St Matthew 17
17
1Uhpe dush kahningoodwahsoo‐kezheguk Jesus oogemahjewenaun enewh Peterun kuhya enewh Jamesun kuhya enewh Johnun wejekewayene, kuhya dush oogeëzhewenaun emuh keche‐wahjewing chenezhekawezewaud,
2Me dush emuh enahsuhmenid kequak‐ezhenahgoozeäh: kezisoong dush keëzhewahsayeengwa, ewh dush oodahgwewin wahsayaung keëzhewahbishkahne.
3Benuh dush, oogewahbuhmahwaun enewh Mosesun kuhya enewh Eliasun guhnoonegood.
4Peter dush oogenuhquatuhwaun oo‐oo këenaud enewh Jesusun, Tabanengayun, oonesheshin oomuh duhnezeyung, keshpin enanduhmun, ningahoozhetoomin oomah neswe wegewaumun; keen pazhik, Moses kuhya pazhik, kuhya owh Elias pazhik.
5Magwah dush kayahbe kekedood, benuh waysayahnuhquud oogeähgahwahtashkahgoonahwah: Benuh dush emuh ahnuhquuhdoong keöonjebahmahgud ewh ahnemetahgoozewin oo‐oo keëkedoomahguk, Mesuh wahowh ningwis kache‐sahgeüg, mesuh manwanemug; bezendahwik suh.
6Uhpe dush egewh kekenooähmahgunug kahnoonduhmoowaud, kekahwesawug, kekeche‐sagezewug dush.
7Jesus dush oogepetaungenaun oo‐oo keëkedood, Oonishkahyook, kuhya kagoo sagezekagoon.
8Kahoombeshkinzhegwanewaud dush, kahween ahweyah oogewahbuhmahsewaun, me atuh Jesusun.
9Magwah dush penesahkewawaud oonje wahjewing, Jesus oogeäungwahmemaun oo‐oo ekedood, Kagoo ahweyah weenduhmahwahkagoon kahwahbunduhmag, nahnauzh egoo keähbejebaud owh Enene oogwissun.
10Ookekenooähmahgun dush oogeguhgwajemegoon oo‐oo keëkedoonid, Ahneshwin dush ekedoowaud egewh oozhebeëga‐wenenewug, Elias netum tahpetuhgwishin?
11Jesus dush oogenuhquatuhwaun oo‐oo keënaud, Kagate suh netum petuhgweshin owh Elias, kuhkenuh ahnooj gagoo chequuhyukesetood.
12Kedenenim suh, Ahzhe kepetuhgwishin owh Elias, kah dush oogenesittahwenahwahsewahwaun, ananduhmoowaud dush goo oogedoodahwahwaun. Mesuh kuhya nahsaub owh Enene oogwissun kaëzhekooduggeëgood.
13Me dush kenesittootuhmoowaud egewh kekenooähmahgunug ewh duhzhemaud enewh John Baptizooëwawenenewun.
14Uhpe dush kahtuhgwishenoowaud emuh ahyahnid enewh ahneshenahban, oogepenaunzekahgoon pazhig enenewun, keoöjecheengwunetahgood.
15Oo‐oo ekedoonid, Tabaningayun ketemahganim owh ningwis: kewuhnahdeze suh, kuhya keche‐kooduggandum; nuhningim dush emuh ishkootang ahpungeshin, kuhya nuhningim emuh nebeeng.
16Ningepetuhmahwaug dush egewh kekekenooähmahgunug, kah dush oogekushkeähsewaun wenoojemooahwaud.
17Jesus dush oogenuhquatuhwaun oo‐oo keëkedood, Oh kenuhwah duhyabwayanduhsewag kuhya natah‐kuhgaunzetuhmag bamahdezeyag, ahneen menik kawejewenuhgoog? ahneen menik kabuhbemeweduhmoonenuhgoog? petuhmahweshig suh owh.
18Jesus dush oogenuhnebekemaun enewh mujje‐muhnedoon; medush goo kahezhesahguhumenid: kuhya dush owh quewezans ewh uhpe kenoojemooïnd.
19Egewh dush kekenooähmahgunug oogepenaunzekahwahwaun enewh Jesusun kenezhekawezenid, oo‐oo dush keënahwaud, Ahneshwin nenuhwind kekushkeähsewungid chesahgeje‐wabenungid?
20Jesus dush oo‐oo oogeënaun, Me suh ewh dabwayanduhsewag: kagate suh kedenenim, Keshpin ahyahmag dabwayanduhmoowin debishkoo anegookoomenahguk ewh oozahwunushke‐menekaun, kegahedahnahwah oo‐oo wahjewh, Oomah oonjemahjaun kuhya ewede ezhaun; tahezhahmahgud dush, kah dush gagoo kedahpwahnuhwetoosenahwah.
21Wah‐owh suh doowah kahween puhkaun tahoonje mahjahse me atuh ahnuhmeäung kuhya puhkuddaëdezoong
22Magwah dush duhnezewaud emuh Galileenaung, Jesus oo‐oo oogeënaun, Owh suh Eneneoogwissun tahpuggedenah emuh ooneenjening enewh enenewun:
23Oogahnesegoon dush, kuhya nasoogoonahguk tahahbejebahah. Kekeche‐kushkanduhmoog dush.
24Uhpe dush kahtuhgwishenoowaud emuh Capernauming, egewh kahoodahpenungig ewh oogemah‐shooneyah oogepenaunzekahwahwaun enewh Peterun oo‐oo keënahwaud, Kah nuh ween owh kakenooahmoonag tebahahmahgase ewh oogemah‐shooneyah?
25Oo‐oo dush ekedoo, Aahe! Uhpe dush kahpeendegad emuh wegewauming, netum oogeguhnoonegoon enewh Jesusun, oo‐oo keëkedoonid, Ahneen ananduhmun Simon? ahwananun egewh uhkeeng duhzhe oogemaug tabahahmahgoowaud ewh oogemah‐shooneyah? enewh nuh tebenuhwa oonejahnesewaun, gamuh mayuggezenejin?
26Peter dush oo‐oo oodenaun, Enewh suh mayuggezenejin. Jesus dush oo‐oo oodenaun, Benuh dush ween kahween nundahwandahgoozesewug egewh wanejahnesemindjig chetebahahmahgawaud.
27Nindahwauj dush goo, chenishkeähsewungwah, ezhaun emah kechegummeeng, bahkoobe‐wabenun ewh megishkun, oodahpin dush owh gegoo netum kamookebeed; Uhpe dush kepahkedoonabenud, kegahmekahwah owh shooneäh; Oodahpin dush, meezh egewh, mesuh keen kuhya neen tebahuhmahgayung.
Currently Selected:
St Matthew 17: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
St Matthew 17
17
1Uhpe dush kahningoodwahsoo‐kezheguk Jesus oogemahjewenaun enewh Peterun kuhya enewh Jamesun kuhya enewh Johnun wejekewayene, kuhya dush oogeëzhewenaun emuh keche‐wahjewing chenezhekawezewaud,
2Me dush emuh enahsuhmenid kequak‐ezhenahgoozeäh: kezisoong dush keëzhewahsayeengwa, ewh dush oodahgwewin wahsayaung keëzhewahbishkahne.
3Benuh dush, oogewahbuhmahwaun enewh Mosesun kuhya enewh Eliasun guhnoonegood.
4Peter dush oogenuhquatuhwaun oo‐oo këenaud enewh Jesusun, Tabanengayun, oonesheshin oomuh duhnezeyung, keshpin enanduhmun, ningahoozhetoomin oomah neswe wegewaumun; keen pazhik, Moses kuhya pazhik, kuhya owh Elias pazhik.
5Magwah dush kayahbe kekedood, benuh waysayahnuhquud oogeähgahwahtashkahgoonahwah: Benuh dush emuh ahnuhquuhdoong keöonjebahmahgud ewh ahnemetahgoozewin oo‐oo keëkedoomahguk, Mesuh wahowh ningwis kache‐sahgeüg, mesuh manwanemug; bezendahwik suh.
6Uhpe dush egewh kekenooähmahgunug kahnoonduhmoowaud, kekahwesawug, kekeche‐sagezewug dush.
7Jesus dush oogepetaungenaun oo‐oo keëkedood, Oonishkahyook, kuhya kagoo sagezekagoon.
8Kahoombeshkinzhegwanewaud dush, kahween ahweyah oogewahbuhmahsewaun, me atuh Jesusun.
9Magwah dush penesahkewawaud oonje wahjewing, Jesus oogeäungwahmemaun oo‐oo ekedood, Kagoo ahweyah weenduhmahwahkagoon kahwahbunduhmag, nahnauzh egoo keähbejebaud owh Enene oogwissun.
10Ookekenooähmahgun dush oogeguhgwajemegoon oo‐oo keëkedoonid, Ahneshwin dush ekedoowaud egewh oozhebeëga‐wenenewug, Elias netum tahpetuhgwishin?
11Jesus dush oogenuhquatuhwaun oo‐oo keënaud, Kagate suh netum petuhgweshin owh Elias, kuhkenuh ahnooj gagoo chequuhyukesetood.
12Kedenenim suh, Ahzhe kepetuhgwishin owh Elias, kah dush oogenesittahwenahwahsewahwaun, ananduhmoowaud dush goo oogedoodahwahwaun. Mesuh kuhya nahsaub owh Enene oogwissun kaëzhekooduggeëgood.
13Me dush kenesittootuhmoowaud egewh kekenooähmahgunug ewh duhzhemaud enewh John Baptizooëwawenenewun.
14Uhpe dush kahtuhgwishenoowaud emuh ahyahnid enewh ahneshenahban, oogepenaunzekahgoon pazhig enenewun, keoöjecheengwunetahgood.
15Oo‐oo ekedoonid, Tabaningayun ketemahganim owh ningwis: kewuhnahdeze suh, kuhya keche‐kooduggandum; nuhningim dush emuh ishkootang ahpungeshin, kuhya nuhningim emuh nebeeng.
16Ningepetuhmahwaug dush egewh kekekenooähmahgunug, kah dush oogekushkeähsewaun wenoojemooahwaud.
17Jesus dush oogenuhquatuhwaun oo‐oo keëkedood, Oh kenuhwah duhyabwayanduhsewag kuhya natah‐kuhgaunzetuhmag bamahdezeyag, ahneen menik kawejewenuhgoog? ahneen menik kabuhbemeweduhmoonenuhgoog? petuhmahweshig suh owh.
18Jesus dush oogenuhnebekemaun enewh mujje‐muhnedoon; medush goo kahezhesahguhumenid: kuhya dush owh quewezans ewh uhpe kenoojemooïnd.
19Egewh dush kekenooähmahgunug oogepenaunzekahwahwaun enewh Jesusun kenezhekawezenid, oo‐oo dush keënahwaud, Ahneshwin nenuhwind kekushkeähsewungid chesahgeje‐wabenungid?
20Jesus dush oo‐oo oogeënaun, Me suh ewh dabwayanduhsewag: kagate suh kedenenim, Keshpin ahyahmag dabwayanduhmoowin debishkoo anegookoomenahguk ewh oozahwunushke‐menekaun, kegahedahnahwah oo‐oo wahjewh, Oomah oonjemahjaun kuhya ewede ezhaun; tahezhahmahgud dush, kah dush gagoo kedahpwahnuhwetoosenahwah.
21Wah‐owh suh doowah kahween puhkaun tahoonje mahjahse me atuh ahnuhmeäung kuhya puhkuddaëdezoong
22Magwah dush duhnezewaud emuh Galileenaung, Jesus oo‐oo oogeënaun, Owh suh Eneneoogwissun tahpuggedenah emuh ooneenjening enewh enenewun:
23Oogahnesegoon dush, kuhya nasoogoonahguk tahahbejebahah. Kekeche‐kushkanduhmoog dush.
24Uhpe dush kahtuhgwishenoowaud emuh Capernauming, egewh kahoodahpenungig ewh oogemah‐shooneyah oogepenaunzekahwahwaun enewh Peterun oo‐oo keënahwaud, Kah nuh ween owh kakenooahmoonag tebahahmahgase ewh oogemah‐shooneyah?
25Oo‐oo dush ekedoo, Aahe! Uhpe dush kahpeendegad emuh wegewauming, netum oogeguhnoonegoon enewh Jesusun, oo‐oo keëkedoonid, Ahneen ananduhmun Simon? ahwananun egewh uhkeeng duhzhe oogemaug tabahahmahgoowaud ewh oogemah‐shooneyah? enewh nuh tebenuhwa oonejahnesewaun, gamuh mayuggezenejin?
26Peter dush oo‐oo oodenaun, Enewh suh mayuggezenejin. Jesus dush oo‐oo oodenaun, Benuh dush ween kahween nundahwandahgoozesewug egewh wanejahnesemindjig chetebahahmahgawaud.
27Nindahwauj dush goo, chenishkeähsewungwah, ezhaun emah kechegummeeng, bahkoobe‐wabenun ewh megishkun, oodahpin dush owh gegoo netum kamookebeed; Uhpe dush kepahkedoonabenud, kegahmekahwah owh shooneäh; Oodahpin dush, meezh egewh, mesuh keen kuhya neen tebahuhmahgayung.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.