GENESIS 46
46
1Israel dush kemahjah kemahjedood kuhkenuh ooduhyeëmun, ketuhgwishin dush emuh Beershebaïng, kïuhya oogesuhsahgewenaun enewh waKesha‐Muhnedoomegoojin oosebuneen Isaacun.
2Kesha‐Muhnedoo dush oogeguhnoonaun Israelun magwah tebekudenig, oo‐oo keëkedood, Jacob, Jacob. Oo‐oo dush oogeëgoon, Oomah nindahyah.
3Oo‐oo dush keëkedoo, NeKesha‐Muhnedowh, ningeöo-Kesha‐Muhnedoowemig koosebun: kagoo sagezekan weëzhahyun ewede Egypting duhzhe uhkeeng; ewede mah kegahenahkoonin chekeche‐meshenooyun:
4Kegahuhneweejewïn ezhahyun Egypting; kagate kuhya kegahpekewawenin: Joseph dush oogahuhtoonun ooninjeen keeshkinzhegoong.
5Jacob dush kepuhsegwe oonje Beershebaing: Israel dush oogwissun oogepemewenahwaun enewh oosewaun Jacobun, kuhya tebenuhwa oonejahnesewaun, kuhya oowedegamahgunewaun, emuh ootahbahning enewh Pharaoh kahezhenahzhah-uhmahgoowahjin chepemewenegoowaud.
6Oogeöodahpenahwaun dush oodahwahkaunewaun, kuhya ooduhyeëmewaun, kahoondenuhmoowaud ewede Canaaning, kepeëzhahwug dush emuh Egypting, Jacob, kuhya kuhkenuh oonejahnissun.
7Oogwissun, kuhya oogwissun oogwissine, oodahnissun, kuhya oogwissun oodahnissine, kuhya kuhkenuh oonejahnissun oogeëzhewenaun emuh Egypting.
8¶ Mesuh oonoo oodezhenekahzoowinewaun Israel oonejahnisun, kahpeëzhahnid emuh Egypting, Jacob kuhya enewh oogwissun; Reuben, Jacob oonetumoozhaunun.
9Kuhya oogwissun owh Reuben; Hanoch, kuhya Phallu, kuhya Hezron, kuhya Carmi.
10¶ Kuhya oogwissun owh Simeon; Jemuel, kuhya Jamin, kuhya Ohad, kuhya Iachin, kuhya Zohar, kuhya Shaul kahoogwissëmegood enewh Canaaning duhzhe equan.
11¶ Kuhya oogwissun owh Levi; Gershon, Kohath, kuhya Merari.
12¶ Kuhya oogwissun owh Judah; Er, kuhya Onan, kuhya Shelah, kuhya Pharez, kuhya Zarah: Er dush ween kuhya Onan keduhpenawug emuh Canaaning duhzhe uhkeeng. Kuhya oogwissun owh Pharez, me suh Hezron kuhya Hamul.
13¶ Kuhya oogwissun owh Issachar; Tola, kuhya Phuvah, kuhya Job, kuhya Shimron.
14¶ Kuhya oogwissun owh Zebulun; Sered, kuhya Elon, kuhya Jahleel.
15Mesuh oonoo oogwissun owh Leah, enewh kahnegetuhmahwahjin Jacobun emuh Padan‐araming, kuhya enewh oodaunun Dinah: kuhkenuh oogwissun kuhya oodahnun kenesemeduhnuhwawun ahshe‐neswe.
16¶ Kuhya oogwissun owh Gad; Ziphion, kuhya Haggi, Shuni, kuhya Ezbon, Eri, kuhya Arodi, kuhya Areli.
17¶ Kuhya oogwissun owh Asher; Jimnah, kuhya Ishwah, kuhya Issui, kuhya Beriah, Kuhya Serah, oodahwamahwaun: kuhya oogwissun owh Beriah; Heber, kuhya Malchiel.
18Mesuh oonoo oogwissun owh Zilpah, enewh Laban kahmeenaud enewh oodaunun Leahun, mesuh oonoo kahneegetuhmoowahjin Jacobun, kemetahchewun ahshe ningoodwahswe.
19Oogwissun owh Rachel Jacob oowedegamahgunun; Joseph, kuhya Benjamin.
20¶ Joseph dush kenegetuhmahwah Manasseh kuhya Ephraim, emuh Egypt duhzhe uhkeeng, me enewh kahnegetuhmahgoodjin, Asenathun, oodaunun owh Potipherah Oning duhzhe sahsahgewejega‐wenene.
21¶ Kuhya oogwissun owh Benjamin, mesah Belah, kuhya Becher, kuhya Ashbel, Gerah; kuhya Naaman, Ehi, kuhya Rosh, Muppim, kuhya Huppim, kuhya Ard.
22Mesuh oonoo oogwissun Rachel kahneegetuhmahwind Jacob: kemetahchewun ahshe‐newin.
23¶ Kuhya oogwissun owh Dan; Hushim.
24¶ Kuhya oogwissun owh Naphtale, Jahzeel, kuhya Juni, kuhya Jezer, kuhya Shillem.
25Mesuh oonoo oogwissun owh Bilhah, enewh Laban kahmeenaud oodahnissun Rachelun, oogenegetuhmahwaun dush Jacobun oonoo: kenezhwahchewun suh.
26Kuhkenuh enewh kahweejewegoojin Jacob emuh Egypting, enewh wanejahnesejin, keningoo‐dwahsemeduhnuhwawun ahshe ningoodwahswe, kahween uhgemahsewun Jacob oogwissun oowedegamahgunene:
27Keneezhewun Joseph oogwissun kahnegenejin emuh Egypting: kuhkenuh egewh dabandahgoozejig emuh Jacob oowegewauming, kahpeëzhahjig emuh Egypting, keneezhwahse‐meduhnuhwawug.
28¶ Oogenegaunenahzhahwaun dush Judahun chenaunzekahwahnid Josephun, chenuhquashkahgood emuh Goshening; ketuhgwishenoog dush emuh Goshening.
29Joseph dush oogewahwazheäun oodootahbaun, kuhya oogeähwenuhquashkahwaun Israelun oosun, ewede Goshening, oogewahbuhmegoon dush; kepungeshin dush emuh ooquagunauning, kuhya kenooazh kemuhwe emuh ooquagunauning.
30Israel dush oo‐oo oogeënaun Josephun, Mahnoo suh dush ningahnib, ningewahbundaun mah kedangwuhy, kayahbe mah kebemahdiz.
31Joseph dush oo‐oo oogeënaun enewh wekahnisun, kuhya enewh dabandahgoozenejin emuh oosun oowegewaumening, ningahezhah, kuhya ningah‐weenduhmahwah Pharaoh, oo‐oo dush ningahenah, ningebenaunzekahgoog nekahnesug, kuhya egewh dabandahgoozejig emuh noos oowegewauming, ewede Canaaning anduhnuhkeepuneeg;
32Mahnishtahnishe‐wenenewewug dush egewh enenewug, mesuh oodahnookewinewah cheguhnuhwanemahwaud ahwahkaunun; oogepeenahwaun dush oomahnishtahnishemewaun, kuhya oopezhekeemewaun, kuhya kuhkenuh enewh ahyahmoowahjin.
33Uhpe dush Pharaoh nundoomenag, oo‐oo kuhya enenag, Ahneen anuhnookeeyag?
34Oo‐oo kegahenahwah, Kebuhmeetahgunug oo‐guhnuhwanemahwaun ahwahkaunun pahahkoo ooshkenegeyaung nahnauzh egoo noongoom, nenuhwind, kuhya nooseminahbuneeg; cheöonjeduhnuhkeeyag emuh Goshening; egewh mah Egyptianug oosheenganemahwaun kuhkenuh mahnishtahnishe‐wenenewun.
Currently Selected:
GENESIS 46: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
