EXODUS 26
26
1Kegahoozhetoon suh dush kuhya ewh puhpuhgewuhyahne‐ahnuhmeä‐wegummig cheühyooyun medahswe uhgoobejegunun me oonoo kaähbuhjetooyun enewh oozhetooyun wanesheshing buhbuhgewuhyahnegin, kuhya ewh wazhahwushquaug, kuhya ewh mahnaundag, kuhya ewh masquaug: chenahgoozewaud emah egewh cherubug manwahbuhmenahgoozejig kegahbemedahbegeneguhneka.
2Ewh pazhig uhgoobejegun neeshtuhnuh uhshe shwahswe dussoonik tuhuhquagud, kuhya ewh pazhig uhgoobejegun newoonik tuhenegooquuhdayegud: anduhchingin kuhya enewh uhgoobejegunun tuhpazhigwun kaëzhedebuhuhming.
3Enewh nahnun uhgoobejegunun tahahnekagwahdawun; enewh kuhya ahnind nahnun uhgoobejegunun tahahnekagwahdawun.
4Kegahoozhetoonun dush oozhahwushkoo‐tuhkoobejegunun emah tetebegwahdag ewh pazhig uhgoobejegun emah weähnekatoong enandahgwuk; me dush kuhya oo‐oo kaëzhechegayun emah uhgwuhjuhyeëe tetebegwahdag ewh menuhwah pazhig uhgoobejegun, emah ewh menuhwah pazhig wetetebegwahdag.
5Nahnemeduhnuh tuhkoobejegunun kegahoozhetoonun emah pazhig uhgoobejeguning, kuhya nahnemeduhnuh tuhkoobejegunun kegahoozhetoonun emah tetebegwahdag ewh uhgoobejegun atag emah weähnekatoong ewh menuhwah pazhig; chenuhquashkoodahdemuhgukkin dush enandahgwud enewh tuhkoobejegunun.
6Kegahoozhetoonun kuhya nahnemeduhnuh oozahwe‐shooneyah suhgahquuhegunun, kegahminjemuhpedoonun dush enewh uhgoobejegunun enewh suhgahquuhegunun oonje: me dush cheähwung pazhig puhpuhgewuhyahne‐ahnuhmeä‐wegummig.
7¶ Kegahoozhetoonun kuhya mesahboozoo‐pewuhye‐uhgoobejegunun cheöonjeühgwuhnuhegahdag dush ewh puhpuhgewuhyahne‐ahnuhmeä‐wegummig: medahswe uhshe pazhig uhgoobejegunun kegahoozhetoonun.
8Pazhig uhgoobejegun nesmeduhnuh‐dussoonik tahenegooquagud, kuhya pazhig uhgoobejegunun newoonik tahenegookwuhdayegud: enewh dush medahswe uhshe pazhig uhgoobejegunun tuhpazhigwun kuhkenuh kaëzhetebuhegahdagin.
9Kegahahnekagwahdaunun dush nahnun uhgoobejegunun chepazhegwung, kuhya ningoodwahswe uhgoobejegunun chepazhigwung, kuhya ewh nangoodwahching uhgoobejegun kegahbishkegenaun emah wanjepeendegamoog ewh puhpuhgewuhyahne‐ahnuhmeä‐weguhmig.
10Kegahoozhetoonun dush nahnemeduhnuh tuhkoobejegunun emah tetebegwahdag ewh pazhig uhgoobejegun uhgwuhyeëe agoodag emah weminjemuhpedoong, kuhya nahnemeduhnuh tuhkoobejegunun emah tetebegwahdag ewh uhgoobejegun manjemoosing emah ewh menuhwah pazhig.
11Kegahoozhetoonun dush nahnemeduhnuh oozahwahbikoosuhgahquuhegunun, kegahpeenjesedoonun dush enewh suhgahquuhegunun emah tuhkoobejeguning, kegahahnekapedoon dush ewh puhpuhgewuhyahne‐ahnuhmeä‐wegummig, cheöonjepazhigwung.
12Ewh dush ashkoosag enewh uhgoobejegunun dabandahgwukkin emah puhpuhgewuhyahne‐ahnuhmeä‐wegummegoong, ewh ahbetuhuhgoobejegun ashkoosag tahuhgooda emah oopequuhnahwung enuhguhka ewh puhpuhgewuhyahne‐ahnuhmeä‐wegummig.
13Ningoodoonik dush oomah enuhguhka, kuhya ningoodoonik ewede enuhguhka emah uhyaug ewh ashkoosag emah azhesingin enewh uhgoobejegunun dabandahgwukkin emah puhpuhgewuhyahne‐ahnuhmeä‐wegummegoong, tahuhgoodamuhgud emah oopemaühyeëewung ewh puhpuhgewuhyahne‐ahnuhmeä‐wegummig oomah enuhguhkayah kuhya ewede enuhguhkayah, cheühgwuhnuhegahdag.
14Kegahoozhetoon kuhya ewh kaöonjeühgwuhnuhegahdag ewh puhpuhgewuhyahne‐ahnuhmeä‐wegummig, cheühwudwah nahbamahnishtahnishewuhyahnug masquuhdissoonjig, kuhya ewh kaöonjeühgwuhnuhegahdag ishpeming, cheühwudwah mesuhkuhkoojeeshewuhyahnug.
15¶ Kegahoozhëaug kuhya nuhbuhgesuhgoog kadebandhgoozejewaud emah puhpuhgewuhyahne‐ahnuhmeä‐wegummegoong, shittim metig kaühwud kabuhduhkeninjig.
16Medahsoonik tahuhquahkooze pazhig nuhbuhgesug, kuhya ningoodoonik uhshe ahbetuh tahenegooquuhdaze pazhig nuhbuhgesug.
17Tuhneenzhenoon enewh ooninjeemaung kaëzhenahgwukkin emah pazhig nuhbuhgesuhgoong wawane kaühchegahdagin: me suh nahsaub oo‐oo kaühyindooduhwudwah kuhkenuh egewh nuhbuhgesuhgoog dabandahoozejig emah puhpuhgewuhyahne‐ahnuhmeä‐wegummegoong.
18Kegahoozheäug dush egewh nuhbuhgesuhgoog kadebandahgoozejig emah puhpuhgewuhyahne‐ahnuhmeä‐wegummegoong, neshtuhnuh nuhbuhgesuhgoog emah shahwuhnoong enuhkuhkayah.
19Kegahoozhetoonun kuhya nemeduhnuh shooneyah uhshoojesejegunun uhnaumuhyeëe uhbewaud egewh neeshtuhnuh nuhbuhgesuhgoog; neenzh uhshoojesejegunun uhnaumuhyeëe pazhig nuhbuhgesug oonje enewh neenzh ooninjeemaung azhenahgwukkin, kuhya neenzh uhshoojesejegunun uhnaumuhyeëe menuhwah owh pazhig nuhbuhgesug oonje enewh neenzh ooninjeemaung azhenahgwukkin.
20Emah kuhya kewadenoong enuhguhkayah ewh puhpuhgewuhyahne‐ahnuhmeä‐wegummig tuhuhyahwug neeshthnuh nuhbuhgesuhgoog:
21Enewh kuhya nemeduhnuh shooneyah uhshoojesejegunun; neenzh uhshoojesejegunun uhnaumuhyeëe emah buhduhkezood pazhig nuhbuhgesug, kuhya neenzh uhshoojesejegunun uhnaumuhyeëe emah buhduhkezood owh menuhwah pazhig nuhbuhgesug.
22Emah kuhya oopemaühyeëewung ewh puhpuhgewuhyaune‐ahnuhmeä‐wegummig apungeshemoog enuhkuhkayah kegahoozheäug ningoodwahswe nuhbuhgesuhgoog.
23Neenzh kuhya nuhbuhgesuhgoog kegahoozheäug chebuhduhkezoowaud emah nuhnayaug ewh puhpuhgewuhyahne‐ahnuhmeäwegummig emah neenzhing ezheöopemaühyeëewung.
24Tahminjemuhpenegahzoowug dush duhbuhsheesh, kuhya tahminjemuhpenegahzoowug ishpeming emah pazhig wahweyayahbekudoong: me suh oo‐oo kaühyindooduhwudwah nuhyanzh; tahdebandahgoozewug emah neenzhing ezhewequasuhgaug.
25Tahshwahchewug dush egewh nuhbuhgesuhgoog, kuhya enewh shooneyah uhshoojesejegunun, medahswe‐ahshe‐ningoodwahswe uhshoojesejegunun; neenzh uhshoojesejegunun uhnaumuhyeëe pazhig nuhbuhgesug, kuhya neenzh uhshoojesejegunun uhnaumuhyeëe menuhwah pazhig nuhbuhgesug.
26¶ Kegahoozhetoonun kuhya bemedahquuhegunun shitim metig doowun; nahnun oonje egewh nuhbuhgesuhgoog emah pazhig oopemaühyeëewung ewh puhpuhgewuhyahne‐ahnuhmeäwegummig.
27Nahnun kuhya bemedahquuhegunun oonje egewh nuhbuhgesuhgoog ayahjig emah menuhwah pazhig oopemaühyeëewung ewh puhpuhgewuhyahne‐ahnuhmeäwegummig, kuhya nahnun bemedahquuhegunun oonje egewh nuhbuhgesuhgoog emah ishquaühyeëewung ewh puhpuhgewuhyahne‐ahnuhmeäwegummig, oonje enewh emah neenzhing wequasuhgaug‐apungeshemoog enuhguhkayah.
28Ewh dush nahwuhyeëe bamedahkoosing emah nahwuhyeëe uhyahwaud egewh nuhbuhgesuhgoog tahtabahquauk-quuhmoo emah ishquaühyeëewung nuhnaunzh egoo ewede nuhpauj enuhguhkayah.
29Kegahoozahweshooneyahkahnaug suh kuhya egewh nuhbuhgesuhgoog, kegahuhnooke kuhya cheöozahweshooneyahwungin enewh wahweyayahbekudoon emah kapeenjesedoong enewh bemedahquuhegunun: kegahoozahweshooneyahkahdahnun kuhya enewh bemedahquuhegunun.
30Kegahpuhduhkesedoon suh dush ewh puhpuhgewuhyahne‐ahnuhmeäwegummig nahsaub egoo azhenahgwuk ewh kahwahbunduhegooyun emah wuhjewing.
31¶ Kegahoozhetoon kuhya kebuhgoojegun, oonoo cheühyooyun uhpe oozhetooyun, wazhahwushquaug, kuhya mahnaundag, kuhya masquaug, kuhya wanezheshing buhbuhgewuhyahnegin kamuhmaundahwenahgwuk: cherubug dush emah chenahgoozewaud:
32Kegahuhgoodoon dush emah enewh newin ahswahquuhegunun shittim‐metigwuhyeëen, wazahweshooneyahkahdagin: enewh oosuhgahquuhegunemewaun tuhoozahweshoone-yahwuhnoon, oogijuhyeëe emah enewh newin shooneyah‐uhshoojesejegunun.
33¶ Kegahuhgoodoon kuhya ewh kebuhgoojegun uhnaumuhyeëe enewh suhgahquuhegunun, chepeendeguhdooyun dush emah peendig ewh kebuhgoojegun, ewh debahjemoowine‐mukuk: ewh dush kebuhgoojegun tahnanahwenuhmahgamuhgud keen oonje, nesuhwuhyeëe cheühgoodag emah ewh kachetwahwandahgwuk kuhya ewh muhyahmuhwe‐kechetwahwandahgwuk.
34Kegahhuhtoon dush ewh shahwanjega‐uhgweduhbewin oogijuhyeëe emah debahjemoowine‐mukkukoong emahmuh-yahmuhwe‐kechetwahwandahgwuk.
35Kegahpuhgedenaun kuhya ewh uhdoopoowin uhgwahjühyeëe emah kebuhgoojeguning, kuhya ewh wahsuhkoonanjegun‐ahbik debishkoo ewh uhdoopoowin emah enuhkuhka ewh puhpuhgewuhyahne‐ahnuhmeäwegummig shahwuhnoong enuhkuhkayah: kegahuhtoon dush ewh uhdoopoowin kewadenoong enuhkuhkayah.
36Kegahoozhetoon dush ewh kaühgoodag emah ishquaundamewung ewh puhpuhgewuhyahne‐ahnuhmeäwegummig, me oonoo kaühyooyun uhpe oozhetooyun, ewh wazhahwushquaug, kuhya ewh mahnaundag, kuhya ewh masquaug, kuhya wanesheshing puhpuhgewuhyahnegin, shahboonegun kegahuhyoon ewh oozhetooyun.
37Ewh dush kaühgoodag kegahoonjeöozhetoonun nahnun ahswahquuhegunun shittim‐metigwuhyeëen, kuhya kegahoozahweshooneyahkahdaunun enewh, kuhya suhgahquuhegunun debandahgwukkin emah tahoozahweshooneyahwewuhnoon: kegahoozhetoonun kuhya nahnun oozahwahbikoo-uhshoojesejegunun enewh oonje.
Currently Selected:
EXODUS 26: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
