Isaia 2
2
Zehova Muolpui
Mik 4:1-3
1 #
Isa 1:1
Amoz a nāipasal Isaia-in Zuda lē Zerusalem ruia chongkam ei mū chu:
2 #
Isa 11:9; 65:9; Zer 31:23; Zol 3:17; Mik 4:7; Zek 14:10; Kui 2:17; Heb 1:2 Nikhuo hek tika chu hintin hin hong nī'n tia,
Zehova in omna muolpui chu,
Muolpui ngāi kāra sīp ansāng khīta andinga om in tia,
Tāng ngāi chunga ansānga om in tia,
Nam ngāi dōra chu hava han hong luong u'n ti.
3 #
Dān 33:19; Sām 137:5; Isa 1:10; 45:14, 23; Zer 3:17; Zol 3:2; Zef 3:8; Zek 14:2; Lk 24:47; Zn 4:22 Mī tamtak chu hong u'n tia, hintin hin hong ti u'n ti:
“Hong u ro, Zehova muolpuia,
Zakob a Pathian ina va kal u rei.
Amā'n a lampui ngāi chu na manchū in tia,
Koinī'n a lampui ngāia kal chōi in ti.”
Asik chu Zion ātā dān lē
Zerusalem ātā Zehova chongkam chu hong suokin ti.
4 #
Aph 49:10; Isa 9:5; Zer 30:10; Hos 2:18; Mik 4:3; Zek 9:10 Amā'n nam ngāi kongkāra ruiril in ti,
Mī tamtak chu chūnngō thō in ti.
Amānī'n a khendāi u ngāi chu phāirītnathīrzuma sut u'n tia,
A seipēr u ngāi chu tukrathialna chema sut u'n ti.
Nam khatin namtei chunga a khendāi ālek u nō nia,
Rālkāpna chu anchū pial u lāi nō ni.
Zehova Nikhuo
5 #
Sām 89:15; Isa 58:1; 60:19-20; 1Zn 1:5; Anl 22:5 O, Zakob a insūng ngāi, hong u ro,
Zehova raānga kal chōi u rei.
6 #
Dān 18:10; 31:17; 2Rē 1:2; 16:7; Isa 44:25; Zer 12:7; Mik 5:12 Asik chu nangin na mi ngāi chu na māk zei, Zakob a insūng chu.
Asik chu amāni chu suolam omdāna ā bit u kēng,
Amāni chu Filistia ngāi anga sema-entheipū u kēng,
Amāni chu ramtei mī nāi ngāi le han a lim u na.
7 #
Dān 17:14-17; Isa 30:16; 31:1; Mik 5:10 A ram u chu sumrū lē rāngkachak abit a ni,
A dōngluo u chu atelsuo salui khop a ni,
A ram u chu sakor abit a ni,
A sakortolāi u ngāi chu atelsuo salui khop a ni.
8 #
Sām 115:4-8; Isa 10:9-11; 17:8; 37:19; 40:19; 44:17; Mik 5:13; Anl 9:20 A ram u chu miramīl ngāi ā bit thak kēng,
A kut ngāiin ei sin len ha ā mōk u na,
A kutmaria ngāiin ei sin chu.
9 #
Neh 4:5; Sām 49:2; 62:9; Isa 5:15 Miring ngāi chu amāni kōma anbok u na,
Mitin chu annuoi u na,
Hasikhan amāni chu maduol nō ro.
10 #
Isa 2:19, 21; Nah 3:1; 2Th 1:9; Anl 6:15-16 Lungpuia lūt u ro,
Philvuta anthup u ro,
Zehova anchina sika lē
Ama ei ānlalna ei lianna sika.
11 #
Neh 9:29; Sām 18:27; Isa 3:7, 18; 5:15; 13:11; 23:9; 37:23; Hab 2:5; 2Ko 10:5 Miring anphūna anlang ngāi chu annuoia om u'n ti,
Miring omanlian ngāi chu anboka om u'n ti,
Hava nikhuona han Zehova rong ansānga om in ti.
12 #
Zōb 40:11-12; Isa 3:6, 9; 24:4, 21; Zer 30:7; Zol 1:15; Mal 4:1 Asik chu Āthōtheikiarpū Zehova nikhuo chu
Mī tūkareng chongpākansal lē ānphū,
Ansānga āom ngāi chunga la hong in ti,
Amāni chu annuoia la om u'n ti.
13 #
Rui 9:15; Zek 11:2 Lebanon-a gasār ansāng lē ātōt ngāi dōra lē,
Basan-a esār ngāi dōra chunga.
14 #
Isa 30:25; 40:4 Muolpui ansāng ngāi dōra lē,
Tāng ansānga āom ngāi dōra chunga.
15 #
Isa 25:2, 12; 30:25; Zef 1:16 Insāng ngāi lē,
Rakul adet ngāi dōra chunga,
16 #
Aph 10:4; 1Rē 10:22 Tarsis-a rakuongpui ngāi dōra lē,
Laldingkī mēlsa ngāi dōra chunga la hong in ti.
17 #
2Sa 22:28; Zōb 40:11 Miring anphuna chu ansuma om in tia,
Miring omanlianna chu annuoia om in ti.
Hava nikhuona chu Zehova rong anlianna om in ti.
18 #
Isa 21:9; Zer 10:11; Izk 36:25; Mik 1:7; 5:13 Tenchu miramīl ngāi chu masiat biang in ti.
19 #
Zōb 30:6; Isa 2:10, 21; 7:19; 13:13; 24:1, 19-20; Hag 2:6-7; Lk 23:30; Heb 12:26; Anl 6:15 Zehova anchīruoina nātā lē,
Ei anlalna ei lianna nātā,
Phil chu achālaka ānnīk ranga anthui tik chu,
Amāni chu lungpui kochep ngāia lē,
Phil pūkkhur ngāia lūt u'n ti.
20 #
Lev 11:19; Zōb 22:24; Isa 30:22; 31:7; Izk 7:19-20 Hava nikhuo tika chu a sumrū miramīl u ngāi lē
A rāngkachak miramīl u ngāi,
Amānī'n ānmōk ranga ei sin u ngāi chu,
Abūi lē bāk ngāi kōma pei u'n ti.
21 #
Isa 2:19; 33:10 Zehova anchīruoina nātā lē
Ei anlalna ei lianna nātā,
Phil chu achālaka ānnīk ranga anthui tik chu,
Lungpui kochep ngāia lē,
Lungkhuruk pherpha kongkār ngāia han a rot u na.
22 #
Zōb 12:19; Sām 8:4; 144:3-4; 146:3; Isa 40:15, 17; Zer 17:5; Zak 4:14 A nār ronga phūk ādōn,
Miring ātā ankhār u ro,
Ama chu hong mo ei nemna?
Bible in Ranglong, © Bibles International, the Bible society of Baptist Mid-Missions, 2024.