Isaia 3
3
Zuda lē Zerusalem Chunga Ruirilna
1 #
Lev 26:26; Isa 5:13; 9:20; Izk 4:16 Asik chu entā, Puma, Āthōtheikiarpū Zehova'n,
Zerusalem ātā lē Zuda nātā sanna lē zonna,
Nēksāk zonna dōra lē tī zonna dōra chu lāk in ti.
2 #
Dān 18:10; 2Rē 24:14; Isa 9:14-15; Izk 17:12-13 Mī ranakanei, rālkāpmī,
Ruirilpū lē deari lē,
Sema-entheipū lē pātar,
3 #
2Rē 1:9; 24:14; Zōb 22:8 Mī 50 ruoipū lē lalchiruoi mī,
Huongvārsakpū lē kutthiamtheipū lē,
Dōichongtheipū ngāi chu lāk kiar in ti.
4 #
Chp 10:16
“Nāipang ngāi chu ruoipūna sin ka ting,
Nāite ngāiin a chung una vong u'n ti.
5 #
Isa 9:19; Zer 9:3-8; Mik 7:3-6 Mi ngāi chu angkhatin angkhat,
Mi tinin misītei lē,
Mi tinin a inkōlmī chu pēngsōm u'n ti,
Nāipang chu ulian chunga lē,
Mīnnuoitē chu lalchiruoi mī chunga anphu sabak in ti.”
6 #
Isa 4:1
Mī'n a pā ina a paruol chu a sūr a,
“Nangin puon nā dōn a,
Nang chu koini anā vongpū ni ro,
Hiva rambiangna mun ngāi chu
Na ningneina thuoia om rase,” a ti tikle han,
7 #
Zer 30:12; Izk 34:4; Hos 5:13; Zol 1:16 Hava nikhuo tika chu amā'n,
“Āndampū chang nō ning,
Asik chu ka ina nēksāk mo ole puon mo om mak.
Mipui ngāi āvongpūna na sin nō ro,” tīna, la dui in ti.
8 #
2Kh 33:6; Isa 1:7; 6:11; 9:17; 59:3; 65:3 Zerusalem chu anbā na,
Zuda chu anlet zei.
Asik chu a malei u lē a sinthō u chu Zehova aduia kēng,
Ama ei lianna mitmūna taksitna a ni.
9 #
Aph 13:13; Atl 32:27; Chn 8:36; 15:32; Isa 1:10-15; 59:12; Zer 14:7; Hos 5:5; Rōm 6:23 A mēl u ngāi lenin amāni ei dui chu a manlang,
Ei siat una chu Sodom anga a puong u na,
Hava ha thup u mak a.
A nunna u chu a vān a duoi!
Asik chu amāni a chung len una āsiat a hong chōi u na.
10 #
Aph 15:1; Dān 5:33; 28:1-14; Sām 128:2; Chp 8:12; Isa 54:17; Zer 22:15 “Midik ngāi kōma a tuonlam ei sat una rang kēng tī ril ro,
Asik chu a sinthō una marā chu la sāk u'n ti.
11 #
Dān 28:15-68; 2Kh 6:23; Isa 57:20; 65:6-7; Zer 21:14; Cha 5:16; Izk 24:14 Misalui chu a vān a duoi! A tuonlam chu la siat in ti.
Asik chu a kut sinthō marā chu la man in ti.
12 #
Isa 3:4; 9:16; 28:14-15; Zer 23:13; Mk 3:5 O, ka mi ngāi! Amāni ngāi anpēngsōm chu nāipang ngāi a ni u na,
Nupang ngāiin amāni chu a vong u na.
O, ka mi ngāi! Nangni anā ruoi ngāiin lam dikluia a na ruoi u na,
Na tuonglam kong chu a masiat u na.”
Ānpēngsōmna lē Omhuina Andem
13 #
Zōb 10:2; Isa 2:4; 66:16; Hos 4:1; Mik 6:2 Zehova chu a zēkpui ranga a hong ānding,
Mi ngāi rui ril ranga ānding zei.
14 #
1Sa 12:7; Zōb 22:4; 24:9; Sām 143:2; Isa 11:4; Izk 20:35; Mik 3:3; Zak 2:6 Zehova'n a pātar ngāi lē
A milian ngāi rui chu ril in ti:
“Theirapom rahuon chu na sāk hiam zei,
Ānriang ngāi rāllāk neinun ngāi chu na in u ngāia om.
15 #
Zōb 24:14; Sām 94:5; Isa 5:7; 10:6 Ka mi ngāi nei khui nek lē,
Ānriang ngāi mēl nei ārōt nek hi hong tīna mo?”
Puma, Āthōtheikiarpū Zehova'n a ti.
Zerusalem Nāinupang ngāi Chunga Ruirilna
16 #
Zōb 15:25; Sol 3:11; Isa 4:1, 4; 32:9-15 Zehova'n hintin hin a ti:
“Zion nāinupang ngāi chu chongpākansal u,
A rīng āvīk o-ota#3:16 A rīng āvīk o-ota: “Anphu ola” tīna a ni. lē,
Mit biak dodopa kal a chōi u na,
Theverthuvura kal a chōi u na,
Kekok rasā anneia kal a chōi u chachak a.
17 #
Izk 27:31; Am 8:10 Hasikhan Pumā'n Zion nāinupang ngāi lusīpa han,
Pānkhir le han razīk in tia,
Zehova'n sāikoronga man-om in ti.”
18 #
Rui 8:21, 26; Isa 2:11 Hava nikhuona han Zehova'n kekok anvōna ngāi, luhīp ngāi lē thaherpok raka ngāi; 19#Aph 24:47; Izk 16:11-12Raka ngāi, bānrial ngāi lē puonmāikhū ngāi, 20#Ant 39:28Lū anvōna ngāi, kē anvōna zīngzir ngāi, samkhitna ngāi, marimhui kok ngāi, tābit ngāi, 21#Aph 24:22, 47; Izk 16:12Zaketam ngāi, nār chōmpār ngāi, 22#Rūt 3:15Pāntā raliang ngāi, zānī ngāi, pang raliang ngāi, sumkok ngāi, 23#Ant 29:6; Sol 3:11; Izk 16:10Dāpōn ngāi, linen puon annīl ngāi, kamsa ngāi lē kultāi anchuol ngāi chu khek a, lāk in ti.
24 #
Est 2:12; Isa 4:4; 15:3; 22:12; Cha 2:10; Izk 27:31; Am 8:10; Zon 3:5-8; 1Pe 3:3 Hintin hin hong nī'n tia, marimhui rathūla marimathū,
Kōngkhit rathūla riruol,
Sambōr asa rathūla lukolna,
Raliang asa rathūla puontumbū,
Mēlsana rathūla ākāng nūk om in ti.
25 #
Isa 1:20; 65:12 Na mi ngāi chu khendāi amanga lē,
Na mī ranakanei ngāi chu rālkāpna muna chul u'n ti.
26 #
Zōb 2:13; Isa 14:31; Zer 4:18; 14:2; Cha 1:4; 2:10; 4:5 A rapalsuokkhār ngāi chu la chap u'n tia, la chapchān u'n ti,
Ama chu akoronga phila lā'n sut in ti.
Bible in Ranglong, © Bibles International, the Bible society of Baptist Mid-Missions, 2024.