EXODUS 27
27
1Kegahoozhetoon kuhya sahsahgewejegun‐ahbik shittim metig cheühwud, nahnoonik kaühquahmuhguk, kuhya nahnoonik kaënegookoodayahmuhguk; ewh sahsahgewejegunahbik tuhooshuhshuhwayah: nesoonik kuhya tuhuhpetah.
2Kegahoozhetoonun dush enewh kaöonjeöodashkunemuhguk ewh, emah newing nayaug: enewh oodashkunun nahsaub tahoonjeöozhechegahzoowun: kegahoozahwahbikookahdaun edush.
3Kegahoozhetoonun kuhya enewh oodoonahgunun cheühtoong emah oopingweem, kuhya enewh oomungahnebahjegunun, kuhya enewh oodoonahgunun kuhya enewh oodahjebejegunun, kuhya enewh oodishkooda‐oonahgunun: kuhkenuh enewh ahbuhjechegunun dabandahgwukkin emah oozahwahbik kegahuhyoon oozhetooyun.
4Kegahoozhetoon dush ewh oonje oozahwahbikoo‐ahbuhje-chegun uhsuhbeeng azhenahgwuk; oogijuhyeëe dush emah ahbuhjecheguning kegahoozhetoonun newin oozahwahbikoo-wahweyayahbekudoon emah newing nayaug ewh.
5Kegahuhtoon dush uhnaumuhyeëe emah oogijuhyeëewung ahbuhjegunahbik ewh sahsahgewejegunahbik duhbuhzheesh, ewh dush ahbuhjechegun cheühgoodag emah goo nahwuhyeëe ewh sahsahgewejegun ahbik.
6Kegahoozhetoonun kuhya metigoonsun ewh sahsahgewejegunahbik oonje, shittim‐metigoonsun, kegahoozahwahbikookahdahnun edush.
7Enewh dush metigoonsun tuhpeenjesejegahdawun emah wahweyayahbekudoong, enewh dush metigoonsun tahahtawun emah neenzhing ezheöopemaühyeëwung ewh sahsahgewejegunahbik, cheöonjebemewedoong.
8Kegahweembahtoon nuhbuhgesuhgoog cheühwudwah: kahezhewahbunduhegooyun egoo emah wuhjewing, me ewh kaëzhetoowaud.
9¶ Kegahoozhetoon kuhya ewh wuhyahkahkenegahdag emah puhpuhgewuhyahne‐ahnuhmeäwegummegoong: emah shahwuhnoong enuhguhkayah tuhuhgoodawun uhgoobejegunun kadebandahgwukkin emah ewh wuhyahkahkenegahdag, wanesheshing puhpuhgewuhyahnegin cheühyoong enewh oozhetoong ningoodwauk dussoonik aquagukkin emah pazhig ezheoopemaühyeëewung:
10Enewh dush neeshtuhnuh ahswahquuhegunun dabangwukkin emah kuhya enewh uhshoojesejegunun dabandahgwukkin emah tahoozahwahbikoowunoon; enewh suhgahquuhegunun dabandahgwukkin emah ahwahquuheguning kuhya enewh uhsuhbahbeen dabandahgwuhkin emah tahooshooneyahwewunoon.
11Emah dush kuhya kewadenoong enuhkuhkayah akoosing tuhuhgoodawun uhgoobejegunun ningoodwauk dussoonik aquagukkin, kuhya enewh neeshtuhnuh ahswahquuhgunun dabandahgwukkin emah kuhya enewh neeshtuhnuh oozahwahbikoo‐uhshoojesejegunun dabandahgwukkin emah ahswahquuheguning kuhya enewh shooneyahwuhsuhbahbeen dabandahgwukkin emah.
12¶ Ewh dush ween anegooquuhdasing ewh wuhyahkahkenegahdag emah apungeshemoog enuhkuhkayah tahuhgoodawun uhgoobejegunun nahnemeduhnuh dussoonik aquagukkin: enewh ahswahquuhegunun dabandahgwukkin emah medahswe, kuhya enewh uhshoojesejegunun dabandahgwukkin emah medahswe.
13Emah dush wahbunoong enuhkuhkayah, ewh wuhyahkahkenegahdag nahnemeduhnuh dussoonik tuhenegooquuhdayahmuhgud.
14Enewh nhgoobejegunun emah ingooding ezhepuhkaüh-yeëewung ewh ishquaundam medahswe uhshe nahnoonik tuhuhquaguhdoon: enewh ahswahquuhegunun dabandahgwukkin emah neswe, kuhya enewh uhshoojesegunun dabandahgwukkin emah neswe.
15Ewede kuhya ahzhuhwuhyeëe tahuhgoodawun uhgoobejegunun medahswe uhshe nahnoonik aquagukkin: enewh ahswahquuhegunun dabandahgwukkin emah neswe, kuhya enewh uhshoojesejegunun dabandahgwukkin emah neswe.
16¶ Emah kuhya ishquaundamewung ewh wuhyahkahkenegahdag tuhuhgooda uhgoobejegun neeshtuhnuh dussoonik aquaguk, me oonoo kaühyoong ewh oozhetoong ewh wazhahwushquaug, kuhya ewh mahnaundag, kuhya ewh masquaug, kuhya wanesheshing puhpuhgewuhyahnegin, shahboonegun kegahuhyoon enewh ezhetooyun: enewh dush ahswahquuhegunun dabandahgwukkin emah tahnewinoon, kuhpa uhshoojesejegunun dabandahgwukkin emah tahnewinoon.
17Kuhkenuh enewh ahswahquuhegunun kahwetahkedagin emah ewh wuhyahkahkenegahdag tahduhkoobejegahdawun ewh shooneyahwuhsuhbaub oonje; enewh ahjebejegunun dabandahgwukkin emah tahooshooneyahwewunoon, kuhya enewh uhshoojesejegunun dabandahgwukkin emah tahoozahwahbikoowunoon.
18¶ Ewh wuhyahkahkenegahdag ningoodwauk dussoonik tahuhkoosin, kuhya nahnemeduhnuh mezewa tuhenegooquuhdasin, kuhya nahnoonik tahuhpetah, wanesheshing puhpuhgewuhyahnegin tahuhyoom enewh oozhetoong, kuhya enewh uhshoojesejegunun dabandahgwukkin emah tahoozahwahbikoowunoon.
19Kuhkenuh enewh uhyahbuhjetoongin emah puhpuhgewuhyahne‐ahnuhmeä‐wegummegoong, uhnooj egoo azheühnookahzoong emah, kuhya kuhkenuh enewh suhgahquuhoonun dabandahgwukkin emah, kuhya kuhkenuh enewh suhgahquuhoonun emah ewh wuhyahkahkenegahdag, tahoozahwahbikoowunoon.
20¶ Kegahkuhgaunzoomaug kuhya Israel oonejahnesun, chebeduhwikwah ahpeche wanesheshing metigoo‐bemeda paketaëgahdag cheöonjewahsnhkoonuhwang, cheöonjewahkoonag dush kahgenig ewh wahsuhkoonanjegun‐ahbik.
21Emah oopuhpuhgewuhyahne‐ahnuhmeäwegummigoowaung egewh muhyahwunjeëdejig uhgwuhjuhyeëe emah kebuhgoojeguning, ewh atag anahsuhmesing ewh debahjemoowin, Aaron kuhya enewh oogwissun oogahaungwahmenahnahwah uhpe wanahgooshegin nuhnaunzh egoo kakezhabahwuhgukkin emah anahsuhmenid Jehovahun: kahgenig oo‐oo enahkoonegawin oogahguhnuhwandahnahwah menik kaneähnekabemahdezewaud, Israel oonejahnesun oonje.
Currently Selected:
EXODUS 27: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
