Kuitīr Ngāi Sinthō 4

Peter lē Zohan Sanhedrin Matona ei Ānding una

1 # Mt 3:7; 16:1, 6; Lk 22:4 Hatuka Peter lē Zohan-in mi ngāi kōma chong aril u lāitak, chāizūng ngāi, tempul sipai ruoipū lē Sadukāi ngāi chu amāni kōma a hong u na. 2Kuitīr ngāiin mipui ei manchū una le hanūk chu Isuo zāra āthī nātā anthuirētna ruia chong ei ril u sika achān atak a mansi u na. 3Peter lē Zohan a sūr u na, zān tiang ei ni sika nangtūka nikhuo rang tenpeia ankhumna-ina a khum u na. 4Tenchu chong anngāi ngāi bila ātampā'n a iam u na. Hantin han pānchang korong 5,000 akāi u zei a.

5 # Lk 23:13 Nangtūk nikhuo han ruiril ngāi, pātar ngāi lē dānmīnchūpū ngāi chu, 6#Mt 26:3chāizūng ulian khīt Anna lē Kaiafa, hanūk Zohan lē Aleksandar, hanūk atei atei chāizūng ulian insūngkuo ngāi dōra le han Zerusalem-a anchun u na. 7Peter lē Zohan chu alāia a manding u na: “Hong sinthōtheina le mo ole tū raminga mo hiva hi nei thō u?” tīna a rakel u na. 8#Lk 1:15; 23:13Hankēng Peter chu Rathā Ānthianga abita a kōm u na: “Mipui ruirilna ansāng le Israel pātar ngāi, na kōm una chong kei ril a ni zei. 9Mi damlui khat koinī'n hontin mo nei mandam a tī na hava ruia avian nei na rakel u a ni ten, na masang in ti. 10#Mk 1:24Nangni ngāi dōra lē Israel mi ngāi dōrā'n hiva hi riat ngēt rase. Nazaret Isuo Khristā, nangnī'n khrōsa nei hēm u ha Pathianin āthi ngāi bil ātā ei mathui rēt raminga adam vanga ei manding a ni. 11#Isa 28:16; Zek 10:4; Mt 21:42; Efe 2:20; 1Pe 2:7Hiva lung hi a ni nangni āsinpū ngāiin nei heng u, Hava ha killung anāng khīt a hong āchang a. (Sām 118:22) 12#Mt 1:21; Zn 14:6; Rōm 11:14; 1Ti 2:5Sandamna chu atei tūtē kōma om mak. Sandam nei ni ngētna ranga anvān thuoia miring kāra raming atei ānpēk om mak,” a tī na.

Isuo Raming a Ril ei Ānkhārna

13 # Mt 11:25; Mk 3:14; Lk 22:8 Hatuka Peter lē Zohan ei rāngzia a mū u na, lekhā theilui anchūlui a ni u ti a riat u na, a boi a mandong u na. Hanūk chu Isuo kōma a om babang u ti a riat u na. 14Peter le Zohan-in ei mandam miring chu amāni bila andinga a mū u nā'm ītē ti thei u mak. 15#Mt 5:22Hatuka amāni chu ruirilna ansāng ātā ansuok ranga chong a pēk u na. Hankēng amāni le amāni a chong u na. 16#Zn 11:47“Hiva mi ngāi hi imo nei lōt rang a ni zei? Asik chu raming anthang sinsiana khat ei thō hi Zerusalem khopuia mī dōrā'n a riat zit zei. Koinī'n hava ha riat mak mē ti thei nō ma ni. 17Tenchu mi kōma hiva rui hi tāng ei hāi riam u nōkna ranga anchina manmu u rei. Atun ātā tūtē kōma hiva mi raminga chong ril u lāi nō ro tī'n ti,” a ti u na. 18#Am 7:13Nukhōna amānī'n hava mi ngāi rang ina a kui a, chong ei pēk u chu: “Isuo raminga chong ril pial u lāi nō ro. Hanūk chu mi ngāi kōmā'm manchū u lāi nō ro.” 19Tenchu Peter le Zohan-in a masang u na: “Pathian matona hova mo ādik, nangni na chong anngāi mo ole Pathian chong anngāi mo? Nangnī'n ruiril u ta. 20#Zōb 32:18; Zer 20:9; Am 3:8; Lk 24:48Asik chu, koinī'n nei mū le nei riat ngāi ril luia om thei mak mē,” a ti u na. 21#Mt 9:8Nūka amānī'n anchina a manmu riam u le chu a mazōk u na. Mipui sika ansinsakna lampui man u mak. Asik chu ei thō u ngāi dōra sika mipuiin Pathian a manpāk u na. 22Asik chu sinsiana le han mī ei mandam u akum ha kum 40 nēka tam a ni.

Āiampū ngāi Ngamna ranga Zārzongna

23Amāni chu anzōka om suo u le alōm ngāi kōma a sē u na. Chāizūng ulian ngāi lē pātar ngāiin a kōm una ei ril dōra a va ril zit u na. 24#Neh 9:6; Zōb 41:11; Isa 37:16Hava ha a riat u le chu, malung khat achōia anring sabaka Pathian kōma ankhēk a, “Ningneipū Puma, ama chu phil lē anvān, tipui lē asūnga om ngāi dōra āsinpū a ni. 25Na suok David a mūr amanga hiva chong hi na lei ril a,

“ ‘Hong sik mo nam ngāi chu a tak ei si u?

Hong sik mo mipui chu akorong rui ei mandon u?

26 # Dnl 9:25; Lk 4:18 Ramuol rēng ngāi chu ansin u na,

Puma lē a Khristā aduia,

Ruoipu ngāi chu anbūm u na.’ (Sām 2:1-2)

27 # Mt 14:1; 27:2; Lk 23:12 A ni, hiva khopuia na suok ānthiang Isuo sariak nei manthi chunga Herod le Pontia Pilat chu namtei ngāi lē na mi Israel ngāi le han munkhata anbūm u na. 28Asik chu aphāmān ātā nangin nei mandona le na kutin ei mansūk zēt ha ei thō u. 29#Sām 138:3; Efe 6:19; Fil 1:14Atun hin Puma, ei maphut una hi entā, na suok ngāi hi alompeia ngamna le na chong ei ril thei una ranga san ro. 30#Zn 4:48Na suok ānthiang Isuo raminga mī'n damtheina, sinsiana ngāi le tichangbui sin ngāi āthōthei ranga na kut alāng ta ro,” a ti u na. 31#Lk 1:15; Heb 4:12Hatuka zār azong u le ei ānkhōm una mun chu annīk a. Alom una Rathā Ānthianga abita angam chunga Pathian chong a ril u na.

Āiampū ngāiin a Dōngluo u ngāi ei Ānsem una

32Hatuka mipui āiam ngāi chu malung munkhat le mandon munkhata ei om una a bil una tūtē'n ka theia ka tā a ti om u mak. Tenchu ei dōn u dōra chu lōko tā siakna muna ā siak u chachak a. 33#Lk 24:48; Rōm 3:24Hatuka kuitīr ngāi chu thōtheina lian sabaka Puma Isuo ei ānthuirētna rui chu āriatpui a chang tir u na. Aloma a chung u chipa Pathian lungkhamna liantak a om. 34#Mt 19:21A kār una tūtē ansam om u mak. Asik chu ram le in ādōn ngāiin ei zuor una hava ei zuor una aman ha ei hong chōi u a ni. 35Hatuka kuitīr ngāi kekunga ei hong siak u na, amāni ei nāng anga kuitīr ngāiin ei sem u chachak. 36#1Ko 9:6; Gal 2:1, 9, 13Hatuka Levi mi Zosef chu Saipras muolanlāna a om a ni. Kuitīr ngāi ama rang ha Barnaba ei ti u a ni. Hava omzia chu “Lungngamna nāi,” tīna a ni. 37Ram ei dōn chu a zuor a, hava a man tuk a hong chōia kuitīr ngāi kekunga a hong siak a.

Currently Selected:

Kuitīr Ngāi Sinthō 4: RNL

Highlight

Copy