Mathāi 6
6
Ābui ngāi kōma Pēkna
Lk 12:33-34
1“Sin āsa nei thō u ngāi chu, miring mitmū rang duoia nei thō u nōkna ranga anrēng u ro. Hanōkten chu, vāna na Pā u kōm ātā ītē rātpāk man u nō ta ni.
2“Hasikhan, nangin lungkhamna nuompēk na pēk tikle, na matona tōtorōt tum nō ro. Phuozekām ngāiin miring kōm ātā anpākna āman ranga, sinagog ngāi lē lamlian ngāia a thō u chachak a. Taktaka kei na ril a ni u zei, amānī'n a rātpāk u chu a man u zei. 3Tenchu nangin lungkhamna nuompēk na pēk tikle, na chang kutin ei pēk chu na voi kut manriat nō ro. 4#Kol 3:23-24Hankēng na lungkhamna nuompēk chu maruka ei om rang. Maruka āmūpū na Pā'n rātpāk chu na pēk in ti.
Puma Zārzongna
Lk 11:2-4
5 #
Mk 11:25; Lk 18:10-14 “Hatuka nangnī'n zār na zong u tikle, phuozekām ngāi anga zong u nō ro. Amāni chu mī'n ei mu theina ranga, sinagog ngāia lē lamlian ngāia, ānding chunga zār a zong kēng ei zōt u chachak. Taktaka kei na ril a ni u zei, amānī'n a rātpāk chu a man u zei. 6#2Rē 4:33Nang chu zār na zong tikle han, na pingdana va lūt tānla, na suokkhār khār tānla, maruka om chian pū na Pā kōma zārzong ro. Maruka āmū chachak pū na Pā'n rātpāk na hong pēk in ti.
7 #
1Rē 18:26-29; Chp 5:2 “Nangnī'n zār na zong u tikle han, namtei ngāi anga nei ril munpū ril rerēt u nō ro. Amānī'n ātam ei ril u sika, anrangāia om bō ni tīna a iam u na. 8Hasikhan, amāni anga ni u nō ro. Asik chu ama kōma na zong u mān, na Pā u'n neinun nei nāng u ngāi chu a lei riat suo a ni. 9#Zer 3:19; Mal 2:10; 1Pe 1:17Hasikhan hintin hin zārzong u chachak ro:
“Vānrama koini na Pā,
Na raming anthiang lalchi om rase.
10Na rēngram hong tung rase.
Vānrama nei zōtdān ei ānthō anga,
Philā'm anthō rase.
11 #
Chn 30:8
Nikhuontina na nēksāk chu aviana rang na pēk ro.
12Koinī'n nei mantāng ngāi nei maduol anga,
Koini nei āntāng ngāi um na maduol ro.
13 #
Zak 1:13
Thēmnāna, na ruoi nō tānla,
Tenchu siatna nātā na mazōk ro.
Asik chu rēngram, thōtheina lē anlianna chu tāituona na tā kēng. Amen.
14 #
Mk 11:25-26; Efe 4:32; Kol 3:13 Mī ei masialna ngāi na maduol u ten, anvāna na Pā u'n um na maduol u'n ti. 15Tenchu mī ei masialna ngāi na maduol u nōk ten, anvāna na Pā u'n um nei masial u ngāi na maduol u nō ni.
Maruka Angoina
16 #
Lev 16:29, 31; Atl 24:7; Isa 58:5; Zek 7:5 “Hatuka na ngoi u tikle, phuozekām ngāi anga na mēl manngūi u nō ro. Amāni chu ei ngoi u ei manlang thei una ranga, a mēl ei manngūi u chachak a ni. Taktaka kei na ril a ni u zei, amānī'n a rātpāk chu a man suo u zei. 17Nang chu nā ngoi tikle, na lū sariak khuo tānla, na māi phia ro. 18Hankēng nei ngoina chu mī'n ei mū thei nōk rang, tenchu na Pā maruka ompū mitmūna rong angoia anlang ro. Hatuka na Pā maruka āmūpū'n rātpāk na pēk in ti.
Vānrama Dōngluo Āntīng
Lk 12:33-34
19 #
Chn 23:4; Lk 12:16-21; Heb 13:5; Zak 5:2-3 “Maniapūra hin na rang una dōngluo mantīng u nō ro. Hiva hin chu nger lē thīr-ēkin ei masiat a, marūsā ei lūt a, ei maruk thei a ni. 20#Lk 12:33; 1Ti 6:19Tenchu na rang una vānrama dōngluo mantīng u ro. Sovā son chu nger lē thīr-ēkin masiat thei mak a, marūsā ei lūt a, maruk thei mak a. 21#Lk 12:34Asik chu na dōngluo ei omna taka, na malung um om in ti.
Taksa Lēm
22“Taksa lēm chu mit hi a ni. Hasikhan na mit a sa ten, na taksa pumpui chu ēl in ti. 23Tenchu na mit a sa nōk ten, na taksa pumpui chu zīngkhap in ti. Hasikhan na sūnga raāng chu zīng sela, hava āzīng chu hotuk mo ei zīng rang a ni zei!
Pathian lē Anchongna Dorbō Ādom Thei Nō Ta Ni
Lk 16:13
24 #
Lk 16:13
“Tūtē'n puma anni dorbō a dom thei ngāi mak. Asik chu angkhat madit in tia, atei angkhat chu mūmāk in ti. Hanōkten angkhat kōma iamruona om in tia, atei angkhat chu sumdem in ti. Nangnī'n Pathian lē sum anlop rita a dorbō a dom thei u nō ta ni.
Lung Anhāng Nō Ro
Lk 12:22-31
25 #
Lk 10:41
“Hasikhan kei na tī a ni u zei, nei dam una ranga imo sā ning, imo nēk ning ole, na taksa ranga, imo rasil ning tīna lung anhāng u nō ro. Nēksāk nēka damna, puonpāi nēka taksā ni mak mo ālu uol? 26#Zōb 38:41; Sām 104:21Chunga va ngāi so en u ta, amānī'n tū u mak a, āt um u mak a, sasiar uma būm u mak a. Hanum ni sela, anvāna na Pā u'n a vāi a. Amāni nēka nangni chu lu uol u mak che mo? 27#Sām 39:5Tū mo nangni bila lung anhānga adung muk khat ngal āsōn thei nā ni u? 28Hong sik mo puonpāi sika lung nei ānhāng u? Rama ūmphut pār ngāi ei ānsōnzia chu mandon u ta. Amānī'n apōnga sinthō u mak a, puonpat um thō u mak. 29#1Rē 10:4-7Hanum ni sela, kei na ti u a ni zei, Solomon um ha ei ānlianna dōra le han anliang ngalā'm, rama ūmphut pār ngāi bila angkhat dakte dōr ngal asāna anliang thei mak. 30#Lk 12:28Hasikhan, rama chiak, aviana om nangtūka lungthūna anpei rang ngāi luo mana, Pathianin hadōr pei a manliang ten, O nangni iamna tōm ngāi, amā'n na chunga una hanēka atama nā thuom u nō ni mo? 31Hasikhan, imo sāk ning? ‘Imo nēk ning? Imo rasil ning?’ tīna lung anhāng u nō ro. 32Asik chu hiva ngāi hi namtei ngāiin tak asata ei ravān u chachak a ni. Hiva neinun ngāi dōra hi nei nāng u ti chu, anvāna na Pā u'n ei riat kēng. 33#Sām 37:4Tenchu Pathian a rēngram lē ei dikna chu ravān mānsa u ro, hiva ngāi dōra chu anpēk sapa om u na ti.
34“Hasikhan nangtūka rang lung anhāng u nō ro. Nangtūkin nangtūk dēnin lung anhāng bō ni. Nikhat ranga antak chu nikhat ranga a hun.
Bible in Ranglong, © Bibles International, the Bible society of Baptist Mid-Missions, 2024.