St Matthew 19
19
1Keëzhewabud dush uhpe Jesus kahishquah‐kekedood oonoo ekedoowinun, Galileenaung keöonjemahjah, kepeëzhah dush emuh enuhkakummig Judea ahgahme‐seebe ewh Jordan;
2Oogenoopenuhnegoon dush enewh kache‐ooquenoonejin ahneshenahban; medush ewede kenoojemooäud.
3Oogepenaunzekahgoon dush enewh Phariseen, kekuhgwatebanemegood, oo‐oo keënaud, Enahkoonegam nuh wahbenaud owh enene wewun ahnooj gagoo ezhechegawin oonje?
4Oogenuhquatuhwaun, oo‐oo keënaud, Kah nuh ween kegeähginduhsenahwah, owh wuhyashkud kahoozheäud oogeoozheäun enewh enenewun kuhya enewh equawun.
5Oo‐oo dush keëkedood, Mesuh owh enene kaöonje-nuhguhnaud enewh oosun kuhya enewh oogeen, oogahminjemenaun dush enewh wewun: ahnoo dush neezhewaud tahpazhikwunene weyausewah?
6Kahween kayahbe neezhesewug, pazkikwunene suh weyausewah. Ewh dush Kesha‐Muhnedoo kahmahmahwetood, kahween enene oogahpuhkawenunseen.
7Oo‐oo dush oodenahwaun, Ahnishwin dush Moses kahoonjeënahkoonegad, equa chemeenind ewh wabenedewine‐muzzeneëgun, chewabenind dush?
8Oo‐oo dush odenaun, Mushkahwaug kedaëwah mesuh ewh Moses kahoonjepuhgedenuhmoonag chewabenagwah kewedegamahgunewaug: kah suh ween wuhyashkud oo‐oo keëzhewabuhsenoon.
9Kedenenim suh, Ahwagwan kawabenahgwan enewh wewun pazhigwahdezesenegoon, wedegamaud dush bakahnezenejin, pezhigwahdeze suh goo: Ahwagwan dush kawadegamahgwan enewh kahwabeneminjin pezhigwahdeze suh.
10Oo‐oo dush ooneëgoon enewh ookekenooahmahgunun, Keshpin oo‐oo ezhewabudenig oowedegandewinewaun owh enene kuhya enewh wewun, kahween oonesheshinsenoon ewh wewid.
11Oo‐oo dush oogeënaun, Kahween kuhkenuh oodoodahpenunsenahwah oo‐oo ekedoowin, egewh suh atuh mahnindjig.
12Ahyahwug suh ayaqua‐wenenewug, kahezhenegeëgoojig oogeewaun: Ahnind dush ayaqua‐wenenewug, oogeëzheoozheëgoowaun enewh enenewun; kuhya ahnind ayaqua‐wenenewug keëzheoozheëdezoowug, keche‐kezhegoong duhzhe oogemahwewin oonje. Owh kashketood cheoodahpenung, mahnoo oogahoodahpenaun.
13Medush kepetuhmuhwind enewh agahshenejin ahbenoojeün, cheahtoowaud enewh ooninjeen emuh ooweyowening, kuhya cheähnuhmeätuhmahwaud; egewh dush kekenooähmahgunug oogeöonjeähwaun enewh.
14Oo‐oo dush keëkedood owh Jesus, Mahnoo ningahpenaunzekahgoog egewh agahsheëjig ahbenoojeüg, kagoo oonjeähkagoon, me muh oogoo denoowug emuh keche‐kezhegoong duhzhe oogemahwewining ayahjig.
15Oogeähtoowaun ooninjeen emuh weyowening, ewede dush keöonjemahjah.
16Benuh dush, pazhik oogepenaunzekahgoon oo‐oo keëgood, Manoo‐ezhewabezeyun kakenooähmahgayun, wagoonan menoo‐ezhechegawin kaëzhechegayaun, cheöonjeahyahmaun ewh kahgega‐bemahdezewin?
17Oo‐oo dush oogeënaun, Ahnishwin Manoo‐ezhewabezeyun ezheyun? kahween ahweyah menoo‐ezhewabezese, me atuh Kesha‐Muhnedoo: Keshpin nunduhwanduhmoowunan chepeendegayun emuh bemahdezewining, guhnuhwandun enewh kuhgequawinun.
18Oo‐oo dush oodegoon, Ahneen enewh? Jesus dush oo‐oo oogeënaun, Kahween kegahneshewase, Kahween kegahpezhigwahdezese, Kahween kegahkeemoodese, Kahween kegahkenuhwishke‐bahtahewase.
19Kechetwahwanim koos kuhya keguh; kuhya, Kegahezhesahgeäh keej‐duhnuhkewamahgun debishkoo goo azhesahgeëdezooyun.
20Oo‐oo dush oogeëgoon enewh ooshkenahwan, Kuhkenuh oonoo ningeguhnuhwandaunun pahahkoo‐ooshkenegesheweyaun: Wagoonash kayahbe nwaundasayaun?
21Jesus dush oo‐oo oogeënaun, Keshpin nunduhwanduhmun chekeche‐quuhyuk‐wahdezeyunbun, mahjaun ahweähtahwahgan enewh ketebenuhwawezewinun, meezh dush egewh katemahgezejig, kegahahyaun dush tebenuhwawezewin emuh keche‐kezhegoong; penoopenuhzheshin dush.
22Uhpe dush owh ooshkenuhwa kahnoondung ewh ekedoowin, kemahjah keche‐kushkandung: kebahtuhyenuhdenewun muh ootebenuhwawezewinun.
23Jesus dush oo‐oo oogeënaun enewh ookekenooähmahgunun, Kagate kedenenim, ahgahwah tahpeendega owh kache‐tebenuhwawezid enene emuh keche‐kezhegoong duhzhe oogemahwewining.
24Menuhwah dush oo‐oo kedenenim, Nahwuj wanepunud owh pagwahwegung cheshahbooweed emuh pahgoon-ayahnig ewh shahboonegun, owh dush ween kache‐tebenuhwawezid enene chepeendegapun emuh oodoogemahwewining owh Kesha‐Muhnedoo.
25Uhpe dush kahnoonduhmenid enewh ookekenooähmahgunun, kekeche‐mahmahkahdanduhmoon, oo‐oo keëkedoonid, Ahwanan dush kabemajeïnd?
26Jesus dush oogeguhnuhwahbuhmaun, oo‐oo keënaud, Egewh enenewug kahween oodahgekushketoosenahwah; Kesha‐Muhnedoo dush ween kah gagoo oopwahnuhwetooseen.
27Medush Peter kenuhquatuhwaud, oo‐oo keënaud, Benuh, nenuhwind ningenuhguhdahnaunin kuhkenuh gagoo, chenoopenuhnegooyun; ahneen dush kadoodahgooyaung?
28Jesus dush oo‐oo oogeënaun, Kagate kedenenim, kenuhwah kahnoopenuhzheyag, emuh aunj‐bemahdezewining, uhpe kawuhwanuhbid owh Enene oogwissun emuh pazhegandahgwudenig oodoogemahwewin, kuhya kenuhwah kegahnuhmuhduhbim emuh metahswe‐ahshe‐neezh oogemahwuhbewining, chetebahkoonagwah egewh metahswe‐ahshe‐neezh anduhswayuggezejig Israelitug.
29Menik dush egewh kahnuhguhdungig enewh oowegewaumewaun, gamuh enewh wejekewaëwaun, gamuh enewh oodahwamahwaun, gamuh enewh oosewaun, gamuh enewh oogewaun, gamuh kuhya goo enewh wewewaun, gamuh kuhya goo enewh oonejahnesewaun, gamuh kuhya goo ooduhkeemewaun, oonje ewh nindezhenekahzoowin, ningoodwauk suh dush mashquaud menik oogahoodahpenahnahwah, kuhya dush goo tahmeenahwug ewh kahgega‐bemahdezewin
30Nebewah dush ween goo egewh nahgaunandahgoozejig taheshquayandahgoozewug; kuhya dush egewh ashquayandahgoozejig tahnegaunandahgoozewug.
Currently Selected:
St Matthew 19: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
St Matthew 19
19
1Keëzhewabud dush uhpe Jesus kahishquah‐kekedood oonoo ekedoowinun, Galileenaung keöonjemahjah, kepeëzhah dush emuh enuhkakummig Judea ahgahme‐seebe ewh Jordan;
2Oogenoopenuhnegoon dush enewh kache‐ooquenoonejin ahneshenahban; medush ewede kenoojemooäud.
3Oogepenaunzekahgoon dush enewh Phariseen, kekuhgwatebanemegood, oo‐oo keënaud, Enahkoonegam nuh wahbenaud owh enene wewun ahnooj gagoo ezhechegawin oonje?
4Oogenuhquatuhwaun, oo‐oo keënaud, Kah nuh ween kegeähginduhsenahwah, owh wuhyashkud kahoozheäud oogeoozheäun enewh enenewun kuhya enewh equawun.
5Oo‐oo dush keëkedood, Mesuh owh enene kaöonje-nuhguhnaud enewh oosun kuhya enewh oogeen, oogahminjemenaun dush enewh wewun: ahnoo dush neezhewaud tahpazhikwunene weyausewah?
6Kahween kayahbe neezhesewug, pazkikwunene suh weyausewah. Ewh dush Kesha‐Muhnedoo kahmahmahwetood, kahween enene oogahpuhkawenunseen.
7Oo‐oo dush oodenahwaun, Ahnishwin dush Moses kahoonjeënahkoonegad, equa chemeenind ewh wabenedewine‐muzzeneëgun, chewabenind dush?
8Oo‐oo dush odenaun, Mushkahwaug kedaëwah mesuh ewh Moses kahoonjepuhgedenuhmoonag chewabenagwah kewedegamahgunewaug: kah suh ween wuhyashkud oo‐oo keëzhewabuhsenoon.
9Kedenenim suh, Ahwagwan kawabenahgwan enewh wewun pazhigwahdezesenegoon, wedegamaud dush bakahnezenejin, pezhigwahdeze suh goo: Ahwagwan dush kawadegamahgwan enewh kahwabeneminjin pezhigwahdeze suh.
10Oo‐oo dush ooneëgoon enewh ookekenooahmahgunun, Keshpin oo‐oo ezhewabudenig oowedegandewinewaun owh enene kuhya enewh wewun, kahween oonesheshinsenoon ewh wewid.
11Oo‐oo dush oogeënaun, Kahween kuhkenuh oodoodahpenunsenahwah oo‐oo ekedoowin, egewh suh atuh mahnindjig.
12Ahyahwug suh ayaqua‐wenenewug, kahezhenegeëgoojig oogeewaun: Ahnind dush ayaqua‐wenenewug, oogeëzheoozheëgoowaun enewh enenewun; kuhya ahnind ayaqua‐wenenewug keëzheoozheëdezoowug, keche‐kezhegoong duhzhe oogemahwewin oonje. Owh kashketood cheoodahpenung, mahnoo oogahoodahpenaun.
13Medush kepetuhmuhwind enewh agahshenejin ahbenoojeün, cheahtoowaud enewh ooninjeen emuh ooweyowening, kuhya cheähnuhmeätuhmahwaud; egewh dush kekenooähmahgunug oogeöonjeähwaun enewh.
14Oo‐oo dush keëkedood owh Jesus, Mahnoo ningahpenaunzekahgoog egewh agahsheëjig ahbenoojeüg, kagoo oonjeähkagoon, me muh oogoo denoowug emuh keche‐kezhegoong duhzhe oogemahwewining ayahjig.
15Oogeähtoowaun ooninjeen emuh weyowening, ewede dush keöonjemahjah.
16Benuh dush, pazhik oogepenaunzekahgoon oo‐oo keëgood, Manoo‐ezhewabezeyun kakenooähmahgayun, wagoonan menoo‐ezhechegawin kaëzhechegayaun, cheöonjeahyahmaun ewh kahgega‐bemahdezewin?
17Oo‐oo dush oogeënaun, Ahnishwin Manoo‐ezhewabezeyun ezheyun? kahween ahweyah menoo‐ezhewabezese, me atuh Kesha‐Muhnedoo: Keshpin nunduhwanduhmoowunan chepeendegayun emuh bemahdezewining, guhnuhwandun enewh kuhgequawinun.
18Oo‐oo dush oodegoon, Ahneen enewh? Jesus dush oo‐oo oogeënaun, Kahween kegahneshewase, Kahween kegahpezhigwahdezese, Kahween kegahkeemoodese, Kahween kegahkenuhwishke‐bahtahewase.
19Kechetwahwanim koos kuhya keguh; kuhya, Kegahezhesahgeäh keej‐duhnuhkewamahgun debishkoo goo azhesahgeëdezooyun.
20Oo‐oo dush oogeëgoon enewh ooshkenahwan, Kuhkenuh oonoo ningeguhnuhwandaunun pahahkoo‐ooshkenegesheweyaun: Wagoonash kayahbe nwaundasayaun?
21Jesus dush oo‐oo oogeënaun, Keshpin nunduhwanduhmun chekeche‐quuhyuk‐wahdezeyunbun, mahjaun ahweähtahwahgan enewh ketebenuhwawezewinun, meezh dush egewh katemahgezejig, kegahahyaun dush tebenuhwawezewin emuh keche‐kezhegoong; penoopenuhzheshin dush.
22Uhpe dush owh ooshkenuhwa kahnoondung ewh ekedoowin, kemahjah keche‐kushkandung: kebahtuhyenuhdenewun muh ootebenuhwawezewinun.
23Jesus dush oo‐oo oogeënaun enewh ookekenooähmahgunun, Kagate kedenenim, ahgahwah tahpeendega owh kache‐tebenuhwawezid enene emuh keche‐kezhegoong duhzhe oogemahwewining.
24Menuhwah dush oo‐oo kedenenim, Nahwuj wanepunud owh pagwahwegung cheshahbooweed emuh pahgoon-ayahnig ewh shahboonegun, owh dush ween kache‐tebenuhwawezid enene chepeendegapun emuh oodoogemahwewining owh Kesha‐Muhnedoo.
25Uhpe dush kahnoonduhmenid enewh ookekenooähmahgunun, kekeche‐mahmahkahdanduhmoon, oo‐oo keëkedoonid, Ahwanan dush kabemajeïnd?
26Jesus dush oogeguhnuhwahbuhmaun, oo‐oo keënaud, Egewh enenewug kahween oodahgekushketoosenahwah; Kesha‐Muhnedoo dush ween kah gagoo oopwahnuhwetooseen.
27Medush Peter kenuhquatuhwaud, oo‐oo keënaud, Benuh, nenuhwind ningenuhguhdahnaunin kuhkenuh gagoo, chenoopenuhnegooyun; ahneen dush kadoodahgooyaung?
28Jesus dush oo‐oo oogeënaun, Kagate kedenenim, kenuhwah kahnoopenuhzheyag, emuh aunj‐bemahdezewining, uhpe kawuhwanuhbid owh Enene oogwissun emuh pazhegandahgwudenig oodoogemahwewin, kuhya kenuhwah kegahnuhmuhduhbim emuh metahswe‐ahshe‐neezh oogemahwuhbewining, chetebahkoonagwah egewh metahswe‐ahshe‐neezh anduhswayuggezejig Israelitug.
29Menik dush egewh kahnuhguhdungig enewh oowegewaumewaun, gamuh enewh wejekewaëwaun, gamuh enewh oodahwamahwaun, gamuh enewh oosewaun, gamuh enewh oogewaun, gamuh kuhya goo enewh wewewaun, gamuh kuhya goo enewh oonejahnesewaun, gamuh kuhya goo ooduhkeemewaun, oonje ewh nindezhenekahzoowin, ningoodwauk suh dush mashquaud menik oogahoodahpenahnahwah, kuhya dush goo tahmeenahwug ewh kahgega‐bemahdezewin
30Nebewah dush ween goo egewh nahgaunandahgoozejig taheshquayandahgoozewug; kuhya dush egewh ashquayandahgoozejig tahnegaunandahgoozewug.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.