GENESIS 35
35
1Kesha‐Muhnedoo dush oo‐oo oogeënaun Jacobun, Puhsegween, ezhaun ewede Betheling, duhnuhkeen dush ewede: kuhya oozhetoon ewede oosashahgewejegun‐ahbikoom Kesha‐Muhnedoo, owh kahwahbuhmud uhpe kahoozhemud kekahnis Esau.
2Me dush Jacob oo‐oo kahenaud enewh emuh oowegewauming ayahnejin, kuhya kuhkenuh kahwejewegoojin, Wabenik egewh mayuggezejig muhnedoog ayahwagoog, kuhya peneëdezooyook, kuhya aunzekoonuhyag:
3Umba dush puhsegwedah, kuhya ezhahdah ewede Betheling: ewede dush ningahoozhetuhmahwah sahsahgewejegun‐ahbik owh Kesha‐Muhnedoo kahnuhquatuhwid kahahnemezeyaun, kuhya kahweejewid emuh meekunaung kahneëzhahyaun.
4Oogepuggedenuhmahwahwaun dush Jacobun kuhkenuh enewh mayuggezenejin oomuhnedoomewaun ayahwahpuneen, kuhya kuhkenuh oonahbeshabezoonewaun; Jacob dush oogekahdoonun enewh ahnahmeyeëe emuh pahdukkezood metigoomeezh cheguhyeëe Shechem.
5Keühnemahjahwug dush oogekoosigoowaun dush kuhkenuh kewetuhyeëe wahdatoonejin oonje Kesha‐Muhnedoon, kah dush Jacob oogwissun oogenoopenuhnegoosewaun enewh.
6¶ Jacob dush ketuhgwishin emuh Luzing, emuh Canaaning duhzhe uhkeeng anduhgoog, mesuh ewh Bethel, ween kuhya kuhkenuh enewh wahjewegoojin.
7Oogeöozhetoon dush sahsahgewejegun ahbik ewede, kuhya El‐beth‐el oogeëzhenekahdaun: oonje kewahbuhmaud Kesha‐Muhnedoon emuh uhpe kahoozhemaud wekahnesun.
8Deborah dush owh ganuhwanemahpun Rebekahun magwah ahbenoojewenid keneboo, kuhya kepuggedanemah emuh nesahke Betheling ahnahmeëe puhdukkezood metigoomeezh: Allon‐Bachuth dush keëzhenekahda emuh.
9¶ Menuhwah dush Jacob oogewahbuhmaun Kesha‐Muhnedoon, uhpe kahoonjemahjaud emuh Padan‐Araming, kuhya oogeshahwanemaun.
10Kesha‐Muhnedoo dush oo‐oo oogeënaun, Jacob suh kedezhenekauz; kahween kayahbe Jacob kegahezhenekahzoose, Israel suh kegahezhenekauz; Israel dush oogeëzhenekahnaun.
11Kesha‐Muhnedoo dush oo‐oo oogeënaun, Neen nindow Kesha‐Muhnedoo Mahyahmahwe‐mushkahwezid: pahtuhyenoon kuhya ashkum meshenoon; nebewah papukkaun azheweenzoojig ahnishenahbag keyowing tahoondahdezewug, keche oogemaug kuhya keyowing tahoonjeewug;
12Kegahmeenin dush ewh uhkee kahmeenugwah Abraham Kuhya Isaac, kuhya kenejahnesug ningahmeenaug ewh uhkee keïshquah bemahdezeyun.
13Kesha‐Muhnedoo dush ishpeming keëzhah kenuhguhnaud Jacobun emuh kahduhzheguhnoonaud.
14Jacob dush oogepuddukkeshemaun ahsineen emuh kahduhzheguhnoonegood; kuhya oogesegenaun menequawine‐meegewawin emuh ahsineeng, kuhya oogesegenaun pemeda emuh.
15Jacob dush Bethel oogeëzhenekahdaun ewede kahduhzheguhnoonegood Kesha‐Muhnedoon.
16¶ Betheling dush keöonjemahjahwug; kepahbahmahdezewaud gagah kahtuhgwishenoowaud Ephrathing, kenegeähwuhsoo Rachel, kekeche‐ahnemeze dush.
17Kepuggummeähyahmahgud dush magwah keähnemezid negeähwuhsood, oo‐oo keëgood kahdenewaquan, Kagoo sagezekan: mahbah kuhya quewezanse kegahahyahwah.
18Kepuggummeähyahmahgud dush magwah mahjahnid oojechaugwun, (keneboo mah) Benoni keëzhenekahnaud enewh ahbenoojeün: Benjamin dush ween oogeëzhenekahnegoon enewh oosun.
19Rachel dush keneboo, kuhya, kepuggedanemah mahyahwekunah aneëzhaung ewede Ephrathing, mesuh ewh Bethlehem.
20Jacob dush oogepuddukkeshemaun ahsineen emuh oochebaguhmigooning: mesuh owh ahsin padukkeshing emuh Rachel oochebaguhmigoong noongoom kezheguk.
21¶ Kepahbahmahdeze dush Israel, kuhya oogepuhduhke-sittoon oowegewaum ahwus‐enuhkayah emuh Edaring duhzhe keche‐wahkaheguning.
22Kepuggummeähyahmahgud dush magwah ewede uhkeeng keduhnuhkeed Jacob, Reuben keähwewepamaud Bilhahun oosun oodequamene: Israel dush kenoondahga kahezhecheganid. Kemetauswe‐ahshe neezhewun dush Jacob oogwissun.
23Oogwissun owh Leah, Reuben, Jacob oonetumoozhaunun, kuhya Simeon, kuhya Levi, kuhya Judah, kuhya Issachar, kuhya Zebulun:
24Oogwissun owh Rachel; Joseph, kuhya Benjamin:
25Oogwissun dush owh Bilhah, Rachel oobuhmeetahga‐equamun; Dan, kuhya Naphtali:
26Kuhya oogwissun owh Zilpah, Leah oobuhmeetahgunequamun; Gad, kuhya Asher: mesuh oonoo oogwissun owh Jacob, kahnegetuhmahwind emuh Padan‐Araming.
27¶ Jacob dush oogenaunzekahwaun oosun Isaacun ewede Mamreing, ewh oodanuh Arbah azhenekahdag, mesuh ewh Hebron azhenekahdag, kahduhnuhkeewaud Abraham kuhya Isaac.
28Isaac dush kebemahdeze ningoodwauk uhshe shwahsemeduhnuh duhsoo pepoon.
29Keïshquanahmoo dush Isaac, kuhya keneboo, kuhya keähsah emuh anduhzheähyahnid ooketezemun zhuhyegwah kahkekaud kuhya nebewah kezhegudoon kahbemahdezid: oogepuggedanemegoon edush enewh oogwissun Esauün kuhya Jacobun.
Currently Selected:
GENESIS 35: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
