Kuitīr Ngāi Sinthō 1

Isuo Vānrama a Kal

1 # Lk 1:1-4; 3:23 O Theofila, na kōma simrachi mānsa kei na maziak ngāi ha Isuo a sinthō lē ei manchū dōra aphut len ātā a rui ngāi dōra a ni. 2#Mt 28:19-20; Mk 16:19; Zn 13:18Anvān tianga ei kalna hun a hong āsuok māsenga a sinthō ngāi rui ha, Rathā Ānthiang zāra ei āthang a kuitīr ngāi kōma chong a pēk suona rui ngāi kēng kei ril a ni. 3#Mt 28:17; Lk 24:34, 36; Zn 20:19; 1Ko 15:5-7Antakna a tiar suona amāni ngāi kōma a ninga anlang a. Ariattheina andangna ātampā le han amāni kōma adama anlang a. Ni 40 amāni kōma anlanga Pathian ram rui chu a la ril tir a.

Rathā Ānthiang Hong ranga Chongtinna

4 # Sām 27:14; Lk 24:49; Zn 14:16 Hatuka amāni bila ankhōm lāi han, amā'n chong a pēk a, Zerusalem khopui āmāk nōk ranga, tenchu Pā chongtin chu alei ngāk ranga, “hava chu,” amā'n, “Ka kōm ātā nei riat u ha. 5#Mk 1:4Asik chu Zohan-in tīna baptisma a pēk chachak a, tenchu atun ātā nikhuo sōtluitēna nangni chu Rathā Ānthianga baptisma anpēka om u na ti,” a tī na.

6 # Mt 17:11 Hasikhan amāni chu anchun u le han a kōma a rakel u na: “Puma, atun hin mo Israel kōma ram nei manding rēt rang a ni zei?” a ti u na. 7#Dān 29:29; Sām 102:13; Mt 24:36Amā'n a kōm u na: “Pā'n ahun le anikhuo chu ama a ningneina le ei zēk kēng, nangni ngāi riat ranga anphal ni mak. 8#Mt 28:19; Lk 24:48Tenchu Rathā Ānthiang na chung una a hong le ranak man u'n na ti. Hatuka Zerusalem khopui, Zudāi ram le Samari ram pumpuia le ramuol kōlkil ei hek tenpei ka chong ariatpū chang u'n na ti,” a tī na. 9#Mk 16:19Amā'n hiva chong ngāi a ril suole han a en susūng una anvāna a kal a, amāni mit varāla ansūmin a hong khum a. 10#Zn 20:12Ama a kal lāi han chungvān tiang a en chian u na, hatuka entā, pasal anni puon ngui ansila a kōla ānding u na. 11#Mt 16:27Amānī'n: “O Galili mi ngāi, ichang mo chungvān tiang atanga nei ānding chian u? Hiva Isuo ngēt hi na kōm u nātā anvāna Pathianin ei lāk ha la hong kīr rēt in ti. Anvāna akala nei mu u anga hin ama chu la hong rēt in ti,” a ti u na.

Zuda Rathūla Mathia ei Ānthangna

12 # Mt 21:1; Lk 24:52 Hava suole chu Oliv Muol ei ti u nātā Zerusalem khopuia a kīr u na. Hava muol ha Zerusalem khopui kōl tak, Sabat nikhuo kallam#1:12 Sabat nikhuo kallam: Mitār 888 ten a sē thei u tīna a ni (Ant 16:29, Atl 35:5). tuk a ni. 13#Mt 10:2-4; Mk 3:16-19; Lk 6:14-16Hatuka insūnga a vā lūt u le tadan mun ansānga a kal u na. Hava han Peter, Zakob, Zohan lē Andria, Filip, Thoma, Bartholomai, Mathāi, Alfai nāipasal Zakob lē Simon, mī'n Zelot ei ti le Zakob a nāipasal Zuda a om u na. 14#Mt 12:46; Lk 18:1; Rōm 1:10Hiva ngāi hi alom una malung munkhat achōia zār azong chunga angēn chiana a om u na. Amāni bila nupang senkhat lē Isuo a nū Mari lē Isuo a paruol ngāi um a omsā u na.

15Hava lāi han Peter chu zolāi ngāi bil ātā andinga chong a ril a, hava han alom una 120 dām a ni u na. 16#Sām 41:9; Mt 1:22; 10:4; Rōm 7:1“Ūnāi ngāi, Isuo āsūr ngāi a hong āruoipū Zuda ruia David a mūr amanga, Rathā Ānthiangin aphāmāna a lei ril suo Pathian chong chu ei kip ngēt rang a ni. 17#Zn 6:70-71Ama chu koini ngāi bila antela om a, hiva dorbōndomna hin chang-āi a dōn a.”

18 # Mt 26:14; 27:3-10 Hiva mī'n dikluina man le han mun khat a rachōk a, hava muna han akhup tiang a chul a, a von a puok a, a rīl dōra a suok zit a. 19#Zn 5:2Zerusalem-a āom ngāi dōrā'n hava rui chu a riat u na. Hasikhan a chong una hava mun raming chu Akeldama a ti u na. Hava chu Thisen Mun, tīna a ni. 20Sām Lekhabūna hintin hin anziak a,

“ ‘Ommun ei khuorna mun chu ram biang rase.

Hava han tūtē om nō rase,

A lupuok chu mīteiin luo rase,’ (Sām 69:25; 109:8)

21Hasikhan koini na kāra mī khat anthang a nāng zei. Hava mī chu Isuo'n koini na bila a om babang lāia ālūt lē asuok babang mi ni rase. 22#Mk 1:4; Lk 24:48Hanūk chu Zohan a baptisma len ātā Isuo anvāna ei kal tenpeia koini na bibila om le Isuo āthi nātā anthuirēt tī anā riatpui ngāi bila mi anthang rase,” a ti u na. 23Hatuka amānī'n mī anni ā thang u na, angkhat chu Zosef Barsaba ei ti u ha a ni, a raming atei rēt chu Zusta a ni. Hanūk angkhat rēt chu Mathia a ni. 24#1Sa 14:41; Anl 2:23Hatuka zār azong u na: “Puma, nang chu mi malung dōra ariat nā nī na, Zuda a dorbō le a kuitīr sutmun āluo ranga hiva mī anni ngāi bila tū mo nei āthang zōt, na manmu ro. 25Zuda chu ādik nōk sin ei thō sika ei omna rang muna a sē na hiva dorbō le kuitīr sin chu ei māk a ni zei,” a ti u na. 26Hatuka amānī'n anni ngāi raminga rāvānenna a thō u na, Mathia a raming a kal a. Hatuka ama chu kuitīr sōmleikhat ngāi bila anchel a.

Currently Selected:

Kuitīr Ngāi Sinthō 1: RNL

Highlight

Copy