Mathāi 5
5
Muolpuia Pathian Chongrilna
Bōrsāng Atung Nun
Lk 6:20-23
1Mipui ngāi a mū na, ama chu muolpuia a vā kal a. Ama chu ei ānsut le, a zolāi ngāi chu a kōma a hong u na.
2Hatuka a mūr a malong a, amāni chu a manchū na:
3“Sūngrīl tianga ānriang ngāi chu bōrsāng atung u kēng, asik chu vān rēngram chu amāni tā kēng.
4 #
Isa 61:2-3; Anl 7:17 “Chapchān ngāi chu bōrsāng atung u kēng, asik chu lungngam ansaka la om u'n ti.
5 #
Sām 37:11; Rōm 4:13 “Āsing ngāi chu bōrsāng atung kēng, asik chu amānī'n maniapūr la luo u'n ti.
6 #
Isa 55:1-2
“Dikna sika ānchām lē ānrāl ngāi chu bōrsāng atung kēng, asik chu amāni chu akhopa la om u'n ti.
7 #
Zak 2:13
“Lungkhamna dōn ngāi chu bōrsāng atung kēng, asik chu lungkhamna la man u'n ti.
8 #
Heb 12:14; Anl 22:4 “Malung ānthiang ngāi chu bōrsāng atung kēng, asik chu Pathian la mu u'n ti.
9 #
Rōm 8:14; 14:19 “Anngoina āsinpū ngāi chu bōrsāng atung kēng, asik chu Pathian nāi ngāi lā'n ti u'n ti.
10 #
1Pe 3:14
“Dikna sika ansinsakna ātiar ngāi chu bōrsāng atung kēng, asik chu vānram chu amāni tā kēng.
11 #
Isa 51:7; Zn 15:21 “Koi ka sika mī'n a na ērō u na, a na sinsak u na, hanūk chu na chung una milaka āsiat dōra a ril u ten, bōrsāng atung kēng nā ni u. 12#Kui 7:52; 2Ko 6:10; Kol 1:24; Zak 1:2; 1Pe 1:6Na rāi mansān u tānla phām u ro. Asik chu vānrama nangni ranga rātpāk ātampā ānsiak a om. Asik chu na mān una deari ngāi chu hantin dēn han ansinsaka a lei om u chachak a ni.
Machī lē Raāng
Mk 9:50; Lk 14:34-35
13 #
Mk 9:50; Lk 14:34 “Nangni hi maniapūra machī nā ni u. Tenchu machī hi ei alna a hek ten, hontin mo ei al rēt thei rang? Hava chu ītē ei nemna om lāi mak a, mī'n ei peia a ke le ei thin duoi rang kēng a ni zei.
14 #
Zn 8:12
“Nangni hi maniapūra raāng nā ni u. Muol ansānga khopui āom chu anthup thei ngāi mak.
Lēmchuongna Chunga Lēm
15 #
Mk 4:21; Lk 8:16 “Mī'n lēm a manchuong a, kok sūnga siak ngāi mak, tenchu lēmchuongnāna kēng, insūnga mī om dōra chu ei ēl theina rang a ni. 16#1Ko 10:31; Fil 1:11; Tit 2:14Na raāng u chu mi ngāi mitmūna ēl rase. Hankēng amānī'n na sinthō u āsa a muna, vāna na Pā u chu ei manpāk thei u rang.
Isuo'n Dānbū ei Makhipna
17 #
Zn 10:34; Rōm 3:31 “Dān mo ole deari ngāi mo ānsiat ranga āhong kā ni tīna mandon u nō ro. Hava ngāi ānsiat ranga ni luia, tenchu ānkhip ranga hong kā ni. 18#Isa 40:8; Mk 13:31; Lk 16:17Taktaka kei na ril a ni u zei, phil lē anvān anpei māseng chu, dānbūna ansun dap mo ole ankei rēk mo anpei thak nō ni, aloma a kip zit māseng chu anpei nō ni. 19#Zak 2:10Tūkareng hiva chongpēk ngāi kāra āsīn khīt khat dak ngal ākhēl lē, hava anga āthō ranga mi ānchū tak chu, vānrama āsīn khīt antī'n ti. Tenchu tūkareng hava ngāi a zī na, hava anga āthō ranga mi ānchū tak chu, vānrama ālian antī'n ti. 20#Isa 26:2; Zn 3:5Asik chu kei na ril a ni u zei, nangni nei dik u nā'n Farisāi lē dānmīnchūpū ngāi dikna a khēl nōk ten, vān rēngrama lūt pial u nō ta ni.
Mī That
21“Tiana mi ngāi kōma, ‘Mī that nō ro,’ (Ant 20:13) tūkareng mī that tak chu a chunga ruirilna la om in ti, ti ha, na riat u na. 22#Chp 7:9; Mk 9:43; Lk 16:24; 1Ko 13:5; Efe 4:26; Zak 1:19-20Tenchu koiin kei na ti u chu, tūkareng a paruol chunga asik abuia a tak ansi tak chu, a chunga ruirilna om in ti. Hanūk chu tūkareng a paruol rang, ‘Ānang,’ āti tak chu, a chunga ruirilna om in ti. Tenchu tūkareng, ‘Āmopā,’ āti tak chu, moisumpui anchīoma chul in ti. 23Hasikhan māichāma dāli na hong dar lāi han, na chunga na paruolin malung siatna ei dōn tīna malunga a chui ten, 24māichām matona na dāli dar rang chu māk a, kīr rēt tānla, na paruol chu vā'n ngoipui bak ro. Hatuka hong tānla, na dāli chu hong dar ro. 25Nei ānduipui chu lampuia nā sēpui lāi han anngoina thōpui ro. Hanōkten chu a nā'n duipuiin ruirilpū kuta na betōk in ti. Hatuka ruirilpū'n mi sūrpū kuta na betōk in tia, nang chu ankhumna-ina na va khum in ti. 26Taktaka kei na ril a ni zei, sumchēng khattē tenpei na thuon suo māseng chu zōk pial nō ta ni.
Uirē
27“Tiana mi ngāi kōma, ‘Uirē nō ro,’ (Ant 20:14) tīna a lei ānril ha na riat a. 28#Chn 6:25; 2Pe 2:14Tenchu koiin kei na ti u chu, tūkareng taksa ningōl sabaka nupang āen chu, a malunga uirē suo kēng a ni zei. 29#Mk 9:42-47; Lk 17:2; Rōm 14:21; 1Ko 8:13; 2Ko 6:3Na chang mitin āsia a na manthō ten, kel tānla pei ro. Asik chu na taksa her khat ei siat chu, na taksa pumpui moikundūna anpeia om nēk ten, na ranga āsa uol hale. 30Na chang kutin āsia a na manthō ten, tuk tānla pei ro. Na na taksa her khat ei siat chu, na taksa pumpui moikundūna anpeia ei om nēk ten, na ranga āsa uol hale.
Nupuiparam Ansenna
Mt 19:9-10; Mk 10:2-12; Lk 16:18
31 #
Dān 24:1-4
“Hava panga han, ‘Tūkareng a thāinū ānsenpui tak chu, ansenna lekhā pēk rase,’ (Dān 24:1)
a lei āntī na. 32#Lk 16:18Tenchu koiin kei na ti u chu, tūkareng mītei le āchāi sika ni luia, a thāinū āmāk tak chu, a thāinū uirē ei manchang a ni. Tūkareng nupang ei ānsenpuipū ālāk tak chu uirē a ni.
Khomāk Ansam
33“Tiana mi ngāi kōma, ‘Milaka khomāk nei ānsam rang ni mak. Puma kōma na khomāk ansam chu nei len rang a ni,’ (Dān 23:21-23)
a lei ānril chong ha na riat u na. 34#Isa 66:1; Zak 5:12Tenchu koiin kei na ti u chu, khomāk ansam pial u nō ro. Chungvān raminga khomāk ansam u nō ro. Asik chu hava ha Pathian ansutna chōmphāng kēng. 35#Sām 48:2Maniapūr raminga khomāk ansam u nō ro. Asik chu hava ha a kephā siakna mun kēng. Zerusalem khopui raminga khomāk ansam u nō ro. Asik chu hava ha Rēng alian omna khopui kēng. 36Na lū le khomāk ansam u nō ro. Asik chu na samsang khat ngal nei manchuok a, manhāng thei ni u mak chē. 37#Zn 17:15; Efe 6:16; 2Th 3:3; Zak 5:12; 1Zn 2:13-14Tenchu na chongril u chu, ‘A ni’ chu ‘A ni’ ole ‘Ni mak’ chu ‘Ni mak’ ni rase. Hava nēka aliak āsap chu āsiat ātā āsuok kēng a ni zei.
Phubalākna
Lk 6:29-30
38“Nangnī'n, ‘Mit rathūla mit lē hā rathūla hā,’ (Ant 21:24; Lev 24:20; Dān 19:21)
tīna ānziak hi na riat u na. 39#Lk 6:28; Rōm 12:17, 19; 1Pe 3:9Tenchu koiin kei na ti u chu, misalui dui u nō ro. Mī'n na chang māi ā bēn ten, kiang khat tiangā'm dō rēt ro. 40Mī'n ruirilzōla na kultāi anchuol anpot rang a ti ten, na puon rasil um pēk ro. 41Mī'n mēl khat kal achōi ranga therkhak a na thō ten, mēl anni kal chōipui ro. 42#Dān 15:8; Lk 6:30Na kōma anā zongpū chu pēk ro. Na kōma apūk anā zong chu nūksīr lei son nō ro.
Na Rāldui ngāi Anditna
Lk 6:27-28, 32-36
43 #
Sām 139:21-22; Mk 12:31; Lk 10:27; Rōm 13:9; Gal 5:14; Zak 2:8 “ ‘Na inkōlmī ādit tānla, na rāldui mūmāk ro,’ (Lev 19:18) tī ha na riat u na. 44#Lk 6:27-28; Zn 15:20; Kui 7:60; Rōm 8:35; 1Ko 4:12; 1Pe 2:23Tenchu koiin kei na ti u chu, na rāldui chu ādit u ro, khomāk anā sam ngāi chu bōr pēk u ro, anā'n mūmāk ngāi ranga sin asa thō u ro, hanūk chu anā'n sinsak ngāi ranga zārzong u ro. 45#Zōb 25:3; Lk 6:35; Rōm 8:14Hava ha vāna na Pā unāi nei chang thei una rang a ni. Amā'n misalui lē mīsa ngāi chunga, ama anīsā chu a masuok chachak a, midik le midiklui ngāi chungā'm roti a masul chachak a. 46#Lk 6:32Nangni anā'n dit ngāi rong nā dit u ten, hong rātpāk mo nei man u rang? Hava ngāi chu siachōipū ngāiin um ei thō u ni mak mo? 47Na ūnāi ngāi rong chubai na thō u ten, mītei ranga imo aliak nei thō u? Hava ha chu siachōipū#5:47 siachōipū: Senkhata chu “namtei ngāi” tīna anziak a. ngāiin um ei thō u chachak ni mak mo? 48#Lev 19:2; 1Pe 1:16Hasikhan nangni chu vāna na Pā u sat ei ānzui anga nangnī'm satanzui u ro.
Bible in Ranglong, © Bibles International, the Bible society of Baptist Mid-Missions, 2024.