St Matthew 13
13
1Me dush goo ewh kezheguk kesahguhung Jesus emuh wegewauming, kewuhwanuhbid emuh tetebawh kechegumme.
2Kepemahwunjedewun dush keche‐nebewah ahneshenahban emuh ayaud, nindahwauj dush kepooze emuh nahbequauning, kewuhwanuhbid dush; kuhkenuh dush mahyahmahwenoonejin kenebuhwewun emuh cheguhbeeg.
3Nebewah dush gagoo oogeënaun emuh ahwajeguning, oo‐oo keëkedood, Benuh, kesahgahum pazhik ketega‐wenene weähwesuhswawabenung ewh menekaun.
4Magwah dush suhswawabenengad, ahnind kepungesenene emuh mahyahwekunah, kepeëzhahwug dush egewh penasewug, kemoozhahgunduhmoowaud dush:
5Ahnind dush kepungesenene emuh ahsinekaung, gwach ahyahsenook ewh uhkee; bahbega dush kesahguhkewun, kah muh kepuhgukkummegahsenoon:
6Uhpe dush kahmookuhung owh kezis kechahgetawun; kah muh keöojebekahwunsenoon, medush kahezheneboodag.
7Ahnind dush kepungesenene emuh menasuhgahwunzhekaug; kepesahguhkewaud edush egewh menasahgahwunzheeg, oogenewoogindahnahwah dush.
8Ahnind dush kepungesenene emuh wanesheshing ewh uhkee, kemenewung dush, ahnind ningoodwauk menik ahwahshema keduhchin, ahnind ningoodwahswe‐meduhnuh, ahnind kuhya nesemeduhnuh.
9Ahwagwan watahwugahgwan chebezindung, mahnoo tahbezindum.
10Kepenaunzekahgood dush ookekenooahmahgunun, oo‐oo keëgood, Ahneshwin guhnoonudwah emuh ahwajeguning?
11Oogenuhquatuhwaun dush, oo‐oo keënaud, Kenuhwah gooshah, kemeenegoom chekekanduhmag enewh kechetwah‐kekanjegawinun emuh keche‐kezhegoong oonje oogemahwewining, wenuhwah dush kahween meenahsewug.
12Ahwagwan muh ayahmoogwan, mesuh owh kameenind, nahwuj dush nebewah oogahahyaun; ahwagwan dush ayaunsenegwan tahmuhkummah pooch ewh ahyaud.
13Mesuh wanjeguhnoonugwah emuh ahwajeguning: ahnoo muh enahbewaud kahween wahbesewug; kuhya ahnoo noonduhmoowaud kahween noonduhsewug, kah kuhya nesittootunsewug.
14Me dush oogoo azhewabezewaud wanjedebishkoosag ewh kahekedoopun owh Esaias aunwahjega‐wenene, oo‐oo keëkedood, Emuh noonduhmowining kegahnoondaum, kah dush kegahnesittootunseem; kuhya emuh enahbing kegahenahbem, kah dush kegahwahbeseem.
15Oogoo muh ahneshenahbag oodaëwaun keche‐wenenoomahgudenewun, ahgahwah noonduhmoog emuh ootahwuggahwaung, kuhya kebuhsungwahbewug, chewahbesigwah dush emuh ooshkinzhegoowaung, kuhya chenoonduhsigwah emuh ootahwuggahwaung, kuhya chenesettootunsigwah emuh oodaëwaung, chegeäunjeïndwahpun, neen dush chegenoojemooügwahpun.
16Shahwandahgwudoon suh kenuhwah keshkinzhegoowaun, ewh enahbemahguk, kuhya ketahwuggahwaun ewh noonduhmoomahguk.
17Kagate gooshah kedenenim, Nebewah aunwahjega‐wenenewug kuhya manoo‐ezhewabezejig oogenundahwandahnahwah chewahbunduhmoowaud enewh wuhyahbunduhmagoon, kah dush oogewahbundahsenahwaun; kuhya chenoonduhmoowaud enewh nwaunduhmagoon, kah dush oogenoonduhsenahwaun.
18Noonduhmook suh ewh ahwajegang owh suhswa‐wabenega‐wenene.
19Uhpe ahweyah nwaundung ewh oogemahwewine ekedoowin, nesettootunsig edush, medush peëzhahnid enewh mujjeähyuhahweshun, muhkuhmegood dush enewh kahketegahdanegebun emuh oodaïng. Mesuh owh kahsuhswawabenegahzood emuh mahyahwekunah.
20Owh dush kahsuhswawabenegahzood emuh ahsinekaung, mesuh owh nwaundung ewh ekedoowin, bahbega dush moojegandung oodoodahpenaun;
21Kah dush goo oojebekahwese, wanebik atuh aunwahje; uhpe dush puhgummeähyahnig ewh ketemahgezewin kuhya kooduggeëgoowin ewh ekedoowin oonje, bahbega pukkittashin.
22Owh dush kahsuhswawabenegahzood emuh magwa‐menasahgahwunzhekaug mesuh owh nwaundung ewh ekedoowin, oonzaumandung maunduh uhkee, kuhya ewh azhewuhyazhingamahguk ewh wahnuhdezewin oonje bahquanishkoojechegahda ewh ekedoowin, kah dush menewese.
23Owh suh dush kahsuhswawabenegahzood emuh oonesheshing ewh uhkee, mesuh owh nwaundung ewh ekedoowin, nesittootung edush; mahnewid dush, kuhya natahwuggetood, ahnind ningoodwauk ahwahshema keduhchin, ahnind kuhya ningoodwahswe‐meduhnah, ahnind kuhya nesemeduhnuh.
24Menuhwah pazhik ahwajegun oogepuggedenahmahwaun, oo‐oo këekedood, Ewh suh keche‐kezhegoong oonje-oogemahwewin enandahgwud debishkoo pazhik enene, kahsuhswawabenung ewh waneshing menekaun emuh ooketegauning:
25Magwah dush nebahwaud egewh enenewug, enewh shaunganemegoojin kepeëzhahwun, kesuhswawabenuhmenid enewh mujje‐mezhushkoon emuh magwa‐buhquazhegunushk, medush kemahjahnid.
26Uhpe dush suhyahguhkemahguk ewh buhquazhegunushk, kuhya anemenewewung, kepeënahgwudoon dush kuhya enewh mujje‐mezhushkoon.
27Egewh dush bameetahwahjig enewh wawegewaumenejin oogepeënahwaun, Oogemah, kah nuh ween wanesheshing menekaun kegesuhswawabenunsenahbun emuh keketegauning? Ahneshwin dush mujje‐mezhushkookaug?
28Oo‐oo dush oogeënaun, Shaunganingad suh oo‐oo kedoodum. Egewh dush buhmetahgunug oo‐oo oogeënahwaun, Kedenanememin nuh cheähwemahwundoonahmaung?
29Oo‐oo dush keëkedoo, Kah! koonemah magwah mahwundoonuhmag enewh mujje‐mezhushkoon, kedahgebahquahkoobetoonahwah ewh buhquazhegunushk.
30Mahnoo nuhyazh mahmahwe tahmahjegenoon nahnauzh egoo chepuhgwushkezhegang; uhpe dush dabishkoosag chepuhgwushkezhegang ningahenaug egewh puhgwushkezhega‐wenenewug, Mahwundenuhmook netum enewh mujje‐mezhushkoon, ahyookebetooyook dush chechahgezuhmag: suhguhkenuhmook dush ween ewh buhquazhegunushk emuh nepuhgunduhega‐weguhmigoong.
31Menuhwah dush pazhik ahwajegun oogepuggedenuhmahwaun, oo‐oo keëkedood, Enandahgwud suh keche‐kezhegoong oonje oogemahwewin debishkoo pazhigoominug ewh oozahwuhnushk menekaun, kahoodapenung owh enene keketegahdung dush emuh ooduhkeeming.
32Mahyahmahwe‐ahgahsemenahguk anduhching enewh menekaunun; uhpe dush ween kahnetahwegingin, mahmahwe mechahkooze anduhswahkoosewaud metikoonsug, keche‐metikoowun suh, medush emuh wahtekwahnewung pedahwaud egewh kezhegoong duhzhe penaseyug.
33Menuhwah dush ahwajeguning oogeëzheguhnoonaun; Enandahgwud suh ewh keche‐kezhegoong oonje oogemahwewin debishkoo ewh oombejeshkewugesechegun, kahoodahpenung equa, kekahdood dush emuh nesoo‐tebaheguning ewh peseboojegun, nahnauzh kuhkenuh keöombejeshkewuggesing.
34Kuhkenuh oonoo oogeëzheguhnoonaun Jesus enewh ahneshenahban emuh ahwajeguning; kuhya dush ahwajegasig kahween oogeguhnoonahseen.
35Chedebishkoosag ewh kahekedoopun owh aunwahjega‐wenene, oo‐oo keëkedood, Ningahpahkedoonun emuh ahwajeguning; ningahkekedoonun enewh uhyeëen kahkahjegahdagin pahahkoo‐uhkeewung.
36Me dush kepuhgedenaud enewh ahneshenahban owh Jesus, kepeendega dush emuh wegewauming; oogepenaunzekahgoon dush ookekenooähmahgunun, oo‐oo keëgood, Weenduhmooweshenaum azhenesettootahgwuk ewh ahwajegun kahdebahduhdoomun enewh mujje‐mezhushkoon emuh ketegauning.
37Oogenuhquatuhwaun dush, oo‐oo keënaud, Owh suh kahsuhswawabenung ewh wanesheshing menekaun, mesuh owh Enene oogwissun;
38Ewh dush ketegaun, mesuh maunduh uhkee; ewh dush wanesheshing menekaun mesuh oogoo wanejahneseminjig emuh oogemahwewining; enewh dush mujjemezhushkoon, mesuh enewh oonejahnesun owh mujje‐ahyahahweesh.
39Owh Shaunganingad kahketegahdung enewh mesuh owh mujje‐muhnedoo; ewh dush pahgwuhshkezhegang mesuh ewh wuhyakwah‐uhkewung; egewh dush puhgwuhsh-kezhega‐wenenewug, mesuh egewh angenug.
40Debishkoo dush azhemahwunjechegahdag enewh mujje‐mezhushkoon, chahgezegahdag dush emuh ishkootang; mesuh kaëzhewabuk uhpe eshquah‐uhkeewung.
41Owh suh Enene oogwissun oogahmahjenahzhahwaun enewh oodangenemun, cheoonjemahwunjeähnid emuh oodoogemahwewining kuhkenuh enewh kabesengin, kuhya enewh mahkinduhmenejin mujje‐ezhewabezewin;
42Cheähpuhgenahnid dush eshkootawine‐ningezegawining: me emuh kaduhzhe‐ahyahshequang kuhya mahmuhtwayahbettasang.
43Me dush uhpe egewh manooëzhewabezejig kezisoong kaëzhewahsayahzewaud emuh oodoogemahwewinening oosewaun. Ahwagwan watahwugahgahgwan chebezindung, mahnoo tahbezindum.
44Menuhwah dush enandahgwud keche‐kezhegoong oonje oogemahwewin debishkoo shooneyah kahkahjegahdag emuh ketegauning; uhpe dush enene makung, ookahdoon apeech dush moojegandung, oodahwe‐ahtahwanun kuhkenuh enewh ooduhyeemun, kuhya ookeshpinuhtoon ewh ketegaun.
45Menuhwah dush enandahgwud ewh keche‐kezhegoong oonje oogemahwewin debishkoo pazhik ahtahwa‐wenene pabahnunduhwahbuhmaud manwahbuhmenahgoozenejin pearlun.
46Uhpe dush makung pazhik kache‐ahpetandahgoozenejin, oodahweähtahwanun kuhkenuh ooduhyeemun, kishpenuhtood dush ewh.
47Menuhwah dush, enandahgwud keche‐kezhegoong oonje oogemahwewin debishkoo ahquahbenahgun, kahpahkoobe‐wabenegahzoonejin emuh kechegumeeng, ahnooj dush mahwunjeïndwah;
48Uhpe dush kahmooshkenanid, oogeähgwahbenahwaun kewahwanuhbewaud dush, oogemahwunjeähwaun dush enewh wanesheshenejin emuh uhtahsoowining, oogewabenahwaun dush enewh mahyahnahdezenejin,
49Me suh kaëzhewahbuk uhpe eshquah‐uhkeewung; tahpeëzhahwug egewh angenug, pühkayeëe cheähsahwaud enewh maje‐ëzhewabezenejin emuh dush ween ahyahnid enewh manoo‐ezhewabezenejin.
50Oogahahpuggenahwaun dush emuh ishkootawine ningezegawining: emuh kaduhzhe‐ahyahshequang kuhya kaduhzhe‐mahmuhtwayahbittasang.
51Jesus dush oo‐oo oodenaun, Kenesittootahnahwah nuh kuhkenuh oonoo uhyeëen? Oo‐oo oogeëgoon, Aahe, Tabaningayun!
52Oo‐oo dush oogeënaun, Ahnesh kuhkenuh anduhchid oozhebeëga‐wenene kakenooahmahwind ewh anandahgwuk keche‐kezhegoong oonje oogemahwewin ezheähyah debishkoo enene wawegewaumid, wandenung emuh oodahsunjeguning ooshke‐uhyeëen kuhya kata‐uhyeëen.
53Kepuhguhmeähyah dush, uhpe Jesus kahkezhetood oonoo ahwajegunun, ewede keöonjemahjah.
54Uhpe dush tagweshing emuh tebenuhwa oodinduhnuhkewining, oogekekenooähmahwaun oodahnuhmeä‐weguhmigooning; kemahmahkahdanduhmoon dush, oo‐oo keëkedoonid, Ahneende wandenung wah‐owh oo‐oo menik nebwahkahwin, kuhya oonoo kushkeäwezewinun?
55Kah nuh ween oodoogwissemegooseen enewh mookoodahzoo‐wenenewun? Kah nuh ween kuhya Mary ezhenekahzoosewun enewh oogeen? kuhya enewh wejekewayun James, kuhya Joses, kuhya Simon, kuhya Judas?
56Kuhya enewh oodahwamaun, kahnuhween keweej-oodatoomegoosenahnig kuhkenuh? Ahneende dush wahowh wandenung kuhkenuh oonoo?
57Oogeöosittahwanemahwaun dush; Jesus dush oo‐oo oogeënaun, Kahween pwah‐kechetwahwanemahse aunwahjega‐wenene, emuh atuh tebenuhwa oodindenuhkewining, kuhya emuh tebenuhwa oowegewauming.
58Kah dush nebewah mahmaundahwejegunun keëzhechegasenun ewede, oodahgoonwayanduhmoowinene oonje.
Currently Selected:
St Matthew 13: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
