St Matthew 18
18
1Medush goo ewh uhpe kepenaunzekahwahwaud egewh kekenooahmahgunug enewh Jesusun oo‐oo ekedoowaud, Ahwanan owh kache‐ahpetandahgoozid emuh keche‐kezhegoong oonje oogemahwewining.
2Jesus dush oogenundoomaun pazhig agahsheënejin ahbenoojeün, keähsaud emuh ahyahnid.
3Oo‐oo dush keëkedoo, Kagate kedenenim, Keshpin aunjeëgoosewag, kuhya ahbenoojeëeng ezhewabezesewag, kahween kegahpeendegaseem emuh keche‐kezhegoong oonje oogemahwewining.
4Ahwagwan dush kaëzhedahbussanemoogwan azhedahbusanemood wah‐owh ahbenooje, me suh owh kache‐ahpetandahgoozid emuh keche‐kezhegoong oonje oogemahwewining.
5Ahwagwan dush wadapenahgwan pazhik oonoo denoowun ahbenoojeün emuh nindezhenekahzoowining nindoodahpenik suh.
6Ahwagwan dush kamujje‐doodahwahgwan pazhik oonoo agahsheënejin duhyabwayanemenejin, ahwahshema tahgeöonesheshinene pootahgune‐ahsineen cheähgoonemindebun, cheähpuggenind dush emuh akoo‐demeeg ewh kechegummee.
7Kahgwahnesuhguhkumig suh ewh uhkee oonje mujje‐doodahgawinun! pooch mahween tahtuhgwishenoomahgudoon mujje‐doodahgawinun; kahgwahnesuggeze suh owh enene kaöonjeemahgudenegwan ewh mujje‐doodahgawin!
8Benuh suh, keshpin ewh keneenj gamuh ewh kesit mujje‐doodahgooyun, kishkezhun suh enewh, ningooje dush ahpuggedun; ahwahshema suh tahoonesheshin chemahkiskahyunbun, gamuh chemahmaunjegooseyunbun, emuh bemahdezewining chepeendegayunbun, dush ween mesuhwah neezhenoomahguk enewh keninjeen gamuh neezhenoomahguk kekaudun cheähpuggenegooyunbun emuh kahgega‐ishkootang.
9Keshpin suh mujje‐doodahgooyun ewh keshkinzhik, kejepetoon suh, ningooje dush ahpuggedun; ahwahshema tahoonesheshin chepazhikwungebun ewh keshkinzhik, emuh dush bemahdezewining chepeendegayunbun, mesuhwah neezhenoomahguk enewh keshkinzhegoon emuh dush mujje‐ishkootang ahpuggenegooyunbun.
10Aungwahmezeyook suh cheneshebahpenoodahwahsewag pazhik oogoo agahsheëjig; oo‐oo muh kedenenim, Ewede keche‐kezhegoong oodangenemewaun ahpena oowahbundahnahwah oodangwy owh Noos keche‐kezhegoong ayaud.
11Ewh muh kepeoönjeëzhah owh Enene oogwissun chebemajetood ewh kahwuhnishingebun.
12Ahneen ananduhmag? keshpin ahweyah enene tebanemaud ningoodwauk enewh mahneshtahneshun, pashik dush wuhneshenenid, kah nuh ween oonuhguhnahseen enewh shaunguhswe‐meduhnuh ahshe shaunguhswe, cheähwe‐oondoonawahpun dush emuh wahjewing enewh kahwuhneshenejin?
13Keshpin dush mekahwaud, kagate kedenenim, ahwahshema suh moojegeze oonje enewh pazhik, enewh dush ween shaunguhswemeduhnuh ahshe shaunguhswe kahwuhneshinsenegoon.
14Mesuh ewh nahsaub, kahween enanduhse owh Koosewah keche‐kezhegoong ayaud, pazhik oonoo agahsheënejin chebahnahdezenid.
15Keshpin dush kejekewa mujje‐doodook, ezhaun ahweweenduhmow oomujje‐doodahgawin, kenuhwah atuh nezheyag: keshpin bezindook, mesuh kekushkeüd owh kejekewa.
16Keshpin dush webezindoosenook, kegahweejewah pazhik gamuh neezhpakahnezejig, emuh oodoonewaung neezh gamuh neswe dabahjemoojig kuhkenuh enewh ekedoowinun cheoohjeminjemoosechegahdag.
17Keshpin dush webezindahwahsig, weenduhmow egewh anuhmeähjig mahyahwunjeëdejig; keshpin webezindahwahsig enewh anuhmeähnejin mahyahwunjeëdenejin, Gentile‐weneneeng kuhya mahwunjechega‐weneneeng kegahuhyenanemah.
18Kagate kedenenim, Wagoodoogwan kaminjemah-pedoowagwan edush oomuh uhkeeng tahminjemahpejegahda ewede keche‐kezhegoong; Wagoodoogwan edush kaähbahahmoowagwan oomuh uhkeeng tahahbahegahda ewede keche‐kezhegoong.
19Menuhwah kedenenim, Keshpin neezheyag, nuhyanzh dush goo mahmahwe enanduhmag oomuh uhkeeng wagoodoogwan kanundooduhmoowagwan, mesuh kadoodoonag ewh Noos keche‐kezhegoong ayaud.
20Tebe muh anduhzhe‐mahoonjeëdewahgwan neezh gamuh neswe emuh nindezhenekahzoowining, mesuh goo emuh nanahwuhyuheëe ahyahyaun.
21Medush kepenaunzekahwaud owh Peter, oo‐oo keënaud, Tabaningayun, ahneen duhcheeng maje‐doodahwejin nejekewa kaähbwayanemugebun? nahnauzh nuh goo neezhwahching?
22Jesus oo‐oo oodenaun, Kahween kedenesenoon, Nahnauzh neezhwahcheeng; Nahnauzh suh goo neshwahswe meduhnuh duhcheeng neshwahswe.
23Mesuh dush wanje‐enandahgwuk ewh keche‐kezhegoong oogemahwewin debishkoo pazhik keche‐oogemah, nanduhwanemaud enewh oobuhmeetuhgunun chetebahahmahgood.
24Uhpe dush mahyahje‐ahgindahsood, kepetuhmahwah pazhik, metahching metauswauk talentun mazenuhahmahgoojin.
25Kuhnuhga gagoo ahyaunsig ewh chekezhekahwahpun, keëkedoowun suh oodoogemahmun cheähtahwamind ewh weyow, kuhya wewun, kuhya oonejahnesun, kuhya kuhkenuh ooduhyeemun, chekezhekahzoopun.
26Owh dush buhmeetahgun keähpuggezood, kuhya keshahgushketahwaud, oo‐oo keëkedood, Nindoogemaum, mahnoo peäwuhganemeshin, kuhkenuh dush kegahtakezhekoon.
27Medush owh buhmeetahgun keketemahganemegood enewh oodoogemahmun, kepuggedenegood dush, kuhya kewabenemahgood oomuhzenuhegawin.
28Kesahgahum dush owh buhmeetahgun, kemekahwaud pazhik weejebuhmeetahgunun, ningoodwauk shooneäunsun mazinuhahmahgoojin: oogetuhkoonaun dush enewh, kuhya kesuggegoondahgunanaud, oo‐oo dush keëkedood, Tebahahmahweshin keshpin kagoo muhzenuhahmahweyun.
29Weejebuhmeetuhgunun keäpuggezoowun emuh oosittaung, oogepahgoosanemegoon dush, oo‐oo keëkedoonid, Peäwuhganemeshin, kuhkenuh dush kegahtakezhekoon.
30Kahween dush oogedabwatahwahseen: oogeähwepeendega‐wabenaun emuh kebahquahoode‐weguhmigoong, nahnauzh suh chekezhekung ewh muhzenuhahmahgawin.
31Uhpe dush weejebuhmeetahgunun kahwahbunduhmenid ewh kahezhechegad, kekeche‐kushkanduhmoon, keëzhahwaud dush oodoogemahmewaun, keweenduhmahwahwaud dush kuhkenuh uhyezhecheganid.
32Medush oodoogemahmun uhpe kahnundoomegood, oo‐oo keëgood, Kakebahdezeyun bameetahguneweyun, kegewabenuhmoon suh kuhkenuh ewh muzzeneëgawin, oonje kepahgoosanemeyun:
33Kah nuh dush kuhya keen kedahgeëzheketemahganemahse keejebuhmeetahgun, debishkoo kuhya neen kahezheketemahganemenaun?
34Kenishkahdezewun dush oodoogemahmun, keähpuggenegood dush emuh ahyahnid enewh quatuggeëwanejin, nahnauzh chekezhekahgood kuhkenuh ewh menik mazenuhahmahgood.
35Mesuh kuhya nahsaub kadoodoonag owh Noos kezhe‐kezhegoong ayaud, kishpin suh emuh kedaëwaung kuhkenuh wabenuhmahwahsewagwah egewh kejekewaëwaug ewh menik kemujje‐doodoonagwah.
Currently Selected:
St Matthew 18: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
St Matthew 18
18
1Medush goo ewh uhpe kepenaunzekahwahwaud egewh kekenooahmahgunug enewh Jesusun oo‐oo ekedoowaud, Ahwanan owh kache‐ahpetandahgoozid emuh keche‐kezhegoong oonje oogemahwewining.
2Jesus dush oogenundoomaun pazhig agahsheënejin ahbenoojeün, keähsaud emuh ahyahnid.
3Oo‐oo dush keëkedoo, Kagate kedenenim, Keshpin aunjeëgoosewag, kuhya ahbenoojeëeng ezhewabezesewag, kahween kegahpeendegaseem emuh keche‐kezhegoong oonje oogemahwewining.
4Ahwagwan dush kaëzhedahbussanemoogwan azhedahbusanemood wah‐owh ahbenooje, me suh owh kache‐ahpetandahgoozid emuh keche‐kezhegoong oonje oogemahwewining.
5Ahwagwan dush wadapenahgwan pazhik oonoo denoowun ahbenoojeün emuh nindezhenekahzoowining nindoodahpenik suh.
6Ahwagwan dush kamujje‐doodahwahgwan pazhik oonoo agahsheënejin duhyabwayanemenejin, ahwahshema tahgeöonesheshinene pootahgune‐ahsineen cheähgoonemindebun, cheähpuggenind dush emuh akoo‐demeeg ewh kechegummee.
7Kahgwahnesuhguhkumig suh ewh uhkee oonje mujje‐doodahgawinun! pooch mahween tahtuhgwishenoomahgudoon mujje‐doodahgawinun; kahgwahnesuggeze suh owh enene kaöonjeemahgudenegwan ewh mujje‐doodahgawin!
8Benuh suh, keshpin ewh keneenj gamuh ewh kesit mujje‐doodahgooyun, kishkezhun suh enewh, ningooje dush ahpuggedun; ahwahshema suh tahoonesheshin chemahkiskahyunbun, gamuh chemahmaunjegooseyunbun, emuh bemahdezewining chepeendegayunbun, dush ween mesuhwah neezhenoomahguk enewh keninjeen gamuh neezhenoomahguk kekaudun cheähpuggenegooyunbun emuh kahgega‐ishkootang.
9Keshpin suh mujje‐doodahgooyun ewh keshkinzhik, kejepetoon suh, ningooje dush ahpuggedun; ahwahshema tahoonesheshin chepazhikwungebun ewh keshkinzhik, emuh dush bemahdezewining chepeendegayunbun, mesuhwah neezhenoomahguk enewh keshkinzhegoon emuh dush mujje‐ishkootang ahpuggenegooyunbun.
10Aungwahmezeyook suh cheneshebahpenoodahwahsewag pazhik oogoo agahsheëjig; oo‐oo muh kedenenim, Ewede keche‐kezhegoong oodangenemewaun ahpena oowahbundahnahwah oodangwy owh Noos keche‐kezhegoong ayaud.
11Ewh muh kepeoönjeëzhah owh Enene oogwissun chebemajetood ewh kahwuhnishingebun.
12Ahneen ananduhmag? keshpin ahweyah enene tebanemaud ningoodwauk enewh mahneshtahneshun, pashik dush wuhneshenenid, kah nuh ween oonuhguhnahseen enewh shaunguhswe‐meduhnuh ahshe shaunguhswe, cheähwe‐oondoonawahpun dush emuh wahjewing enewh kahwuhneshenejin?
13Keshpin dush mekahwaud, kagate kedenenim, ahwahshema suh moojegeze oonje enewh pazhik, enewh dush ween shaunguhswemeduhnuh ahshe shaunguhswe kahwuhneshinsenegoon.
14Mesuh ewh nahsaub, kahween enanduhse owh Koosewah keche‐kezhegoong ayaud, pazhik oonoo agahsheënejin chebahnahdezenid.
15Keshpin dush kejekewa mujje‐doodook, ezhaun ahweweenduhmow oomujje‐doodahgawin, kenuhwah atuh nezheyag: keshpin bezindook, mesuh kekushkeüd owh kejekewa.
16Keshpin dush webezindoosenook, kegahweejewah pazhik gamuh neezhpakahnezejig, emuh oodoonewaung neezh gamuh neswe dabahjemoojig kuhkenuh enewh ekedoowinun cheoohjeminjemoosechegahdag.
17Keshpin dush webezindahwahsig, weenduhmow egewh anuhmeähjig mahyahwunjeëdejig; keshpin webezindahwahsig enewh anuhmeähnejin mahyahwunjeëdenejin, Gentile‐weneneeng kuhya mahwunjechega‐weneneeng kegahuhyenanemah.
18Kagate kedenenim, Wagoodoogwan kaminjemah-pedoowagwan edush oomuh uhkeeng tahminjemahpejegahda ewede keche‐kezhegoong; Wagoodoogwan edush kaähbahahmoowagwan oomuh uhkeeng tahahbahegahda ewede keche‐kezhegoong.
19Menuhwah kedenenim, Keshpin neezheyag, nuhyanzh dush goo mahmahwe enanduhmag oomuh uhkeeng wagoodoogwan kanundooduhmoowagwan, mesuh kadoodoonag ewh Noos keche‐kezhegoong ayaud.
20Tebe muh anduhzhe‐mahoonjeëdewahgwan neezh gamuh neswe emuh nindezhenekahzoowining, mesuh goo emuh nanahwuhyuheëe ahyahyaun.
21Medush kepenaunzekahwaud owh Peter, oo‐oo keënaud, Tabaningayun, ahneen duhcheeng maje‐doodahwejin nejekewa kaähbwayanemugebun? nahnauzh nuh goo neezhwahching?
22Jesus oo‐oo oodenaun, Kahween kedenesenoon, Nahnauzh neezhwahcheeng; Nahnauzh suh goo neshwahswe meduhnuh duhcheeng neshwahswe.
23Mesuh dush wanje‐enandahgwuk ewh keche‐kezhegoong oogemahwewin debishkoo pazhik keche‐oogemah, nanduhwanemaud enewh oobuhmeetuhgunun chetebahahmahgood.
24Uhpe dush mahyahje‐ahgindahsood, kepetuhmahwah pazhik, metahching metauswauk talentun mazenuhahmahgoojin.
25Kuhnuhga gagoo ahyaunsig ewh chekezhekahwahpun, keëkedoowun suh oodoogemahmun cheähtahwamind ewh weyow, kuhya wewun, kuhya oonejahnesun, kuhya kuhkenuh ooduhyeemun, chekezhekahzoopun.
26Owh dush buhmeetahgun keähpuggezood, kuhya keshahgushketahwaud, oo‐oo keëkedood, Nindoogemaum, mahnoo peäwuhganemeshin, kuhkenuh dush kegahtakezhekoon.
27Medush owh buhmeetahgun keketemahganemegood enewh oodoogemahmun, kepuggedenegood dush, kuhya kewabenemahgood oomuhzenuhegawin.
28Kesahgahum dush owh buhmeetahgun, kemekahwaud pazhik weejebuhmeetahgunun, ningoodwauk shooneäunsun mazinuhahmahgoojin: oogetuhkoonaun dush enewh, kuhya kesuggegoondahgunanaud, oo‐oo dush keëkedood, Tebahahmahweshin keshpin kagoo muhzenuhahmahweyun.
29Weejebuhmeetuhgunun keäpuggezoowun emuh oosittaung, oogepahgoosanemegoon dush, oo‐oo keëkedoonid, Peäwuhganemeshin, kuhkenuh dush kegahtakezhekoon.
30Kahween dush oogedabwatahwahseen: oogeähwepeendega‐wabenaun emuh kebahquahoode‐weguhmigoong, nahnauzh suh chekezhekung ewh muhzenuhahmahgawin.
31Uhpe dush weejebuhmeetahgunun kahwahbunduhmenid ewh kahezhechegad, kekeche‐kushkanduhmoon, keëzhahwaud dush oodoogemahmewaun, keweenduhmahwahwaud dush kuhkenuh uhyezhecheganid.
32Medush oodoogemahmun uhpe kahnundoomegood, oo‐oo keëgood, Kakebahdezeyun bameetahguneweyun, kegewabenuhmoon suh kuhkenuh ewh muzzeneëgawin, oonje kepahgoosanemeyun:
33Kah nuh dush kuhya keen kedahgeëzheketemahganemahse keejebuhmeetahgun, debishkoo kuhya neen kahezheketemahganemenaun?
34Kenishkahdezewun dush oodoogemahmun, keähpuggenegood dush emuh ahyahnid enewh quatuggeëwanejin, nahnauzh chekezhekahgood kuhkenuh ewh menik mazenuhahmahgood.
35Mesuh kuhya nahsaub kadoodoonag owh Noos kezhe‐kezhegoong ayaud, kishpin suh emuh kedaëwaung kuhkenuh wabenuhmahwahsewagwah egewh kejekewaëwaug ewh menik kemujje‐doodoonagwah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.