GENESIS 36
36
1Mesuh oonoo oodahneka‐bemahdezewinun Esau, mesuh owh Edom azhenekahzood.
2Esau oogeöodahpenaun kahwewejinenewh wadahnesememindjin emuh Canaaning; Adahun oodahnissun owh Elon Hittite, kuhya Aholibamahun oodahnissun owh Anah kahoodahnesemegood enewh Zibeonun Hivite;
3Kuhya Bashemathun Ishmael oodahnissun, oodahwamaun owh Nebajoth.
4Adah dush oogenegetuhmahwaun enewh Esauun Eliphazun; kuhya Bashemash oogenegeäun Reuelun;
5Kuhya Aholibamah oogenegeäun Jeüshun, kuhya Jaalamun, kuhya Korahun: mesuh oogoo kahoogwissemegoojig Esauün, kahoondahdezewaud emuh Canaaning duhzhe uhkeeng.
6Esau dush oogeöodahpenaun oowedegamahgunun, kuhya oogwissun, kuhya oodahnissun, kuhya kuhkenuh emuh oowegewauming ayahnejin, kuhya oodahwahkaunun, kuhya kuhkenuh oodahyahahmun, kuhya kuhkenuh ooduhyeemun, menik kahtebenuhwawezid emuh Canaaning duhzhe‐uhkeeng; noonpeeming dush keëzhekooze oonje anduhnuhkeenid wekahnesun Jacob.
7Oonzaum mah kekeche‐tebenuhwawezewug kah dush oogekushketoosenahwah cheweej‐duhnuhkeendewaud; kahween kuhya ketaënegooquahsenoon ewh uhkee emuh kahduhzhe‐muhyuggezewaud cheduhnuhkewaud emuh, oonje bahtuhenenid oodahwahkaunewaun.
8Mesuh keduhnuhkeed Esau emuh Seir wahjewing: Esau mesuh owh Edom.
9¶ Me dush oonoo oodahneka‐bemahdezewinun owh Esau oosewaun egewh Edomitug emuh Seir wahjewing:
10Mesuh oo‐ookahezhenekahzoonid Esau oogwissun; Eliphaz oogwissun owh Adah Esau wewun, Reuel oogwissun owh Bashemath Esau wewun.
11Eliphaz dush oogeöogwissenun Temanun, Omarun, Zephoun, kuhya Gatamun, kuhya Kenazun.
12Timna dush oogeweedegamegoon Eliphazun oogwissun owh Esau; oogenegetahmahwaun dush Eliphazun enewh Amalekun: mesuh oonoo kahoogwissejin Adah ooweedegamahgunun owh Esau.
13Mesuh oonoo kahoogwissejin Reuel; Nahath, kuhya Zerah, Shammah, kuhya Mizzah; mesuh oonoo kahoogwissejin Bashemath Esau wewun.
14¶ Mesuh oonoo kahoogwissejin Aholibamah, oodahnissun owh Anah oodahnissun owh Zibeon, Esau wewun: oogenegetuhmahwaun dush Esauun, enewh Jeüshun, kuhya Jaalamun, kuhya Korahun.
15¶ Mesuh oonoo oomenesenoo‐oogemahmewaun Esau oogwissun: Oogwissun owh Eliphaz oonetumoozhahnun owh Esau; menesenoo‐oogemah Teman, menesenoo‐oogemah Omar, menesoo‐oogemah Zepho, menesenoo‐oogemah Kenaz.
16Menesenoo‐oogemah Korah, menesenoo‐oogemah Gatam, menesenoo‐oogemah Amalek: mesuh oogoo menesenoo‐oogemaug kahoonejahnesemegoojig Eliphazun emuh Edoming duhzhe uhkeeng; mesuh oonoo oogwissun owh Adah.
17¶ Oonoo dush oogwissun owh Reuel Esau oogwissun; menesenoo‐oogemah Nahath, menesenoo‐oogemah Zerah, menesenoo‐oogemah Shammah, menesenoo‐oogemah Mizzah; mesuh oogoo menesenoo‐oogemaug kahoonejahnesemegoojig Reuelun emuh Edoming duhzhe uhkeeng; mesuh oonoo oogwissun owh Bashemath Esau wewun.
18¶ Mesuh oonoo oogwissun owh Aholibamah Esau wewun; menesenoo‐oogemah Jeush menesenoo‐oogemah Jaalam, menesenoo‐oogemah Korah: mesuh oogoo menesenoo‐oogemaug kahoonejahnesemegoojig Aholibamahun oodahnissun owh Anah, Esau wewun.
19Mesuh oogoo kahoonejahnesemegoojig Esauün, me owh Edom, mesuh kuhya oonoo oomenesenoo‐oogemahmewaun.
20¶ Mesuh oonoo oogwissun owh Seir Horite, kahduhnuhkeed ewede uhkeeng; Lotan, kuhya Shobal, kuhya Zibeon, kuhya Anah.
21Kuhya Dishon, kuhya Ezer, kuhya Dishan: mesuh oonoo oomenesenoo‐oogemahmewaun egewh Horitug, wahnejahnesemegoojig Seirun emuh Edoming duhzhe uhkeeng.
22Hori dush kuhya Heman oogeöonejahnesemegoowaun Lotanun; Timna dush keëzhenekahzoowun Lotan oodahwamaun.
23Mesuh oogoo kahoonejahnesemegoojig Shobalun; Alvan, kuhya Manahath, kuhya Ebal, Shepho, kuhya Onam.
24Mesuh oonoo oonejahnesun owh Zibeon; Ajah kuhya, Anah: mesuh wahowh Anah kahmekahwaud enewh ahyahbetahwezenejin mamaungeshaün emuh puhgwuhduhkummig, magwah ahshummaud oosun Zibeonun oomamaungeshaëmene.
25Mesuh oonoo Anah oonejahnesun; Dishon, kuhya Aholibamah oodahnissun owh Anah.
26Mesuh oonoo oonejahnesun owh Dishon; Hemdan, kuhya Eshban, kuhya Ithran, kuhya Cheran.
27Mesuh oonoo oonejahnesun owh Ezer; Bilhan, kuhya Zaavan, kuhya Akan.
28Mesuh oonoo oonejahnesun owh Dishan; Uz, kuhya Aran.
29Mesuh oonoo oomenesenoo‐oogemahmewaun egewh Horitug; menesenoo‐oogemah Lotan, menesenoo‐oogemah Shobal, menesenoo‐oogemah Zibeon, menesenoo‐oogemah Anah.
30Menesenoo‐oogemah Dishon, menesenoo‐oogemah Ezer, menesenoo‐oogemah Dishan; mesuh oogoo menesenoo‐oogemaug kahoonejahnesemegoojig Horiün, emuh anduhzhe‐ahyahnid oomenesenoo‐oogemahmewaun emuh Seiring duhzhe uhkeeng.
31¶ Mesuh kuhya oogoo keche‐oogemaug kahkeche‐oogemahwejig emuh Edoming duhzhe‐uhkeeng, chepwah keche‐oogemahkundahwaud ahweyah keche‐oogemah enewh Israel oonejahnesun.
32Bela dush oogwissun owh Beor kekeche‐oogemahwe emuh Edoming: Dinhabah dush keëzhenekahdane oodoodanowh.
33Keneboo dush Bela, oogenahbishkahgoon dush Jobabun oogwissun owh Zerah Bozrahing dabandahgoozid.
34Keneboo dush Jobab, oogenahbishkahgoon dush Hushamun Temaniïng duhzhe enenewun.
35Keneboo dush Husham, oogenahbishkahgoon dush Hadadun oogwissun owh Bedad, (mesuh owh kahmahmauzheäud Midianun emuh Moabing duhzhe mushkoodang;) Avith dush keëzhenekahdane oodoodanow.
36Keneboo dush Hadad, oogenahbishkahgoon dush Samlahun Mazrekahing duhzhe enenewun
37Keneboo dush Samlah, oogenahbishkahgoon dush Saulun debandahgoozenid Rehobothing ewh chegeseebe anduhgoog.
38Keneboo dush Saul, kuhya oogenahbishkahgoon Baal‐hananun oogwissun owh Achbor.
39Keneboo dush Baal‐hanan oogwissun owh Achbor, kuhya oogenahbishkahgoon Hadarun: Pau dush keëzhenekahdane oodoodanow; Mehetabel dush keëzhenekahzoowun oowedegamahgunun, oodahnun owh Matred, kahoodahnesemegood enewh Mezahabun.
40Mesuh oo‐oo kahezhenekahzoowaud egewh menesenoo‐oogemaug kahoonejahnesemegoojig Esauün, anduhsoodawezewaud, kuhya azhenekahdanig oodoodanahwewaun, kuhya azhenekahzoowaud; menesenoo‐oogemah Timnah, menesenoo‐oogemah Alvah, menesenoo‐oogemah Jetheth,
41Menesenoo‐oogemah Aholibamah, menesenoo‐oogemah Elah, menesenoo‐oogemah Pinon,
42Menesenoo‐oogemah Kenaz menesenoo‐oogemah Teman, menesenoo‐oogemah Mibzar,
43Menesenoo‐oogemah Magdiel, menesenoo‐oogemah Iram: mesuh oonoo Edom oomenesenoo‐oogemahmun, debishkoo andahwaud kuhya anduhnuhkeewaud; mesuh owh Esau oosewaun egewh Edomitug.
Currently Selected:
GENESIS 36: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
