Zosua 2
2
Rahab-in Āsipū ngāi a Thup
1 #
Aph 42:9; Atl 21:32; 25:1; Rui 18:2; Heb 11:31; Zak 2:25 Nun a nāipasal Zosua'n Sitim ātā pasal anni maruka rama vā sī ranga a tīr a, “Sē u tānla, ram chu va en u ro, aliaktēna Zeriko khopui chu,” a tī na. Hankēng amāni chu a sē u na, nōtizuor a raming Rahab a ina a hong ālūt u na, hava han a riak u na. 2Zeriko rēng kōma, “Entā, ram āthia ranga Israel nāi ngāi kāra mī senkhat avian zān han hiva hin a hong ālūt u na,” tīna anrila om a. 3Zeriko rēngin Rahab a kōma mī a tīr a, “Na kōma mi āhong na ina a hong ālūt ngāi ha, hong masuok ro. Amāni chu ram pumpuia thia ranga āhong a ni u na,” a tī na. 4#2Sa 17:19-20Hava nupangin hava pasal anni ngāi chu a ruoi a, amāni chu a thup a. Hatuka amā'n, “A ni, ka kōma mi ngāi chu a hong u na, tenchu hova nātā āhong u mo riat mak ung, a tī na. 5#Rui 5:8; Heb 11:31Hintin hin a ni, zān a hong āzīng a, rapalsuokkhār ankhār man tet a, hava mi ngāi chu a sē u zei. Hava mi ngāi chu hon mo ei sē u riat mak ung. Anrapa razūl u ro, amāni chu va huom u na ti,” a tī na. 6#Ant 1:19; Rui 15:14; 2Sa 17:19; Chn 31:13; Isa 19:9; Zak 2:25Tenchu Rahab-in amāni chu inchunga a ruoi a, nālia kuong anzēk vanga ei zarna muna han, amāni chu a thup a. 7#Rui 3:28; 7:24; Isa 16:2Hava mi ngāiin amāni chu Zordan lampui suor tenpei a razūl u na. Ānzūlpū ngāi ei suok suo u le, amānī'n rapalsuokkhār chu a khār u na.
8 #
Dān 22:8; Rui 16:27; 2Sa 16:22; Neh 8:16; Isa 15:3; Zer 32:29 Mīsīpū ngāi chu a zāl u mān, nupang chu amāni kōma inchunga a hong ākal a. 9#Aph 35:5; Ant 15:14-15; 23:27; Zos 9:9-10, 24Amā'n hava mi ngāi kōma, “Zehova'n hiva ram hi ei na pēk u kēng a ni zei tī ka riat, nangni anchina hi koini chunga a chul. Nangni sika hiva rama khuochuon ngāi dōra chu a rathā anvāi u zei. 10#Aph 10:16; Ant 14:21; Atl 21:2, 21-35; 23:22; Sām 74:15; 135:11; 136:19-20Āigupta ram ātā na hong āsuok u lāi han, Zehova'n Tipui Sen ei manhul ha na riat a. Amor mi ngāi rēng anni ngāi, Sihon le Og, Zordan son tiang rāla om ngāi nei masiat biang u chu na lei riat a. 11#Aph 14:19; 42:28; Atl 20:14; Dān 4:39; Dnl 6:26Hiva rui ngāi na lei riat le, na malung ngāi a lei zōi len a. Nangni sika tūtē malunga anngamna reng om lāi mak a. Zehova na Pathian u chu chunga anvān le thuoia phila Pathian chu a ni. 12#Zos 2:18; 1Sa 20:14-15, 17; 1Ti 5:8Hasikhan atun hin, ka na zong, Zehova amanga chongtin u ro, lungkhamsāltī kei na mū u anga, nangnī'm ka pā insūngkuo chu lungkhamsāltī nei mū u rang, andangna dik na pēk u ro. 13#Zos 6:23-25Hatuka ka pā, ka nū, ka chāpā ngāi, ka zuorpui ngāi lē ei dōn u ngāi dōra lē koini nei damna ngāi chu thīna nātā nei na mazōk u rang,” Rahab-in a tī na. 14#Aph 24:49; 47:29; Rui 1:24; 2Rē 10:24; Mt 5:7Hankēng hava mi ngāiin nupang kōma, “Hiva koini na sinthō hi na ril nōk anten, koini nei damna chu nei dam una rathūla anlāka om rase. Hintin hin hong nī'n tia, Zehova'n hiva ram hi koini a na pēk tika, koinī'n nang na chunga lungkhamsāltī le ataka thō in ti,” tīna, a masang u na.
15 #
1Sa 19:12; Zer 38:6, 11; Kui 9:25; 2Ko 11:33 Hatuka nupangin amāni chu rī le han khārpelep ātā a masum a, asik chu ama in chu khopui rakula a ni; ama chu rakul chunga ommun a khuor a ni. 16#Aph 14:10; Heb 11:31; Zak 2:25Nupangin a kōm u na, “Muolpuia sē u tānla, hanōkten a nā'n zūl u ngāiin a na hong huom lam ving u ngāi. A nā'n zūl u ngāi a kīr u māseng chu, hava han nīnthum riak u tānla. Hava suona na lampuia sē u bō ta ni,” a tī na. 17#Aph 24:8; Ant 20:7Hava mi ngāiin nupang kōma, “Hiva chongtinnāna khomāk nei na mansamna hin, koini ngāi chu siatanlō nō ma ni. 18#Zos 2:12; 6:23Entā, hiva ram na hong ālūt tika, nei na masumna khārpelepa hin patri senduk na lei khit nōka, na pā, na nū, na chāpā ngāi lē na pā insūngkuo ngāi dōra na ina na lei manbūm nōk anten. 19#Lev 20:9; 1Rē 2:32; Mt 27:25Hintin hin nī'n tia, tūkareng na in suokkhār pang ātā lampuia a sē dōra chu a thisen chu a lu chung lena chul in ti, koini chu siatanlō nō ma ni. Tenchu insūnga nang na bila āom ngāi dōra a chunga mī'n kut a lāng ving ten, thisen phubā chu koini lu chunga chul in ti. 20#Aph 24:8Tenchu hiva koini ruitāng hi na ril ten, chongtinnāna khomāk nei na mansamna nātā zōk in ti,” a ti u na. 21Hatuka nupangin, “Na chongkam u ngāi anga ni rase,” a tī na. Rahab-in amāni chu a mansē na, a sē u na. Nupangin khārpelepa rī senduk chu a khit a.
22Amāni chu anphet u na, muolpuia a hong ātung u na, hava han nīnthum ānrazūl ngāi a kīr u māseng a om u na. Ānrazūl ngāiin lampui tuonsōt ā rok u na, tenchu amāni chu man u mak a. 23Hankēng hava mī anni ngāi chu a kīr u na, muolpui ātā a hong āchum u na, Zordan a rakān u na. Nun a nāipasal Zosua kōma a hong u na, a chung una neinun a hong ātung dōra a kōma a ril u na. 24#Ant 23:31; Zos 2:9; Rui 3:28; 1Sa 14:10Amānī'n Zosua kōma, “Ataktaka, Zehova'n hiva ram ngāi dōra chu koini kuta ei na betōk suo kēng a ni zei. Hava rama khuochuon ngāi dōra chu koini na sika rathatāna a om u na,” a ti u na.
Bible in Ranglong, © Bibles International, the Bible society of Baptist Mid-Missions, 2024.