Esther 8
8
Zehudi ngāi Zōkna
1Hava nikhuo han rēng Ahasveros-in Zehudi ngāi āduipū Haman a in chu rēngnū Esther kōma a pēk a. Mordekai chu rēng matona a hong a, Esther-in rēng kōma Mordekai le ei ānpha una a lei ril sika. 2#Aph 41:41; Dnl 2:48Hatuka rēngin Haman kōm ātā ei lāk zaketam chu a khek a, Mordekai kōma a pēk a. Hatuka Esther-in Mordekai chu Haman a in chunga ningneina a pēk a.
3Esther-in rēng a vā chongpui rēt a. A kekunga anbok a, Agag mī Haman-in Zehudi ngāi duia āsia ei mandon lē ei mansūk ngāi ānkhīr ranga mitrathī le niai a thō na. 4#Est 4:11Rēngin rāngkachak sunrol chu Esther a tiang ā lāng a. Esther chu anthuia rēng makunga anding a. 5#Est 2:15Amā'n, “Rēngin asa a ti ten, a makunga ditbingna ka man ten, hiva hi rēng ranga ādik a ni, a mitmūna a rāi ansān kā ni ten, Agag mī Hamedatha a nāipasal Haman-in ei mansūk, rēngram pumpuia Zehudi ngāi āpei biang ranga ei maziak takanchang nōk ranga lekhā anziak rase. 6Asik chu hontin mo ka mi ngāi chunga āsia ei hong chul rang kei mūna diar thei ning? Hontin mo ka ūnāi ngāi ei ānpei biang kei mūna kei diar thei rang?” a tī na. 7Hatuka rēng Ahasveros-in rēngnū Esther lē Zehudi mi Mordekai a kōm u na, “En u ta, Haman a in chu Esther ka pēk a, ama chu Zehudi ngāi chunga kut anlāng ranga ei val sika ōkrī ankhāināna a makhāi suo u zei. 8#Aph 41:42; Est 3:12-14; Dnl 6:15Nangni na ninga Zehudi ngāi ranga dāndet chu nei zōt anga rēng a raminga maziak u tānla, rēng zaketam sīlmōr zēm u ro. Asik chu rēng raminga lekhā ānziak lē rēng zaketam sīlmōr anzēm chu tūtē'n khār thei nō ni,” a tī na.
9 #
Neh 13:24
Hatuka rēng lekhā ānziakpū ngāi chu hava hun lena han thā anthumna Sivan thā, ni 23na han a pāi u na. Zuda nam ngāi ruia Mordekai a chongpēk anga, India ram ātā Ethiopia ram tenpeia, ram atetei ram 127na satrap ngāi, ramoppū ngāi lē milian ngāi kōma ānthuon ranga lekhā a maziak u na. A ram tina amāni horop lē amāni chong chipa lekhā a mathuon u na. Hatuka Zehudi ngāi ranga a horop u lē a chong una lekhā anthuon a. 10Hava lekhā ha rēng Ahasveros a raminga ānziak lē rēng zaketama sīlmōr anhēm a ni. Amā'n āsempū rēng sakor (hiva hi sakor anchar chi khat) chunga achuonga lekhamathuon ngāi chu a mathuon a. 11#Est 3:13Hiva lekha ngāi amanga rēngin khopui tina Zehudi ngāi chu munkhata anbūm ranga lē ei dam una ārung ranga, tūkareng amāni ānsiat ranga mī mo ole ramzobāk mo a ni āhong tak chu ānsiat ranga, āthat ranga lē āpei biang ranga lē a nāi u ngāi, a nupang u ngāi lē a dōngluo u ngāi ārūn biang ranga ei phalna lekhā a ni. 12Hava nikhuona rēng Ahasveros a ramzobāk pumpuia tha sōmleianni ni sōmleianthum changnāna, Adar thāna ei ni rang. 13#Est 3:14Hava nikhuona amāni ādui ngāi chunga phubā ei lāk thei una ranga, Zehudi ngāi dōra a lei ānsin thei una ranga, ramzobāk tina hava lekhā ha dāndet anga ei ānthuon rang lē mitin kōma ei ānpuong rang a ni. 14#Est 3:15Hantin han anrap sabaka rēng chongpēk anga, rēng ranga anmang chachak rēng sakor chunga achuonga lekhā chōia a suok u na. Hava dāndet ha Susa khopuia anpuong a.
15 #
Aph 41:42; Est 3:15; 9:4; Chn 28:12, 28 Hatuka Mordekai chu puon adum lē puon ālang ansila, rēng raliang le han anliang a, rāngkachak rēnglukhū anlian ākhū na, linen puon annīl kultāi anchuol dumaduk ā tiang a, rēng makung ātā a suok a, Susa khopui chu a rāi a mansān a, a phām sabak u na. 16#Sām 112:4Zehudi ngāi chu raāng, rāisānna, phāmna lē lalchina a man u na. 17#Est 9:19; Chn 11:10Rēng a chongpēk lē a dāndet ei tungna ram lē khuo dōra chu, rāisānna lē phāmna a man u na, nēksāk a thō u na, pōngansa nikhuona a mang u na. Hatuka hava rama mī tamtak chu Zuda nama a lūt u na. Asik chu Zehudi ngāi anchina a dōn u na.
Bible in Ranglong, © Bibles International, the Bible society of Baptist Mid-Missions, 2024.