Zosua 3
3
Israel ngāiin Zordan a Rakān
1 #
Aph 13:10; Zos 2:1; Zōb 40:23 Zosua chu ārkhuona anthui a. Ama le Israel nāi ngāi dōra chu Sitim ātā anphet u na, Zordan a hong āsuok u na. Zordan a rakān u mān hava han a riak u na. 2#Aph 40:13; Dān 1:15; Zos 1:11Nīnthum suona hintin hin a nī na, ruoipū ngāi chu riabuk malāia a sē u na. 3#Atl 4:15; 10:33; Dān 31:9-25; 1Sa 6:15; 1Rē 8:3Amānī'n mipui ngāi chu chong a pēk u na, “Zehova na Pathian u Dānkhit Bōm le chāizūng Levi mi ngāiin ei razōn una mū u le, nei om una mun ātā anphet u na tia, a nunūka zī u na ti. 4#Ant 19:12Nangni lē hava kongkāra muk 2,000 tāng akār om rase. Nei pan una rang lam nei riatthei una rang, va dēp u nō ro, asik chu hava lampui chu voi khat ngal la sē u ngāi mak chē na,” a tī na. 5#Lev 11:44; Rui 6:13; 1Kh 16:9, 24; Sām 26:7Hatuka Zosua'n mipui ngāi kōma, “Na ning una serthiang u ro, asik chu nangtūk Zehova na kār una boidong sin thō'n ti,” a tī na. 6#Atl 4:15Hatuka Zosua'n chāizūng ngāi kōma, “Dānkhit Bōm chu razōn u tānla, mipui ngāi matona sē u ro,” a tī na. Hantin han amānī'n Dānkhit Bōm chu a razōn u na, mipui ngāi matona a sē u na.
7 #
Zos 1:5, 9; 4:14; 1Kh 29:25 Zehova'n Zosua kōma, “Avian hin Israel mipui ngāi mitmūna kei na manlianna chu phut ka ting, Mōsi a kōma kei om anga, na bilā'm om ka ting. 8#Zos 3:3, 17Hava Dānkhit Bōm ānrazōn chāizūng ngāi kōma, ‘Zordan ti kōla na hong ātung u le Zordan tidunga anding u tānla,’ tīna, chongpēk ro,” a tī na. 9Hankēng Zosua'n Israel nāi ngāi kōma, “Hiva hin hong u ro, Zehova na Pathian u chongkam chu rangāi u ro,” a tī na. 10#Dān 5:26; 1Sa 17:26; 2Rē 19:4, 16; 1Kh 11:4; Zer 10:10; Dnl 6:26; Hos 1:10; Mt 16:16Zosua'n, “Pathian adam hi na kār una om tī hi hiva nātā riatthei u na ti, amā'n na maton u nātā Kanān mi ngāi, Het mi ngāi, Hiv mi ngāi, Periz mi ngāi, Girgas mi ngāi, Amor mi ngāi lē Zebus mi ngāi chu na rahōkpē ngēt u'n ti. 11#Ant 19:5; Dān 10:14; Zōb 41:11; Sām 24:1; 50:12; Mik 4:13; Zek 4:14; 6:5Entā, phil pumpui Puma Dānkhit Bōm chu na maton una Zordan a rakān hi. 12#Atl 13:2; Zos 4:2Hasikhan atun hin, Israel nam ngāi kār ātā mī sōmleianni, nam tin ātā angkhat senga a thang u ro. 13#Ant 14:22; 15:8; Sām 78:13; 114:3; Isa 1:15Hintin hin hong nī'n tia, phil pumpui Puma, Zehova Bōm anzōn chāizūng ngāi kephā'n Zordan tīna pōng ei vā'n sā le Zordan tī, asak tiang ātā tī luong chu chat in ti, munkhata anbung luoia anding u'n ti,” a tī na.
14 #
Sām 132:8; Kui 7:44-45 Hintin hin a ni, mipui ngāi chu Zordan ānkān ranga a puon-in ngāi ātā a hong āsuok u na, Dānkhit Bōm anzōn chāizūng ngāi chu mipui ngāi matona a sē u na. 15#Zos 4:18; 1Kh 12:15; Isa 8:7; Zer 12:5; 49:19Bōm anzōn ngāi chu Zordan a hong ātung u na, Bōm anzōn chāizūng ngāi kē chu tīna ei ānphūm le (asik chu sāngāt lāi chu Zordan tidung kam ngāi dōra chu aliama om chachak a ni), 16#Aph 14:3; Ant 14:22; Dān 1:1; 1Rē 4:12; Sām 33:7; 66:6sak tiang ātā tī a hong āluong chu anding a, ālāpāna Zarethan kōla Adam khopuia han anbung luoia om a. Arava phāizōla tīndīl, Machi Tipui tianga tī luong ngāi chu amonga a chat phat a. Hatuka mipui ngāiin Zeriko radīna tidung a rakān u na. 17#Ant 14:21-22, 29Zehova Dānkhit Bōm anzōn chāizūng ngāi chu Zordan tidung malāi taka phil ahula anding u na. Israel ngāi dōra chu phil ahula a rakān u na, mipui dōrā'n Zordan a rakān kiar u māseng chu anding chian u na.
Bible in Ranglong, © Bibles International, the Bible society of Baptist Mid-Missions, 2024.