kal chōi na tia,
Na kē chu anpal nō ni.
24 #
Lev 26:6; Zōb 1:18; Zer 31:26 Nā zāl le han, āchi nō ta ni;
Na zāl tikle inmū huia in na ti.
25Anlāiseka rathatākna chu āchi nō ro,
Misalui ngāi siatbiangna a hongā'm āchi nō ro.
26 #
1Sa 2:9; 2Rē 18:5; Zōb 4:6; 5:19 Asik chu Zehova chu nei ānngamna nī'n ti,
Na kē chu an-ōkna nātā na rung pē'n ti.
27A thō thei ranga na kuta ningneina a om lāi,
Āsā manthei ngāi ranga āsā chu khāp nō ro.
28 #
Lev 19:13; Lk 10:25-37 Neinun nei dōn uoma, na inkōlmī kōma,
“Sē tānla, hong rēt ro, nangtūk na pēk ka ting,” ti nō ro.
29 #
Zek 8:17
Na inkōlmī na kōla anngam panga ommun akhuor lāi,
Ama aduia āsiat val nō ro.
30Āsiat ītē a na thō nōk ten,
Miring tūtē le asik abuia ansuol u nō ro.
31 #
Chn 24:1-2
Pēngsōmpū chu ningōl nō ro,
A lampui ngāi chu angkhat ngal a thang nō ro.
32 #
Zōb 29:4; Sām 25:14; Chn 11:20 Asik chu sūngathū mī chu Zehova matona antīrruo a ni,
Tenchu a maruk huongvārsakna chu midik ngāi kōma om chachak.
33 #
Zōb 5:3; Chn 14:11; Zek 5:4 Misalui ngāi ina Zehova khomāk a om,
Tenchu midik ngāi khumlān chu bōr a pēk chachak.
34 #
2Rē 19:21; Mt 23:12; Zak 4:6; 1Pe 5:5 Mī ēlsēl a thō ngāi chu ēlsēl a thō chachak,
Tenchu omannuoi ngāi chu lungkhamna a pēk chachak.
35Mihian ngāiin anlianna man u'n ti,
Tenchu okanang ngāiin muolphuina man u'n ti.
Bible in Ranglong, © Bibles International, the Bible society of Baptist Mid-Missions, 2024.