PSALMS 118
118
1Mahmooyahwahmik Jehovah, oonesheshe mah: kahgenig mah ahyahmahgudene ooshahwanjegawin.
2Mahnoo tahekedoo Israel: kahgenig cheähyahmahgudenig ooshahwanjegawin.
3Mahnoo tahekedoowun Aaron oonejahnesun: kahgenig cheähyahmahgudenig ooshahwanjegawin.
4Mahnoo egewh quasahjig Jehovahun tahekedoowug: kahgenig cheähyahmahgudenig ooshahwanjegawin.
5Oonje keche‐megooshkahdanduhmoowining ningenuhnaundoomah Jehovah: ningebezindaug dush Jehovah kuhya ningeähsik emuh akoo munguhdaäug.
6Neweedookaug Jehovah, kahween ningahsagezese: ahneen kadoodahwewaud enenewug?
7Jehovah ooweedookahwaun enewh wahdookahwenejin: ningahwahbuhmaug egewh shaunganemejig chedoodahwindwah azhenunduhwanduhmaun.
8Ahwahshema keche‐oonesheshin cheähpanemung Jehovah: dush ween cheähpanemungwahpun enenewug.
9Ahwahshema oonesheshin cheähpanemung Jehovah: dush ween cheähpanemungwahpun oogemaug.
10Ningekewetah‐kahbahwetahgoog ahnooj azheweenzoojig ahnishenahbag: emuh Jehovah oodezhenekahzoowining ningahbahnahjeäug.
11Nekewetah‐kahbahwetahgoog, aahe nekewetahkahbahwetahgoog: emuh Jehovah oodezhenekahzoowining ningahbahnahjeäug.
12Nekewetaushkahgoog debishkoo ahmoog: ahtaähwug debishkoo menasahgahwunzhe‐ishkootang: emuh Jehovah oodezhenekahzoowining ningahbahnahjeäug.
13Kegepukkedaöowh, kegepukkedaöowh chepungeshemeyun: ningeweedookaug dush ween Jehovah.
14Jehovah nemushkahwezewin kuhya nenuhguhmoowin ahwe: kuhya ningebemahjeïk.
15Moojegetahgoozewin kuhya bemahjeëwawin duhgoomahgudoon emuh oowegewaumewaung egewh quayukwahdezejig: kemashkahwezemahgudene Kesha‐Muhnedoo ookechenik.
16Oombeneenje Jehovah ookecheneenj: Jehovah ookecheneenj kechemushkahwezemahgudene.
17Kahween ningahneboose, ningahbemahdiz atuh: kuhya ningahdebahdoodaunun Jehovah oodahnookeewinun.
18Kagate ningepuhzhunzhaïk Jehovah: kah dush ningepuggedenegoose emuh neboowining.
19Nesahkoonahmahweshin quuhyuk‐wahdezewine‐keche‐ishquaundamuu: mesuh kaëzhepeendegayaun; ningahmahmooyahwahmah Jehovah.
20Mesuh maunduh ishquaundam Jehovah kahoozhetood: quayukwahdezejig tahpeendegawug emuh.
21Kegahmahmooyahwahmin kegenuhquatow mah: kuhya kegebemahjew.
22Ahsin kahwabenegood enewh wazheganejin; wequayahbikesechegun ahwe.
23Jehovah suh keëzhechega: mahmaundahwahkummig emuh kishkeënzhegoonahning.
24Mesuh noongoom kezheguk, ewh kezhegud Jehovah kahoozhetood: kegahmoojegezemin kuhya kegahwahwezhanduhmoomin noongoom kezheguk.
25Mahnoo bemahjeëshenaum Jehovah: Jehovah kepahgoosanemegoo chemenoo‐doodahweyauug.
26Shahwandahgooze suh owh pahtuhgwishing emuh oodezhenekahzoowining owh Jehovah: kewahwezhanemegoo oonje oowegewauming owh Jehovah.
27Mushkahweze Jehovah kegemeenegoonaun dush wahsayahzewin: tahkoobenik owh ahwahkaun pagedenegahzood enewh ahsubaubeensun emuh wadashkunewung sahsahgewejegunahbik.
28Nekesha‐Muhnedoom kedow kegahmahmooyahwahmin dush: neKesha‐Muhnedoom kegahwahwezhanemin.
29Mahmooyahwahmik Jehovah: oonesheshe mah kuhya ooshahwanjegawin ahyahmahgudene kahgenig.
Currently Selected:
PSALMS 118: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
