Kuitīr Ngāi Sinthō 23
23
1 #
1Ko 4:4; 2Ko 1:12; 1Ti 1:5, 19; 2Ti 1:3; Heb 9:14; 1Pe 3:16, 21 Paul chu rui aril ngāi tiang anhoia: “Ka paruol le ūnāi ngāi, avian tenpeia hin Pathian matona sia le sa riatna dik a dōn chunga kei la om thei hi asa,” a tī na. 2#Zn 18:22Chāizūng ulian khīt Anania'n, a kōla ānding ngāi chu Paul a mūr āsukpē ranga chong a pēk a. 3#Lev 19:15; Dān 25:1-2; Mt 23:27; Zn 7:51Paul-in a kōma: “Nang lungbang ālang anpelē, Pathianin na razīk in ti. Dān ang taka ka rui aril ranga ansut kēng nā ni hale, tenchu hontin mo dān nōka anā'n zēm ranga chong nei pēk?” a tī na. 4Paul a kōla ānding ngāiin, “Pathian chāizūng ulian khīt chu nei ērō mo?” a ti u na. 5Hatuka Paul-in, “Paruol ngāi, chāizūng ulian khīt a ni tī riat mak ung a. Asik chu, ‘Na mi ngāi ruirilpū ngāi siat nei ril rang ni mak,’ ” (Ant 22:28) tī anziak a.
6 #
Fil 3:5
Hatuka Paul-in asen chu Sadukāi ngāi bila mi hanūk asen chu Farisāi ngāi bila mī a ni u tī a riat a, ruiril ngāi kōma anringa ei ti: “Paruol le ūnāi ngāi, koi hi Farisāi nama mī kēng kā ni. Farisāi sanāi kā nī na. Thīna nātā anthuirētna ruia ansabeina kei dōn sika hin avian na kār una ka rui anril ranga kei ānding a ni zei,” a tī na. 7Hava chong a ril le chu Farisāi lē Sadukāi ngāi ankhalna a suokpē u na. Rui aril ngāi bila ansen pok u na. 8#Mt 22:23; 1Ko 15:12Asik chu Sadukāi ngāiin anthuirētna hi om mak, vānpalāi lē rathā'm om mak a ti u na. Tenchu Farisāi ngāiin chu āninīn a pom rit u na. 9#Zer 26:16; Mk 2:16; Lk 23:4Hatuka achālaka rahupui a suok a. Farisāi ngāi bila senkhat dānmīnchūpū ngāi anding u na. Achālaka ankhal u na, ei ti u: “Hiva mī hi ītē āsia ei thō mu mak mē na, vānpalāi mo ole rathā mo a chongpui a ni ving ten, Pathian ādui chang in ti,” a ti u na. 10Ei ānkhal una anrik riam le chu Paul chu apot nek u'n ti, ti chu sipai ruoipu ulianin ā chī na. Hasikhan sipai ngāi asēna amāni bil ātā a va nuk tap a, sipairuol ina a hong āruoi ranga chong a pēk a.
11 #
Mt 14:27
Hanūk zāna han Puma chu Paul a kōla anding a: “Ngam tānla omtit pei ro. Zerusalem khopuia ka chong anthiang vanga nei manriat babang anga Rōm khopuia hin um ka chong nei va manriat rang a nāng,” a na tī na.
Paul a Thatna a Val u
12Sūn a hong āvār le Zehudi senkhat maruka chong anruol u na, Paul na that thei māseng chu ītē nēk sāk thō nō ma ni, a tī na khomāk ansam u na. 13Pasal 40 nēka ātamin khomāk ansama hiva zāt chong maruk ei sin u. 14Hatuka amāni chu chāizūng ulian ngāi, pātar ngāi kōma a sē u na: “Paul na that thei māseng chu ītē nēk sāk thō nō ma ni a tī na khomāk ansam kēng nā ni. 15Hava sika han nangnī'n rui aril ngāi le han sipai ruoipu ulian kōma hintin hin anthēmna thō u ro, nangtūk ama a rui adik uola nei ril sā theina ranga Paul chu nang na kōma hong chumpui ro, a ti u na. Hatuka nangni ngāi a na hong āsuok u mān koinī'n āthat ranga lei ānsin in ti,” a ti u na.
16Tenchu Paul a sarnū nāi pasaltē'n lamruong thōna achan a lei en u chong ha a riat a, insūnga intepepa a vā lūt a, Paul a kōma lamruong a lei thō u rang rui a va ril a. 17Hatuka Paul-in sipai razaruoipū khat a pāi a: “Hiva ruothar hi sipai ruoipu ulian kōma ruoi ro, a kōma chong ei ril lak rang a dōn,” a tī na. 18#Efe 3:1Hatuka sipai ruoipu ulian kōma a ruoi a: “Paul ānkhumpū'n a na pāi a, hiva ruothartē hi nang na kōma hong āruoi ranga ei na mathēm. Amā'n na kōma chong aril lak rang ei dōn nī'n ti,” a tī na. 19Hatuka sipai ruoipu ulianin a kuta a maruoi a. Abingtēna a sēpui a maruka: “Hong mo nei na ril zōt?” a tī na a rakel a. 20Amā'n: “Zehudi ngāiin nangtūka rui ril ngāi kōma Paul aruoi ranga na kōma a hong āzong ranga chong ei ānruol u. Paul a rui chu adik uola ril sā u rei a ti pepei u na. 21Tenchu hava ha ātel ranga lei zōtpē nō ro. Asik chu mī 40 nēka ātamin lampuia achan a lei en u rang kēng. Paul athat u māseng chu ītē asāk anēk nōkna ranga khomāk ansam u kēng. Atun hin na chongtin angāk chunga ansina om chian u,” a tī na. 22Hatuka sipai ruoipū ulianin ruothar chu a mansē na: “Hiva hi ka kōma nei na manthei a tī na tūtē kōma ril ta ni,” tīna chong a pēk a.
Ramoppū Felix a kōma Paul ei Āntīrna
23Hatuka sipai ruoipū'n sipai razaruoipū ngāi anni a kui a: “Sipai 200, hanūk sakorpū ngāi 70, hanūk asei anlek mī 200 mansin lilīp u ro. Atun zāna dar akuo huna Kaisaria khuo tenpei nei sē u rang a nāng. 24Hanūk chu ramoppū Feliks kōma azōkhieia nei ruoi theina ranga Paul ei chuongna rang sakor manliangpē u ro,” a tī na. 25Hintin hin lekhā anthuon ranga a maziak a.
26 #
Lk 1:3
Koi Klodia Lusia'n lalchi thōruo ramoppū Feliks kōma, Chubai. 27Hiva mī hi Zehudi ngāiin a sūr u na, a that u rang vita, sipai ngāi le kā hong a, ka hong mazōk a. Ama hi Rōm mī tī ka hong riat a. 28Tenchu āsia ei manlō u na, asik akong ariat rang kei zōt sika han a ruirilphom u ngāi kōma kei ruoi. 29Hatuka amāni a dān u ruia hong zāttē mo ei ānkhal u sika āsia ei thō tī ka riat a. Tenchu thīna rang le ei ānkhumna rang khopa āsia ei thō chu mu mak ung. 30Hatuka Zehudi ngāiin achan ei ravān chian u tī ei na manthei u le na kōma kei hong tīr len a ni. Ama āsia anlō ngāiin a chunga chong āsia a dōn u ten na kōma a hong āril u ranga kei manthei a tī na ka lekhā hong mathuon chu ka manmong.
31Hava sika han sipai ngāi chu chong anpēk anga Paul chu zān zāna a ruoi u na, Antipatris khuona a vā tung u na. 32Zīng khuovāra sakora āchuong mi ngāi chu Paul a bila āsē tir ranga ei la ti u. Sipai ngāi chu insūnga intepepa a hong ākīr rēt u na. 33Hatuka sakora āchuong mi ngāi chu Kaisaria khuo hong āsuok u le lekhā chu ramoppū kōma a pēk u. Paul um ama matona a va manding u na. 34Ramoppū'n lekhā a siar suole han, “Ama hi hova rama mī mo?” tīna a rakel a. Hankēng Kilikia rama mī a ni tī a riat a. 35Hatuka amā'n: “Āsia anā'n lō ngāi a hong ātung u tikle, na rui hi la mandon rēt rong,” a tī na. Hatuka ama chu Herod a ruirilna ina āsiak ranga chong a pēk a.
Bible in Ranglong, © Bibles International, the Bible society of Baptist Mid-Missions, 2024.