PSALMS 119
119
1Shahwandaagoozewug egewh quayukwahdezejig emuh meekunaung: bamoosajig emuh ootebahkoonegawining Jehovah.
2Shahwandahgoozewug egewh ganuhwandungig ootebahjemoowinun: nandoonaähjig anegookoodaäwaud.
3Egewh mahkinduhsegoog mujje‐ezhewabezewin: bamoosajig emuh oomeekunaung.
4Kegeënahkoonega kekuhgequawinun: wawane cheguhnuhwanjegahdag.
5O Ahpagish quuhyukoosechegahdagebun kuhkenuh nemeekunun: chemekinduhmaun kedenahkoonegawinun.
6Kah dush ningahahgujjese: oonje nahnahgahdahwahbuuduhmaun kekuhgequawinun.
7Kwuhyukoodaäyaun kegahmahmooyahwahmin: uhpe ketakekenooähmahgooyaun azhemenooenah-koonegamahguk kequuhyukwahdezewin.
8Ningahguhnuhwandahnun kekuhgequawinun: O kagoo ahpeche nuhguhneshekan.
9Ahneen ooshkenuhwa kaëzhepeenetood oomeekunun: cheguhnuhwandung debishkoo akedoomahguk kedekedoowin?
10Anegookoodaäyaun kegeöondoonaïn: kagoo puggedeneshekan chewuhneshenooyaun oonje kekuhgequawining.
11Emuh nindaïng ningekahdoon kedekedoowin: cheöonjemujje‐doodoosenaun.
12Mahnoo kegahshahwandahgooz Jehovah: kekenooähmahweshin kedenahkoonegawinun.
13Nindooning ningeähgindaunun kuhkenuh kedenahkoonegawinun: anahkoonegamahguk kedoon.
14Emuh kedebahjemoowine‐meekunaung bemoosayaun: nindoonjemoojegiz, debishkoo kekechetebenuhwawezeyaunbaun.
15Ningahnahnahgahdahwandaunun kuhkenuh kekuhgequawinun: kuhya ningahnahnahgahdahwahbundaunun kemeekunun.
16Emuh ketebahkoonegawining ningahoonjemoojegiz: kahween ningahwuhnandunseen kedekedoowin.
17Shahwanim kebuhmetahgun chebemahdezeyaun: ningahguhnuhwandaun dush kedekedoowin.
18Pahkahkahbeëshin: cheöonjewahbunduhmaun enewh mamaundahwukkin oonje ketebahkoonegawining.
19Nemahyuggiz oomah uhkeeng: kagoo kahdoomahweshin kekuhgequawinun.
20Nemegooshkahjedaä: ahpena nunduhwanduh maun ketebahkoonegawinun.
21Kegenuhneebekemaug egewh mamenahdezejig: kagwahnesuggandahgoozejig: pakatahjig kekuhgequawinun.
22Ekoonuhmahweshin nuhneebekemegoowin kuhya dahbussanemegoowin: ningeguhnuhwandahnun mahkedebahjemoowinun.
23Kuhkenuh egewh keche‐oogemaug kenuhmuhduhbewug kuhya ningemujje‐kuhnoonegoog: kuhya kebahmeetahgun oonahnahgahdahwandaunun ketebahkoonegawinun.
24Neminwandaunun kuhkenuh kedebahjemoowinun: nebezindaunun dush.
25Ninjechaug ahpuggezoo emuh weyuggussang: bemahjeëshin debishkoo kahekedooyun.
26Ningewahweendahnun nindezhewabezewinun, kuhya kegenuhquatow: kekenooähmahweshin ketebahkoonegawinun.
27Weedookahweshin ehenesittootuhmaun enewh kekuhnequawinun: kuhya ningahnahnahgahdahwandahnun kemahmaundahwechegunun.
28Ninjechaug muhwe oonje kushkanduhmoowin: oombeneshin debishkoo anandahgwuk kedekedoowin.
29Ekoonuhmahweshin ewh kuhkenuhwishke‐ezhewabezewin: kuhya emuh keshahwanjegawining meezheshin ketebahkoonegawin.
30Ningewahwanahbundaun ewh dabwawine meekun: ningeähtoonun ketebahkoonegawinun chewahbunduhmaun.
31Ninjeminjeminaunun kedebahjemoowinun, O Jehovah: kagoo ahgujjeëshekan.
32Ningahahbuhtoo emuh kekuhgequawine‐meekunaung: nahwuj mah kagate kemungahdatoon ninda.
33Kekenooähmahweshin anenuhmook kekuhgequawine‐meekun: uhpena cheguhnuhwanduhmaun.
34Weedookahweshin chetanesittootuhmaun, ningahguhnuhwandaun dush kekuhgequawin: aahe ningahguhnuhwandaun anegookoodaäyaun.
35Weedookahweshin chetuhkookeeyaun emuh kekuhgequawine‐meekaunsing: mesuh ewh manwanduhmaun.
36Ezhedaäëshin chesahgetooyaun kekuhgequawinun: chebahmanduhsewaun dush tebenuhwawezewin.
37Quakekahbahweëshin chewahbunduhsewaun kuhkebahdezewin: bemahjeëshin emuh kemeekunaung.
38Debishkoosittuhmow kebuhmeetahgun kedekedoowin: oonje keche‐koosik.
39Wabenuhmahweshin nindahguhdandahgoozewin ewh quatuhmaun: oonesheshinoon mah ketebahkoonegawinun.
40Benuh neminwandaunun kekuhgequawinun: bemahjeëshin emuh kemenoo‐ezhewabezewining.
41Kuhya mahnoo ningahoodissegoon keshahwanjegawin, O Jehovah: kuhya kebemahjeëwawin debishkoo kahekedooyun.
42Mesuh kaöonjeähyahmaun kanuhquatuhwug owh buhyahpenoodahwid: nindahpanemoon mah kedekedoowin.
43Kagoo dush ahpeche muhkummeshekan kedabwawine‐ekedoowin oonje nindooning: nindahpanemoonun mah ketebahkoonegawinun.
44Uhpena dush ningahguhnuhwandaun ketebahkoonegawin: kahgenig kuhya kahgenig.
45Ningahbemoosa dush emuh akoo‐mungahtaäug: ningeöondoonaäunun mah kekuhgequawinun.
46Ningahdebahdoodaunun kekuhgequawinun anahsuhmewaud egewh keche‐oogemaug: kah dush ningahahgujjese.
47Ningahoonahnegwandum oonje kekuhgequawinun: enewh suhyahgetooyaunin.
48Nesheebeneenjin chetuhkoonuhmaun kekuhgequawinun suhyahgetooyaunin: kuhya ningahnahnahgahdahwandaunun kekuhgequawinun.
49Mequanduhmow kebuhmetahgun kedekedoowin: oonje kemeezheyun ahpanemoowin.
50Mesuh maunduh manoo‐daäshkahgooyaun emuh nekooduggetoowining: nebemahjeëgoon dush kedekedoowin.
51Nekeche‐bahpeëgoog egewh maminahdezejig: kah mah nepuhkawedooseen kedekedoowin.
52Ningemequandaunun kuhyet ketebahkoonegawinun, O Jehovah: kuhya ningemenoodaäëdiz.
53Nekuhgwahnesuge‐nishkahdiz: oonje maje‐ezhewabezejig wabenuhmoowaud ketebahkoonegawin.
54Ningenuhguhmootaunun ketebahkoonegawinun: emuh newegewauming ewede wahsuhwakummig kebahbahduhnezeyaun.
55Ningemequandaun kedezhenekahzoowin, O Jehovah tabekuk; kuhya neguhnuhwandaun ketebahkoonegawin.
56Mesuh kahdoodahgooyaun: ningeguhnuhwandahnun mah kekuhgequawinun.
57Netebandahsoowinkedow, O Jehovah: ningeëkid cheguhnuhwanduhmaun kedekedoowinun.
58Ningenunduhwandaun keshahwanjegawin anegookoodaäyaun: shahwanemeshin debishkoo anandahgwuk kedekedoowin.
59Ningenahnahgahdahwandaunun nemeekunun: kuhya ningequakekahbow chebemoosayaun emuh kedebahjemoowining.
60Ningewaweebetah, kah dush bahnemah ningeenanduhse: cheguhnuhwanduhmaun kekuhgequawinun.
61Ningekeemoodemegoog waqueenoojig maje‐ezhewabezejig: kah dush ningewahnanduhseenun kekuhgequawinun.
62Ahyahbetah‐tebekuk ningahkooshkoos chemahmooyahwuhmenaun: oonje kequuhyuk‐tebahkoonegawinun.
63Neweedookahwaug kuhkenuh egewh quasikig: kuhya egewh ganuhwandungig kekuhgequawinun.
64Uhkee mooshkena keshahwanjegawin, O Jehovah: kekenooähmahweshin ketebahkoonegawinun.
65Kegemenoo‐doodahwah kebuhmeetahgun O Jehovah: debishkoo anandahgwuk kedekedoowin.
66Kekenooähmahweshin wanesheshing nebwahkahwin kuhya kekanjegawin: nindabwataunun mah kekuhgequawinun.
67Chepwah koodugganduhmaunbaun, ningewuhneshinoobun: noongoom dush nenuhittaun kedekedoowin.
68Kemenoo‐ezhewabiz keen kuhya kemenoo‐doodahga: kekenooähmahweshin kedenahkoonegawinun.
69Egewh maminahdezejig enenewug ningekuhkenuhwishke‐enahjemegoog: anegookoodaäyaun ningahguhnuhwandaunun kekuhgequawinun.
70Oodaëwaun wenenoowenewun debishkoo pemedang: neen dush ween neminwandaun ketebahkoonegawin.
71Ningetabeëgoo kekoodugganduhmaun, me mah kahoonjekekenooähmahgoozeyaun kekuhgequawinun.
72Ewh tebahkoonegawin kedooning kahooonjeemahguk: nahwuj nemenoo‐doodahgoon dush ween metauswauk duswahbik oozahwah shooneyaun kuhya shooneyaun.
73Kegeoozhetoon neyow keneenjeen keähyooyun: mahnoo ningahnesittootaunun kuhya ningahkekenooähmahgoonun kuhkenuh kekuhgequawinun.
74Egewh quasikig ningahwahbuhmegoog kuhya tahmoojegezewug; ningeähpanemoon mah kedekedoowin.
75Nekekandaun suh chequuhyuhwuk ketebahkoonegawinun: kuhya oonje dabwayun kegekoodugewh.
76O Mahnoo ningahmenoodaäshkahgoon keshahwanjegawin: debishkoo kahenud kebuhmeetahgun.
77Mahnoo ningahoodissegoonun keshahwanjegawinun, ningahbemahdiz dush; neminwandaun mah ketebahkoonegawin.
78Tahahgujjewug egewh mamenahdezejig: kenuhwishkewaud mah ningemujjedoodahgoog: ningahnahnahgahdahwandaunun kekuhgequawinun.
79Mahnoo ningahpenaunzekahgoog egewh quasikig: kuhya egewh kakandungig kedebahjemoowinun.
80Mahnoo quuhyukesetoon ninda emuh kekuhgequawining: cheähgujjeëgoosewaun.
81Ninjechaug kenoondashin apeech nunduhwanduhmaun kebemahjeëwawin: nebeetoon mah kedekedoowin.
82Ahnahwawezemahgudoon nishkinzhegoon oonje kedekedoowin: oo‐oo akedooyaun, ahneen uhpe kamenoodaäëyun.
83Ningeëzheähyah debishkoo pushquagin‐omoody agoojing emuh paquanag: kahween ningeöonanduhsenun ketebahkoonegawinun.
84Ahneen menik kabemahdezid kebuhmeetahgun: ahneen uhpe kadoodahwudwah egewh maje‐doodahwejig ewh kahenahkoonudwah.
85Mamenahdezejig wahnekawug chepeenjesayaun emuh: ahnahween anandahgussenook ketebahkoonegawin.
86Kagate dabwamahgudoon kuhkenuh kekuhgequawinun: kuhkenuhwishkewaud nemujje‐doodahgoog: weedookahweshin.
87Gagah ningebahnahjeëgoog oomah uhkeeng: kah dush ningenuhguhdunsenun kekuhgequawinun
88Debishkoo anandahgwuk keshahwanjegawin bemahjeëshin: mesuh kaöonjeguhnuhwanduhmaun enewh debahjemoowinun kedooning wanjebahmahgukkin.
89Jehovah kedekedoowin: kahgenig minjemoosin ewede kezhigoong.
90Kedabwawin tahduhgoomahgud kahgenig: kegeminjemoosetoon uhkee mesuh kaöonjemahmah jesasenook.
91Oonje mah ketebahkoonegawin ahyahmahgudoon noongoom kezheguk: kebuhmeetahgoonun mah kuhkenuh:
92Kishpin minwanduhsewaunbaun ketebahkoonegawin: nindahgenesegoon nekooduggeëgoowin.
93Kah wekah ningahwuhnanduhsenun kekuhgequawinun: me mah enewh kahoonjebemahjeëyun.
94Ketebanim suh, bemahjeëshin: ningenundahwandaunun mah kekuhgequawinun.
95Ningeähkahwahbuhmegoog maje‐ezhewabezejig enenewug chebahnahjeëwaud: ningahnesittootaunun kedebahjemoowinun.
96Ningewahbundaun wuhyaquaug kuhkenuh quuhyukwahdezewinun: keen atuh kekuhgequawin ahpeche mechahmahgud.
97Kagate nekeche‐sahgetoon kekuhgequawin: kuhpa‐kezhig nenahnahgahdahwandaun ewh.
98Keen kedezheh nahwuj chenebwahkahyaun dush ween egewh shaunganemejig, kekuhgequawinun oonje: ahpena mah neweejewegoonun enewh.
99Ahwahshema nenebwahkah dush ween kuhkenuh egewh kakenooähmahwejig: nenahnahgahdahwandaunun mah kedebahjemoowinun.
100Nahwuj nebewah nenesittootaunun dush ween egewh katezejig: oonje keguhnuhwanduhmaun kekuhgequawinun.
101Neguhnuhwandahnun nesittun chebemoosasewaun emuh mujje‐meekunaung: cheöonjeguhnuhwanduhmaun kedekedoowin.
102Kahween nenuhguhdunsenun ketebahkoonegawinun: keen muh kekekenooähmow.
103Kagate keche‐wishkoobunoon kedekedoowinun emuh nenahguskoong: nahwuj wiskoobunoon dush ween ahmoo sinsebahquud emuh nindooning.
104Kekuhgequawining nindoondenaun nebwahkahwin: mesuh wanjesheenganduhmaun kuhkenuh kuhkenuhwishkewine‐meekunun.
105Debishkoo wahsuhkoonanjeguning nindenahbujjetoon kedekedoowin bamoosayaunin: chewahsayaug emuh nemeekunaung.
106Ningemushkahwahweendahmahga, kuhya ningahezhechega: cheguhnuhwanduhmaun quayukwukkin ketebahkoonegawinnun.
107Ahpeche nekeche‐kooduggandum: Jehovah bemahjeëshin debishkoo kahekedooyun.
108Oodahpenun enewh nepuggedenegawinun wawane azhepuggedenegamahguk nindoon, kepahgoosanemin Jehovah: kuhya kekenooähmahweshin ketebahkoonegawinun.
109Uhpena neneenjeeng nindahyahwah ninjechaug: pooch‐enunga nindoonandaun ketebahkoonegawin.
110Ningedahgoodahgoog egewh maje‐ezhewabezejig: kah dush ningepuhkatahse kedenahkoonegawinun.
111Nindebandaunun kedebahjemoowinun ahpena kahgenig: nemoojegedaä mah oonje enewh.
112Ningeëzhesittoon ninda kahgenig cheguhwanduhmaun ketebahkoonegawinun: kahgenig ahpena kahgenig.
113Nesheenganemaug egewh quayaquakandungig: nesahgetoon dush ween ketebahkoonegawin.
114Keen suh kedow nekahzoowin, kuhya nepahkahquahaun: nindahpanemoon kedekedoowin.
115Nuhguhzheshig, kenuhwah maje‐ezhewabezeyag: ningahguhnuhwandaunun dush ookuhgequawinun owh Kesha‐Muhnedoo.
116Pemeähsooneshin debishkoo kahwahweenduhmahweyun cheöonjebemahdezeyaun: kah dush ningahahgujjese oonje nindahpanemoowin.
117Pemeähsooneshin kuhya ningahbemahjeëgoo: ningahnahnahgahdahwahbundaunun ketebahkoonegawinun kahgenig.
118Kegetuhkookaunaug kuhkenuh egewh pakashkungig ketebahkoonegawinun: oowuhyazhemegoonahwah tebenuhwa ookuhkenuhwishkewinewaun.
119Debishkoo wabeneguning kegewabenaug kuhkenuh maje‐ezhewabezejig oomah uhkeeng: mesuh wanjesahgetooyaun kedebahjemoowinun.
120Nuhningishkahmahgud neyaus oonje koosinaun: kuhya oonje kootuhmaun kekooduggeëwawinun.
121Ningedoodum ewh wanesheshing kuhya quayukwuk: kagoo puggedeneshekan: chemujje‐doodahwewaud egewh wahmujje‐doodahwejig.
122Kuhnooduhmow kebuhmeetahgun cheöonje menoodoodahgooyaun: kah dush nigahkoodugge-egooseeg egewh mamenahdezejig.
123Ahnahwawezemahgudoon nishkinzhegoon oonje nunduhwanduhmaun bebemahjeëwawin: kuhya kemenoo‐ezhewabezewine‐ekedoowin.
124Doodow kebuhmeetahgun debishkoo anandahgwuk keshahwanjegawin: kuhya kekenooähmahweshin kedenahkoonegawinun.
125Nindow kebuhmeetahgun: meezheshin nesittootahgawin cheöonjekekanduhmaun kedebahjemoowinun.
126Ahzhe debishkoosa uhpe kaähnookeed Jehovah: oopeegoobetoonahwah mah ketebahkoonegawin.
127Mesah ahwahshema wanje‐sahgetooyaun kekuhgequawiuun dush ween oozahwah shooneyah aahe ahwahshema nesahgetoonun dush ween wanesheshid oozahwah‐shooneyah.
128Mesuh wanjeënanduhmaun kuhkenuh ahnooj doowun kekuhgequawinun chequuhyukwuk: nesheengandaunun kuhkenuh kuhkenuhwishkewine‐meekunun.
129Mahmaundahwudoon kedebahjemoowinun: mesuh ninjechaug wanjeguhnuhwandung enewh.
130Kedekedoowinun paundegamahgukkin wahsashkahgamahgudoon: mesuh wahjenesittootuhmoowaud egewh kakanjegasigoog.
131Ningetahwun kuhya ningekishkuhnaum: ningemahmedahwandaunun mah kekuhgequawinun.
132Guhnuhwahbuhmeshin kuhya shahwanemeshin: debishkoo moonzhug andoodahwudwah egewh suhyahgetoojig kedezhenekahzoowin.
133Ezhesittoonun netuhkookeewinun emuh kedekedoowining: kah dush ningahshahgoojeëgooseen mujje‐ezhewabezewin.
134Bemahjeëshin oonje azhekooduggeëwaud enenewug: kuhya ningahguhnuhwandaunun kekuhgequawinun.
135Mahnoo kebuhmeetahgun oogahwahsashkahgoon kishkinzhegoon: kuhya kekenooähmahweshin kedebahkoonegawinun.
136Nishkinzhegoong oonjejewun‐nebeen: oonje guhnuhwanduhsigwah ketebahkoonegawin.
137Kequuhyukwahdiz, O Jehovah: kuhya oonesheshinoon ketebahkoonegawinun.
138Kegeëkid chequuhyukwahdezeyaung, emuh kedebahjemoowining: kuhya cheähpeche‐dabwayaung.
139Nechahgahkizoogoon nekahwawin: oonje mahgahzhejig oonanduhmoowaud kedekedoowin.
140Kechepeenud suh kedekedoowin: mesuh kebuhmeetahgun wanjesahgetood.
141Nindahgahshewh kuhya nedahbussandahgooz: pooch‐enunga nindoonandaunun kekuhgequawinun.
142Quuhyukwandahgwud suh kequuhyukwahdezewin kahgenig: kuhya dabwamahgud ketebahkoonegawin.
143Ningeöodissegoonun kushkanduhmoowin kuhya koodugganduhmoowin: pooch neminwandaunun kekuhgequawinun.
144Quuhyukwudoon kedebahjemoowinun ahpena kahgenig: kekenooähmahweshin chenesittootuhmaun cheöonjebemahdezeyaun.
145Kenahnaundoomin anegookoodaäyaun: nahquatuhweshin Jehovah: ningahguhnuhwandaunun kekuhgequawinun.
146Kenuhnaundoomin, bemahjeëshin: ningahguhnuhwandaunun kedebahjemoowinun.
147Keche‐kekezhab ningepeëzhah emuh anahsuhmeyun kuhya kegenuhnaundoomin: ningeähpanemoon kedekedoowin.
148Chepwah kooshkoosewaud egewh nababetungig nekooshkooz: chenahnahgahdahwanduhmaun kewahweendahmahgawin.
149Bezindun nindahnemetahgoozewin oonje shahwanjegayun, O Jehovah: debishkoo enandahgwuk ketebahkoonegawinun bemahjeëshin.
150Pashoo nepenaunzekahgoog egewh nwahpenuhdungig mujje‐ezhechegawin: wahsuh dush oonuhguhdahnahwah ketebahkoonegawin.
151Pashoo suh keduhniz Jehovah: kuhya dabwamahgudoon kuhkenuh kekuhgequawinun.
152Kuhyet ningekekandaun oonje kedekedoowining: keminjemoosittooyun uhpena kahgenig.
153Nahnahgahdahwahbundun nekooduggetoowin kuhya bemahjeëshin: kah mah nindoonanduhseen ketebahkoonegawin.
154Guhnooduhmahweshin, kuhya bemahjeëshin: bemahjeëshin debishkoo kahekedooyun.
155Wahsuh ahtane oobemahjeëgoowinewaun egewh maje‐ezhewabezejig: oonje nunduhwanduhsigwah ketebahkoonegawinun.
156Bahteïnudoon keshahwanjegawinun, O Jehovah: debishkoo anandahgwuk ketebahkoonegawinun.
157Bahtuheïnwug egewh maje‐doodahwejig kuhya quaduggeëjig: kahween nepuhkashkunsenun kedebahjemoowinun.
158Ningewahbuhmaug egewh kagaunzetungig kuhya ningemauzhedaä: oonje keguhnuhwanduhsigwah kedekedoowin.
159Wahbuhmeshin menik sahgetooyaun kekuhgequawinun Jehovah: debishkoo anandahgwuk keshahwanjegawin bemahjeëshin.
160Kedekedoowin dabwamahgud oonje wahyashkud: kahgenig duhgoomahgudoon kuhkenuh kemenoo‐tebahkoonegawinun.
161Ningepeneshe — mujje — doodahgoog egewh keche‐oogemaug: nekootaun dush kedekedowin emuh nindaïng.
162Nemoojegiz oonje kedekedoowin: debishkoo azhemoojegezid ahweyah makung nebewah tebenuhwawezewinun.
163Nesheengandaun kuhya nekuhgwahnesuggandaun kuhkenuhwishkewin: nesahgetoonun dush ween kedebahjemoowinun.
164Neezhwahching kemahmooyahwahmin anduhsoo keezhik: oonje keche‐minwandahgwuk ketebahkoonegawin.
165Keche‐pezaunewawin oodahyahnahwah egewh suhyahgetoojig ketebahkoonegawin: kah dush gagoo oogahmekunsenahwah kaöonje — oosittahwanduhmoowaud.
166Nindahpanemoon kebemahjeëwawin, O Jehovah: kuhya neguhnuhwandaunun kekuhgequawinun.
167Ninjechaug oogeguhnuhwandaunun kedebahjemoowinun: kuhya nekeche‐sahgetoonun enewh.
168Neguhnuhmandaunun kekuhgequawinun kuhya kedebahjemoowinun: kewahbundaunun mah kuhkenuh nindezhewabezewinun.
169Mahnoo kegahoodissegoon nenuhnaundoongawin, Jehovah: meezheshin nesittootumoowin debishkoo kahekedooyun.
170Kegahoodissegoon nindahnuhmeäwin: debishkoo kahwahweendahmahgayun bemahjeëshin.
171Nindooning tahoonjeemahgud wahwezhanduhmoowin: uhpe kekekenooähmahweyun ketebahkoonegawinun.
172Aahe emuh nindanuhnewing ningahnuhquataun kedekedoowin: quuhyukwudoon mah kuhkenuh kekuhgequawinun.
173Mahnoo ningahweedookahgoon keneenj: ningewuhwanahbundaunun mah kekuhgequawinun.
174Ningemahmetahwandaun kebemahjeëwawin, O Jehovah: neminwandaunun dush kekuhgequawinun.
175O Mahnoo tahbemahdeze ninjechaug kuhya kegahmahmooyahwahmik: ningahweedookahgoonun dush ketebahkoonegawinun.
176Newuhneshin debishkoo mahnishtahnish waneshinood: oondonaöwh kebuhmeetahgun kah mah newuhnandunsenun kekuhgequawinun.
Currently Selected:
PSALMS 119: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
