Kuitīr Ngāi Sinthō 28
28
Paul Miletos Muolanlāna
1Hatuka azōk kiar u na, tānga a vā kal suo u le hava muolanlān raming ha Miletos kēng ti a riat u na. 2Hava muna aram mi āom ngāiin achālaka lungkham a na mu sabak u na. Alom una a na phām u na. Kei tina asik chu hava lāi han ruo ei chul chian le hanūk chu ei dāi sika moi a na thōpē u na. 3Hatuka Paul chu thing raput khat pei a va rasuong a, moia a hong buk a. Hatuka moi alum sika han asūng ātā sokinching khat a hong āsuoka a kuta a machukpē khap a. 4#Mk 16:18; Lk 13:2Hatuka hava muna aram mi āom ngāiin a kuta marūl ei ānzēl a mū u na, amāni le amāni a chong u na: “Hiva mī hi mī that ngēta a hong pei ei ni rang. Asik chu tipui ātā a hong āzōk hieiā'm ni sela, phubālākpū#28:4 phubālākpū: Ole, “Ruirildikna.” hān ādam ranga mazōk lāi mak,” a ti u na. 5#Lk 10:19Tenchu amā'n a kut ātā marūl chu moia āthing raka ītē achanga anriat mak. 6Amānī'n chu anthingpē in tia, anlāiseka thi rak in ti, ti ha ei iam u a ni, asōt mieia aen chiana a ngāk u na. Hanum ni sela, ītē changpē lāi mak tī a riat u le han mandon atei a chōi viak rēt u na. Amānī'n: “Ama chu Pathian khat pei chu a ni zei,” a ti u na.
7Hava ram kōla muolanlāna khuo ulian khatin rama dōn a, a raming Poplia a ni. Ama hān koini ngāi a na phām sabaka a ina nīnthum pei a na manriak a. 8#Zak 5:14Hava lāi han Poplia a pā chu rāitun le ēksen atonga azāl chian a ni. Hatuka ama avā en ranga Paul chu asūnga a vā lūt a. Zār a va zong suole han hava mī a chunga a kut a bāng a, a dam len a. 9Havan tin han a thō suole chu hava muolanlāna āom atei alā om āna ngāi a kōma a hong u na, Paul-in a lei mandam kiar a. 10#Sām 15:4Hava nam ngāi hān lampui tina alompeia lalchi a na thō u na. Hatuka rakuongpuia ānvei ranga athara nā'n sin rēt le chu, koini nei nāng dōra chu rakuongpuia a na hong siakpē u na.
Paul Rōm-a ei hong Tungna
11Thā anthum suole han Aleksandria khuona rakuongpui khata nā sē na. Hava rakuongpui maton dolidona pathian anphīr#28:11 pathian anphīr: Hiva hi Zeus pathian nāi anphīr, Kastor lē Poluk a ni u na. ngāi ramīl a kop a, hava rakuongpui chu muolanlāna nūdin kār pōngansāna om a ni. 12Hatuka Surakus khuona na hong ānbē na hava han nīnthum nā om a. 13Hava nātā nā'n lēng chian a, Rēgion khuona na vā tung a. Hatuka zīng khuovāra sim thīnthī a hong a, nī annina nikhuo han chu Poteoli khuona na vā tung a. 14Hava khuona han ūnāi ngāi senkhat nā'n tongpui a. Amāni bila ni sari āom ranga a na mathēm u na. Havan tin han Rōm khopui chu nei va pan thei a ni. 15Rōm khopui ātā ūnāi ngāiin koini na thang a lei riat u na, Apia Anchunzōl lē Khuolbūk Anthum tenpei alāna koini a na lei hong zong u na. Paul-in amāni ngāi chu a mū na Pathian kōm rāisānchong a mantung a lungngamna a pēk a.
Paul Rōm-a a Dorbōndomna
16Hatuka Rōm khopui sūnga na tung suole han sipai razaruoipū'n ankhum ngāi chu sipai omna ina aruoia sipai ruoipū khat kōma a betōk a. Tenchu Paul chu athei daka sipai arungpū le āom ranga sipai raza āruoipū'n phalna a pēk a. 17Hatuka nīnthum suole han Paul-in hava muna āom Zehudi nam ngāi bila ruoipū uol ngāi chu a kōma a kui kiar a. Hatuka a hong ānkhōm kiar u le amāni kōma: “Paruol le ūnāi ngāi, koini na nam le ānkal hanūk chu koini na chipui ngāi omdān āndui ītē kei thō om mak. Hanum ni sela, Zehudi ngāiin Zerusalem khopuia ei na sūr u na, Rōm mi ngāi kuta ei na betōk u a ni. 18Hatuka Rōm mi ngāiin achālaka a na radēk u na, kei thina rang khop ītē masial man u mak anā'n zōk rang ei zōt u a ni. 19Tenchu Zehudi ngāiin koi ei na mansūr khakhak u sika han Kāisar ruirilna kōma a hong āndar kei nāng a ni zei. Ka nam ngāi chunga ītē ansialna rang chong dōn mak ung. 20Hava sika han nangni ngāi a nā'n mūpui a, anā chongpui u ranga kei na mathēm u. Hiva zīngzir le kei ānkhitna chu Israel ngāiin ei mangang u sika kēng,” a tī na. 21Hatuka amāni ngāiin Paul a kōma: “Zudāi ram ātā tūtē'n a hong a, na ruia lekhā a na hong āpēk om u mak, hanūk chu ūnāi ngāi bilā'm tūtē a hong a, na siat ītē a hong āril la om mak. 22Tenchu hava raphom ruia nangin imo nei mandon koinī'n na riat zōt. Asik chu mun tina hiva raphom rui siat anril tī na riat,” a ti u na.
23 #
Mt 3:2
Hatuka ama ranga nikhuo angkhat ā ruot u na, hava nikhuo taka han ama ei tungna ina han mi tamtak a hē anngāi ranga a sē u na. Hava han zīng len ātā zān ei zīng tenpei, amāni kōma Pathian ram rui chu maritansuon sabaka a manriat a. Mōsi dānbū len ātā aphuta deari ngāi lekhabū tenpeia Isuo a ruia anril ngāi dōra a manriat a. 24Hava ngāi a chongrila han senkhat chu a mannuom a, tenchu senkhat chu iam thei u mak. 25#Heb 3:7Amāni lē amāni kāra ngal chong anruol thei u mak. Hatuka Paul-in hiva ei hekna chong khat dak a ril suole han āsē rang a ti u na. Paul a chongril chu hiva hi a ni: “Rathā Ānthiangin anthiang vanga deari Isaia amanga koini na chipui ngāi kōma hiva hi a lei ril suo sā a ni.
26“ ‘Hiva mi ngāi kōma sē tānla, va ril ro.
“Rangāi u na tia, tenchu riatthei u nō ta ni.
En u na tia, tenchu tuāk thei u nō ta ni.”
27 #
Sām 119:70; Mt 13:15 Asik chu hiva mi ngāi malung chu āīt kēng a ni zei.
Anngāina ranga a kuor u āsēt kēng a ni zei.
A mit a masīng u na.
Hanōkten, a mit u'n mu in tia, a kuor u'n riat in tia,
A malung u le riatthei u'n tia, hong kīr u'n ti.
Hatuka amāni chu lei mandam u ka ting,’ (Isa 6:9-10)
a tī na.
28 #
Lk 2:30-31
“Hasikhan nei riat u ranga kei zōt chu hiva sandamna hi Pathianin namtei ngāi kōma ei hong tīr a ni tī hi a ni. Hava tak ha amānī'n rangāi u'n ti,” a tī na. 29Hatuka hiva chong ngāi a ril suole han Zehudi ngāi achālaka ankhal chunga alom una a chīn zit u na.
30Paul chu kum anni anzui phata in ei luona ina han a om chian a. A kōm āsē ngāi dōra chu a lei phām chachak a. 31#Mt 4:23Pathian ram rui chu a ril chian a, hanūk chu Puma Isuo Khristā a rui ngāi um a manchū na. Hava ngāi ha anngam panga a ril a, tūtē'n ākhār thei om mak.
Bible in Ranglong, © Bibles International, the Bible society of Baptist Mid-Missions, 2024.