Kuitīr Ngāi Sinthō 2

Pentikos Nikhuona Rathā Ānthiang ei Hong Tungna

1 # Lev 23:15; 1Ko 16:8 Hatuka Pentikos nikhuo hong āsuok han, alom una malung khat achōia munkhata ankhōm u na. 2Hankēng anlāiseka anvān ātā thīnthī ānrumpā'n ei sēm anga rasā a hong āom a ei ānsut una in ha a sip mat a. 3Hatuka maleite ngāi moi anga a kōm una a hong anlang a. Hava ngāi ha ansem rak le chu a chung una a kop chip a. 4#Mk 16:17; Lk 1:15Hatuka alom una Rathā Ānthiangin a manbit u na, Rathā'n chongriltheina ei pēk anga chong ateteia chong aril a phut u na.

5 # Lk 2:25 Hava lāi han Zehudi nam ngāi hi Zerusalem khopuia om lāitak a ni u na. Hava ngāi ha Pathian andon mi, ramuola khotin vānnuoia nam tin kār ātā āhong a ni u na. 6Hankēng hava rasā a riat u le han mipui a hong ānbūm a, a malung u anbuoi u na. Asik chu asang asanga a chong u chipa a chonga ei ānriat u a ni. 7Hasikhan alom una boidonga, “En u ta, sovā āchong ngāi so alom una Galili mi zit chu ni u mak sole?” tīna atina chang riat u mak a, 8“Hanle hontin mo koinī'n na loma nei ānpiangpui chong anga na riat chip thei hile? 9#Rōm 16:5; 1Ko 16:19; 2Ko 1:8; 1Pe 1:1; Anl 1:4Parthia mi ngāi, Medai mi ngāi, Elam mi ngāi, Mesopotamia rama om, Zudāi rama om, Kapadokia rama om, Pontos rama om lē Asia rama om, 10#Mt 27:32Frugia rama om, Pamfulia rama om, Āigupta rama om, Kurini khuo ravēl dāma Libia rama om nā nī na, senkhat chu Rōm khopui ātā khuol āchang nā nī na, senkhat chu Zehudi sākhuona ālūt ngāi nā nī na, 11ole senkhat chu Krīt mi ngāi lē Arab mi nā nī na. Tenchu Pathian a sinthō lianpā ngāi rui ei ril u ha koinī'n na chong chipa na lei riatthei hile,” a ti u na. 12Hasikhan alom una boidonga, atina chang riat u mak. “Hiva hi hong mo a omzia tāk!” atīna ankel ansiat u na. 13#1Ko 14:23; Efe 5:18Tenchu senkhatin maniērō athō u na, zū thar ānrī u kēng a ti u na.

Mipui kōma Peter a Chongril

14Tenchu Peter sōmleikhat kuitīr ngāi le han andinga hē anringpāna ankhēka a kōm u na: “Nangni Zudāi mi ngāi lē Zerusalem khopuia āom ngāi dōra hiva hi nei riat u ranga kei zōt, asadima ka chong rangāi u ro. 15#1Th 5:7Nangnī'n nei mandon u anga hiva ngāi hi zūnrī ni u mak. Asik chu atun hin zīng dar akuo bak kēng a lā ni. 16#Zol 2:28-32Tenchu hiva ngāi hi deari Zoel-in chong ei ril ha ei hong kipna kēng a ni zei.

17 # Atl 11:25; Isa 44:3; Izk 39:29; Zn 7:37-39 “Hintin hin Pathianin a tī na,

‘Nikhuo a hong āhek tika chu hintin hin nī'n tia,

Miring dōra chunga ka Rathā chu hong lei ka ti.

Hava tika na nāipasal u ngāi le

Na nāinupang u ngāiin deari anga chong ril u'n ti.

Ruothar ngāiin anrālna mu u'n ti.

Atar ngāiin ramang phan u'n ti.

18Hava nikhuo ngāia chu ka suok pasal lē ka suok nupang ngāi chunga,

Ka Rathā chu hong lei ka tia, amānī'n dēchong ril u'n ti.

19 # Lk 21:11 Hatuka chung tiang anvāna tichangbui sin ngāi lē

Thuoi tiang phil chunga sinsiana ngāi,

Thisen, moi lē moikhū rahang ngāi chu na manmu u ka ting.

20 # Mt 24:29 Puma nikhuo lian lē ānthang a hong āsuok māseng.

Ani chu āzīnga om in tia,

Thā chu thisena anlet in ti.

21 # Aph 4:26; Sām 105:1; Rōm 10:13; 1Ko 1:2; 2Ti 2:22 Hatuka hintin hin ei ni rang a ni,

Tūkareng Puma raming āpāi tak chu sandama om in ti,’ (Zol 2:28-32) a tī na.

22 # Mk 1:24; Zn 4:48 “Israel a mi ngāi hiva ka chongril hi rangāi u ro. Nangni ranga Nazaret Isuo hi Pathian mi thang a ni, ama amanga nangni kāra Pathianin sinthōtheina, tichangbui sin le sinsiana ngāi ei hong manlang a ni. Hava ha nangni ngāiin nei riat ngēt u a ni. 23#Isa 53:10; Mt 16:21; Lk 24:20Pathianin rui ei masuk zēt le aphāmāna ei riat zēt anga nangni kuta ei ānbetōk a, nangnī'n dān abui ngāi kuta khrōsa atāra āthat ranga nei betōk u. 24#Zn 20:9; Rōm 6:4; 1Ko 6:14; Efe 1:20; Kol 2:12; Heb 13:20; 1Pe 1:21Ama ngēt ha Pathianin thīna natna nātā a mazōk a, ei mathui rēt a ni. Asik chu ama chu thīnā'n ei mantian thei zāt ni mak. 25David-in ama rui chu a ril a,

“Puma chu ka matona om chian ka mū na.

Ama chu ka chang tiang ei om sika annīk nō ning.

26Hasikhan, ka malung a lim a, ka maleia rāi asān,

Hava panga han, ka taksā chu sabeina le pōngansā in ti.

27Asik chu nangin ka rathā chu athi khuona na mākpē nō ta ni.

Na Mi Anthiang chu āmuot ranga phal nō ta ni.

28Nangin damna lampui chu na na manriat a,

Na makunga rāisānna le na manbit na ti.” (Sām 16:8-11)

29 # 1Rē 2:10; Neh 3:16 “Ūnāi ngāi lē lōko ngāi, koini na chipui David a rui anngam panga na kōm u na, na ril u ka ti. Ama chu a thī na, anphūm suo zei a, a thān um avian tenpeia koini ngāi kāra a lā om a. 30#2Sa 7:12-13; Sām 132:11; Mt 1:1Deari ei ni anga, Pathianin a kōma khomāk ansama chong a lei tin anga, David a taksa marā nātā Khristā chu a chōmphānga ānsut ranga ei mathui rang, tī chu a riat a.

Mi Tamtakin a Iam a, Baptisma a Lāk

31 # Sām 16:10 “David-in aphāmān ātā a lei mū na, Khristā anthuirētna ruia, a rathā chu athi khuona anmāk mak a, a taksā'm muot mak a, a lei tī na. 32#Lk 24:48Hiva Isuo ngēt hi Pathianin a mathui rēt a. Koini na loma hava āriatpuipū ngāi chu nā ni. 33#Mk 16:19; Fil 2:9Hasikhan Pathian chang kut tianga ansut ranga ansāng khīta a siak a. Hanūk chu Pā kōm ātā Rathā Ānthiang chongtin ei man ha atun hin ei hong lei ānī na. Hava ha nangnī'n nei mū le kuora nei riat u a ni. 34Asik chu David chu anvāna kal mak. Tenchu ama apumin hiva chong hi a ril a,

“ ‘Zehova'n, ka Puma kōma a tī na,

Ka chang tianga ansut ro.

35 # Mt 22:44 Na rāldui ngāi chu pātalunga ka sin māseng.’ (Sām 110:1)

36 # Mt 28:18; Lk 2:11 “Hasikhan Israel sūngkuona mi ngāi dōrā'n riat ngēt rase. Nangnī'n nei tār u Isuo ngēt ha Pathianin Puma le Khristā ei manchang rit a ni zei,” a tī na.

37 # Lk 3:10 Hava chong ha mipui ngāiin a riat u na, a malung u seipēr le ānvit ang a ni u na. Hankēng amānī'n Peter le hanūk kuitīr atei ngāi kōma: “Ūnāi ngāi le lōko ngāi, imo nei thō rang a ni zei?” a ti u na. 38#Zer 36:3; Mk 1:4; Lk 24:47; Zn 20:22; Kol 2:12Peter-in a kōm u na: “Ansīr u ro, āsia nei thō u ngāi anduola nei om thei una rang Isuo Khristā raminga baptisma lāk u ro. Hatuka Rathā Ānthiang phāmpēk chu man u na ti. 39#Isa 44:3; 57:19; Efe 2:13Asik chu a chongtin ha nangni lē nangni na nāi u ngāi rang a ni. Hanūk chu aloma rāla āom ngāi lē Puma koini na Pathianin ei kui ngāi dōra rang um a ni,” a tī na. 40#Dān 32:5; Fil 2:15Hava suole han chong atei ātampā le a manchū na, a manriat a: “Atun taka hiva ruola midiklui ngāi ātā azōkna thō u ro,” a tī na. 41Hatuka ama a chong ngāi chu rāisān taka apom dōra chu baptisma a lāk u na. Hava nikhuo sūng len han miring 3,000 dām a bil una ansōn a.

Āiampū ngāi Munkhata Lopanlōmna

42 # Mt 14:19; 28:20 Amāni chu kuitīr ngāi anchūnāna, lopanlōmnāna, vāipōltāp khiaknāna lē zārzongnāna a om u na. 43Hatuka mitin malunga Pathian anchina a dōn u na. Kuitīr ngāiin tichangbui sin ngāi le sinsiana tamtak athō u na. 44Āiam ngāi dōra chu munkhata a om u na, neinunsampār dōra chu lōko tā ranga munkhata a siak u na. 45#Mt 19:21; Lk 12:33Amun u ngāi le ei dōn u ngāi dōra a zuor u na, ei nāng u chip anga anruol chiachianga ansem u chachak a. 46#Mt 14:19; Lk 24:53Hatuka anikhuo'n tina malung munkhata tempula anchun u chachak a. Hanūk chu in lam tianga vāipōltāp ankhiaka rāisān le aphāma bu nēk u chachak a. 47#Rōm 14:18Havan tin han Pathian a manpāk u na, mitin mitmūna andit aruoia ei om u chachak a ni. Hantina sandama āom ngāi chu anikhuo'n tina Pumā'n kuibinga a mansōn tir u na.

Currently Selected:

Kuitīr Ngāi Sinthō 2: RNL

Highlight

Copy