GENESIS 50
50
1Joseph dush kepungeshin emuh oosun oodangwuhyening, kuhya kemuhwe emuh oodangwuhyening, kuhya ooogeöo-jeemaun.
2Joseph dush oogeähnoonaun oobuhmeetahgunun enewh mushkeke‐wenenewun cheähtoonid menoomahgoojegunun emuh oosun ooweyowening: medush ewh kahdoodahwahwaud Israelun egewh mushkeke‐wenenewug.
3Nemeduhnuh dush duhsoogoon keduhzhekuhwah; me suh ewh menik anduhzhekuhwindwah egewh naboojig atahwindjig menoo‐mahgoojegunun: egewh dush Egyptianug oogemuhwemahwaun neezhwahsemeduhnuh duhsoogoon.
4Uhpe dush kahishquahmuhwemahwaud; Joseph oogekuhnoonaun enewh dabandahgoozenejin emuh Pharaoh oowegewauming, oo‐oo keënaud, Kishpin kahminwandahgoozewaunan emuh kishkinzhegoowaung, kepahgoosanemenim cheguhnooduhmahweyag ahahsuhmeed Pharaoh, oo‐oo cheënag.
5Noos ninge‐kuhgaunzoomig chemushkahwe‐wahweenduhmoowug, oo‐no keëzhid, Benuh zhuhyegwah newenib: emuh nechebagumigoong ewh kahoozhetuhmahzooyaun ewede Canaaning, kegahpuggedanim. Mahnoo dush puggedeneshin kepahgoosanemin cheähwepuggedanemug noos, ningahpiskahbe dush.
6Pharaoh dush oo‐oo keëkedoo, Mahnoo ezhaun, kuhya ahwepuggedanim koos, debishkoo kahezhemushkahwe‐wahweenduhmahwud.
7¶ Joseph dush oogeähwepuggedanemaun enewh oosun: kuhya oogeweejewegoon kuhkenuh Pharaoh oobuhmeetahgunun, enewh akewazeëwenejin emuh oowegewauming, kuhya kuhkenuh enewh akewazeëwenejin emuh Egypting,
8Kuhya kuhkenuh egewh dabandahgoozejig emuh Joseph oowegewauming keëzhahwug, kuhya wekahnesun, kuhya egewh dabandahgoozejig emuh oosun oowegewaumining: oodahbenoojeëmewaun atuh, kuhya oomahnishtahnishemewaun, kuhya oodahwahkaunewaun, oogenuhguhnuhwaun emuh Goshening.
9Oogeweejewegoon dush ootahbaunun kuhya pamoomegoonejin: kekeche‐bahtuhyenoowug dush.
10Ketuhgwishinoog dush emuh Atad oopuggunduhega‐weguhmigoong, ahgahmeseebee Jordan, kekeche‐muhwewug dush ewede: neezhwahsoogoon dush oogemuhwemaun oosun.
11Uhpe dush egewh anduhnuhkejig emuh uhkeeng egewh Canaanitug kahwahbunduhmoowaud ewh muhwewin emuh Atad oopuggunduhega‐weguhmigoong, oo‐oo keëkedoowug, Kagate kuhgwahnesugge‐keche‐muhwewug egewh Egyptianug: mesuh wanjeëzhenekahdag Abel‐Misraim, ahgaumeseebe Jordan ewh tuhgoomuhgud.
12Oogedoodahgoon dush enewh oogwissun debishkoo kahenahpun:
13Oogeëzhewenegoon mah oogwissun emuh Canaaning, kuhya oogepuggedanemegoon emuh waumbahbikaug Machpelah uhkeeng, ewh chebaguhmig kuhya uhkeens Abraham kahkishpinuhtahwaud Ephronun enewh Hittiteun, anahsuhmeäyaug Mamre atag chedebandung chebagummig.
14¶ Joseph dush keëzhepishkahbe Egypting, ween, kuhya wekahnisun, kuhya kuhkenuh kahweejewegoojin keähwepuggedanemaud oosun, kahishquahpuggedanemaud oosun.
15Uhpe dush Joseph wekahnisun kahwahbunduhmenid keneboonid oosewaun, oo‐oo keëkedoowun, Koonemah Joseph kegahsheenganemegoonaun, kuhya ahbetakummig kegahahzhittah‐mujje‐doodahgoonaun, debishkoo kahezhemujje‐dooduhwung.
16Oogeëzhenahzhahwahwaun dush enenewun oo‐oo kaënahnid Josephun, Koosebun kekuhgaundwabun chepwah‐nebood, oo‐oo keëkedood.
17Oo‐oo kegahenahwah Joseph, Wabenuhmow kepahgoosanemin kahezhemujje‐doodookwah kekahnesug; kegemujje‐doodaugoog mah: noongoom dush ahbwayanim kepuhgoosanemegoo egewh bameetahwahjig koosebun oo Kesha‐Muhnedoomun. Joseph dush kemuhwe uhpe ganoonegood.
18Oogepenaunzekahgoon kuhya enewh wekahnisun keshahgushketahgood; oo‐oo dush keëgood, Benuh kebuhmeetahgunug nindahwemin.
19Joseph dush oo‐oo oogeënaun, Kagoo sagezekagoon: Neen enuh neKesha‐Muhnedow?
20Kenuhwah dush kegeënandaumwahbun chemujje‐doodahweyag; Kesha‐Muhnedoo dush keënandum chemenoodoodahgooyaun, cheëzhewabuk debishkoo azhewabuk noongoom kezheguk, chebemahjeindwah nebewah ahnishenahbag.
21Benuh dush kagoo sagezekagoon: kegahahshummenim kenuhwah, kuhya kedahbenoojeëmewaug. Oogemenoodaäaun dush, kuhya oogemenoo‐guhnoonaun.
22¶ Joseph dush keduhnuhkee emuh Egypting, ween, kuhya egewh dabandahgoozejig emuh oosun oowegewaumening: ningoodwauk dush ahshe metahsoo‐pepoon kebemahdeze Joseph.
23Joseph dush oogewahbuhmaun Ephraim oozheshaün: kuhya oonejahnesun owh Machir Manasseh oogwissun kenetahwegeähwung emuh oocheengwunaung owh Joseph.
24Joseph dush oo‐oo oogeënaun wekahnisun, Newenib suh; ahbetakummig kegahoodissegoowah Kesha‐Muhnedoo, kuhya kegahsahgejewenegoowah oomah uhkeeng cheëzhewenenag dush emuh uhkeeng ewh kahmushkahwe‐wahweenduhmahwaud Abrahamun, kuhya Isaacun, kuhya Jacobun.
25Joseph dush oogekahgaunzoomaun enewh Israel oonejahnesun chemushkahwe‐wahweenduhmahgood, oo‐oo keënaud, Ahbetakummig kegahoodissegoowah Kesha‐Muhnedoo, oomah dush kegahoonje‐mahjetoonahwah nekunun.
26Joseph dush keneboo, kahningoodwauk‐duhsoo‐pepoon‐uhgezid ahshe metauswe: oogeähtuhwahwaun dush menoomahgoojegunun emuh weyowing, kuhya oogeähsahwaun emuh chebuhy‐mukkukoong ewede Egypting.
Currently Selected:
GENESIS 50: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
