GALATIANUN 5
5
1Soongekahbahwik dush emuh puggedenegahzoowining kahezhepuggedenenung Christ, kagoo kuhya menuhwah nahbekahedezookagoon ewh ahwahkaune‐nahbekahwahgun.
2Benuh, neen Paul keweenduhmoonenim, kishpin kekenoowahje‐kishkezhegooyag, kah ningood kegahoondezeseem oonje Christ.
3Menuhwah dush neweenduhmuhwaug kuhkenuh egewh enenewug kahkekenoowahje‐kishkezhoondjig, nunduhwandahgoozewaud cheguhnuhwanduhmoowaud kuhkenuh anegookwaug tebahkoonegawin.
4Kahween gagoo kegahoondezeseem oonje Christ, ahwagwan menik anduhsheyag wanje‐quuhyuk‐ezhewabeze-goozegwan emuh tebahkoonegawining; kegeöonje‐punge-shinim emuh shahwanjegawining.
5Nenuhwind suh oonje Keche‐Oojechaugoong nebee toomin ewh ahpanemoowin wanjeebahmahguk emuh dabwayanduhmoowinequuhyuk‐ezhewabezeëgoozewining.
6Emuh suh Jesus Christing kah ningood enahbuttussenoon ewh kekenoowahje‐kishkezhegahzoowin, kuhya ewh kakenoowahje‐kishkezhegahsenook; me atuh dabwayanduhmoowin anookeemahguk chesahgeëwang.
7Kegemenoo‐pemebuhtoom; ahwanan owh kahkebishkuhmoonenag chenuhittunsewag ewh dabwawin?
8Maunduh doowah dabwatuhmoowin kahween oonjeemahgussenoon ewede anduhzhe ahyaud owh nandoomenag.
9Punge sewesechegun wanje‐sewesechegahzood kuhkenuh buhquazhegun.
10Kedahpanemoonenim oonje owh Tabaningad, pukkaun weënanduhsewag: owh dush magooshkahjeënag oogahpemoondaun tebenuhwa oonahneboomegoowin ahwagwanewegwan ahyahwegwan.
11Neen dush, nejekewaëdoog, kishpin kayahbe debahdoodahmaun ewh kekenoowahje‐kishkezhegahzoowin, ahneeshwin kayahbe kooduggeëgooyaun? medush kaöonje-ishquah‐wuhsittahwanjegahdag ewh ahzhedayahtik.
12Ahpakish sahgeje‐wabenegahzoowahpun egewh magooshkahjeënagoog.
13Benuh, nejekewaëdoog, kegeëzhenundoomegoom emuh puggedenegahzoowining; kagoo ahbujjetookagoon kepuggedenegahzoowinewah cheöonje‐buhmeetuhmag ewh weyausemah, emuh atuh sahgeëdewining buhmeetahdeyook mamashquaud.
14Kuhkenuh muh ewh tebahkoonegawin guhnuhwanjegahda emuh pazhik ekedoowining, me suh oo‐oo. Debishkoo azhesahgeëdezooyun kegahezhesahgeäh keeje‐duhnuhkeewamahgun.
15Kishpin dush tuhquundeyag kuhya ahmoondeyag, nahnahgahdahwanindezooyook koonemah kegahahpeche‐bahnahjeëdim mamashquaud.
16Nindekid suh dush, Bemoosag emuh Keche‐Oojechaugoong, kah dush kegahezhechegaseem ewh manwanduhmoomahguk ewh weyausewe‐enanduhmoowin.
17Ewh suh weyausemah oosheenganemaun enewh Oojechaugoomaun, kuhya owh Oojechaugoomah oosheengandaun weyausewemah: megahdewug mamashquaud: me dush wanje‐kushketoosewag weëzhechegayag azheminwanduhmag.
18Kishpin dush suhgahbegenenag owh Keche‐Oojechaug, kahween ketebandahgoozeseem emuh tebahkoonegawining.
19Benuh, puggukkandahgwudoon weyausemah oodahnookeewinun, mesuh oonoo keche‐peshegwahdezewin, peshegwahdezewin, weenezewin, peshegwahdanduhmoowin,
20Muzzenenekawin, metawin, sheenganindewinun, wuhsittahwanindewinun, kuhgahwanindewinun, nishkahdezewinun, kekaundewinun, megahdewinun, pukkaëdewinun.
21Keshahwanindewinun, nesedewinun, kewushquabishkewinun, mujje‐wekoondewinun, mesuh oonoo doowun; oonoo dush duhzhinduhming kezhah kewahweenduhmoonenim, nahsaub mawezhah kahezhewahweenduhmoonenuhgoog, oonoo azhechegajig, kahween tahmeenahsewug Kesha‐Muhnedoo oodoogemahwewin.
22Owh dush Oojechaugoomah menekahnewid, sahgeëdewin, oonahnegwanduhmoowin, pezaunekummegezewin, zebishkahje‐kedahzoowin, bakahdezewin, keshawahdezewin, dabwayanduhmoowin.
23Nookahdezewin, nesahdezewin; kahween emuh tebahkoonegawining tebahkoonegahdasenoon oonoo doowun.
24Egewh dabandahgoozejig emuh Christing oogenetoonahwah ewh weyausemah kuhya kuhkenuh azhesahgeewamahguk kuhya azhenunduhwanduhmoomahguk.
25Kishpin bemahdezeyung emuh Oojechaugoomaung, mahnoo bemoosadah emuh Oojechaugoomaung.
26Kagoo dush nunduhwandunsedah ewh muhmequahzoowin, kagoo kahkaunjeësedah, kuhya keshahwanindesedah.
Currently Selected:
GALATIANUN 5: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
