EXODUS 1
1
1Mesuh oonoo oodezhenekahzoowinewaun Israel oonejahnesun kahpeendegajig emah Egypting; anduhchewaud egewh enenewug kuhya oodenoodawezewinewaun oogebewejewahwaun enewh Jacobun.
2Reuben, Simeon, Levi, kuhya Judah,
3Issachar, Zebulun, kuhya Benjamin,
4Dan, kuhya Naphtali, Gad, kuhya Asher.
5Kuhkenuh dush egewh bamahdezejig kahoonejahnesemegoowahjin enewh Jacobun keneenzhwahsemeduhnuhwawug; Joseph mahween ahyahbun emah Egypting.
6Joseph dush keneboo, kuhya kuhkenuh enewh wekahnesun, kuhya kuhkenuh egewh ewh uhpe bamahdezepuneeg.
7¶ Israel dush oonejahnesun ashkum kebahtuhyenoowun kuhya ashkum kekechemeshenoowun kuhya ashkum kekeche‐mushkuhwezewun; oogemooshkenashkahnahwah dush ewh uhke.
8Oogemahjeöogemahkundaun dush bakahnezid keche‐oogemah ewh Egypt, kahkekanemahsig enewh Josephun.
9Oo‐oo dush oogeënaun enewh oodahnishenahbamun, Be nuh, egewh ahnishenahbag oonejahnesun owh Israel uhwahshema bahtuhyenoowug kuhya uhwahshema mushkuhwezewug kenuhwind dush ween:
10Umba suhnoo, nebwahkahdah kadooduhwungwah; ashkum chebahtuhyenoosigwah puhguhmeuhyahmuhguk dush ewh uhpe wemegahding, koonemah oodahwedookuhwahwaun kuhya wenuhwah enewh kabemegahzoonepun chemegahnenungwahbun dush, oodahnuhguhdahnahwah dush ewh uhke.
11Medush keühnoonahwaud uhnooke‐oogemaun cheöogemahkunduhwahnid enewh, chekooduhgeëmind dush emah ooduhnookewinening, oogeöozhetuhmuhwahwaun dush enewh Pharaohun uhsunjegoo‐oodanuhwun, Pithom kuhya Raamses.
12Ewh dush ashkum kekoooduhgeähwaud enewh, ashkum kebahtuhyenoowun kuhya ashkum kekeche‐mushkuhwezewun. Oogekushkanduhmeëgoowaun dush enewh Israel oonejahnesun.
13Egewh dush Egyptianug oogesuhnuhge uhnookeähwaun Israel oonejahnesun.
14Oogekeche‐kooduhge‐ühnookeähwaun dush gewahbahbe-gunekanid, kuhya kemisqwuhsinekanid, kuhya kuhkenuh kahezheuhnookenid emah ketegauning: kuhkenuh kahezheähnookeähwaud, oogesuhnuhge‐ühnookeähwaun.
15¶ Owh dush Egypt duhzhe keche‐oogemah oogeguhnoonaun enewh Hebrew‐gahtenewaquan, pazhig Shiphrah kahezhenekahnemind, kuhya enewh pazhig Puah kahezhenekahnemind:
16Oo‐oo dush keëkedoo, Uhpe kuhyahtenuhmuhwagwah egewh Hebrew‐equawug, kuhya uhpe wuhyahbemagwah shuhyegwuh wenegeähwuhsoowaud: kishpin ahyaud quewezans, mesuh chenesag; kishpin dush ween equazans mesuh chebemahdezid.
17Egewh dush ween gahtenewaquag oogekoosahwaun Kesha‐Muhnedoon, kah dush keëzhechegasewug kahezhekuhgaunzoomegoowaud enewh Egypt duhzhe keche‐oogemaun, oogebemahjeähwaun suh goo enewh quewezansun.
18Owh dush Egypt duhzhe keche‐oogemah oogenundoomaun enewh gahtenewaquan, oo‐oo dush keënaud, Wagoonan suh oo‐oo kahoonjeëzhechegayag, kebemahjeägwah dush egewh kwewezansug?
19Egewh dush gahtenewaquag oo‐oo oogeënahwaun enewh Pharaohun; Kahmah egewh Hebrew‐equawug ezheühyahsewug azheühyahwaud egewh Egypt duhzhe equawug: kenebenegeähwuhsoowug mah, ahzhe dush koo negeähwuhsoowug chebwah peendegahgoowaud enewh gahtenewaquan.
20Kesha‐Muhnedoo dush oogemenoo‐dooduhwaun enewh gahtenewaquan: egewh dush ahnishenahbag ashkum kebahtuhyenoowug, kuhya ashkum kekeche‐mushkuhwezewug.
21Kepuhguhmeühyahmahgud dush, oonje enewh gahtenewaquan kekoosegood Kesha‐Muhnedoo, ewh keöozhetuhmuhwaud wegewaumun
22Pharaoh dush oogeäungwahmemaun kuhkenuh enewh oodahnishenahbamun, oo‐oo keënaud, Anduhchewaud egewh quewezansug nahgejig, keguhbuhkoobewabenahwaug emah sebeeng, anduhchewaud dush ween egewh equazansug kegahbemahjeähwaug.
Currently Selected:
EXODUS 1: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
