PSALMS 116
116
1Neminwanemah Jehovah: kebezindung nindinwawin kuhya nindahnuhmeäwin;
2Kebezindahwid: mesuh kaöonjenuhnaundoomug menik kabemahdezeyaun.
3Ningekeewetaushkahgoonun enewh neboowine‐wesugganduhmoowinun: kuhya ningeminjeminegoonun ahnahmuhkummig wanjebahmahgukkin kooduggetoowinun kuhya ketemahgazewin.
4Medush uhpe kenahnaundoomug owh Jehovah: O Jehovah, kepahgoosanemin, bemahjewh ninjechaug.
5Shahwanjega Jehovah, kuhya quuhyuk‐wahdeze: aahe, ketemahganjega Kekesha‐Muhnedoomenaun.
6Jehovah oobemahjeaün enawh agahsanemoonejin: ningenesebenegoo, ningeweedookaug edush.
7Peëzhekewan emuh kedaunwabewining, O Ninjechaug: kegekeche‐tabeïk mah owh Jehovah.
8Kegebemahjeäh mah ninjechaug cheneboosig: nishkeenzhegoon chemuhwesewaun, kuhya nesittun chepungeshinsewaun.
9Ningahbemoosa anahsuhmid Jehovah: emuh ooduhkeemewaung egewh bamahdezejig.
10Ningedabwayandum, mesuh kahoonjekekedooyaun; ningekeche‐kooduggetoo: ningeëkid emuh nesagezewining, Kuhkenuhwishkewug kuhkenuh enenewug.
11Wagoonash katebahahmahwug owh Jehovah: oonje nebewah shahwanjegawinun keshahwanemid?
12Ningahoodahpenaun ewh bemahjeëwawine menequahjegun: kuhya nigahwahweendaun oodezhenekahzoowin owh Jehovah.
13Ningahtebahahmahwah owh Jehovah menik kahwahweenduhmahwug, noongoom anahsuhmenid kuhkenuh oodahnishenahbamun:
14Keche‐ahpeetandahgwudene anahsuhmuhbid Jehovah, ooneboowinene enewh anuhmeätahgoojin.
15Jehovah kagate kebuhmeetahgun nindow: kuhya nindoonejahnesemik kebuhmeetahguneëquam: kegepuhkishkaunun netuhkoobejegunun.
16Kegahmeenin ewh mahmooyahwawine‐puggedenegawin: kuhya ningahnuhnaundoomah Jehovah.
17Ningahtebahahmanwah owh Jehovah menik kahwahweendahmahwug: noongoom anahsuhmenid kuhkenuh oodahnishenahbamun.
18Emuh oowegewauming owh Jehovah: emuh nahwuhyeëeeng keen, O Jerusalem! Wahwezhanemik owh Jehovah.
Currently Selected:
PSALMS 116: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
