EXODUS 24
24
1Oo‐oo dush oogeënaun enewh Mosesun, Penaunzekuhwik owh Jehovah oogedahkewayag, keen, kuhya Aaron, Nadab kuhya Abihu, kuhya neenzhwahsemeduhnuh ahkewazeyug Israelitug: wahsuh dush ween kenuhwah oonjeähnuhmeähyook.
2Moses dush atuh pashoo oogahnaunzekuhwaun enewh Jehovahun; egewh dush ween kahween pashoo tahpeëzhahsewug; kahween kuhya egewh ahnishenahbag oogahweejewahsewaun enewh.
3¶ Moses dush kepeëzhah, keweenduhmuhwaud dush enewh ahnishenahban kuhkenuh enewh oodekedoowinene Jehovahun, kuhya kuhkenuh enewh enahkoonegawinun: kuhkenuh dush egewh ahnishenahbag kepazhigwunene kahezhenuhquatuhmoowaud oo‐oo keëkedoowaud, Kuhkenuh enewh ekedoowinun Jehovah kahekedood, ningahezhechegamin.
4Moses dush oogeöozhebeähnun kuhkenuh enewh oodekedoowinun owh Jehovah, ahpeche dush kakezhabahwuhgudenig keöonishkah, keöozhetood dush sahsahgewejegun‐ahbik emah nesahke wuhjewing, kuhya medahswe‐ahshe‐neenzh uhsine-ahswahkwuhegunun, anduhswayuhgezid egoo owh Israel ewh medahswe‐ahshe‐neenzhwuhyuhgezid.
5Oogeëzhenahzhuhwaun dush enewh washkenuhwawenejin emah uhyahwaud Israel oonejahnesun, kahsahsahgewejeganid chahgida‐sahsahgewejegunun, kuhya kahpuhgedenuhmuhwahnid enewh Jehovahun pezauneëwa‐meegewawinun uhnooke‐pezhekewun suh goo.
6Moses dush ahbetuh ewh misque oogeöodahpenaun, oonahguning dush oogeühtoon; ahbetuh dush kuhya ewh misque oogeühyoon kesuhswabeguhundung ewh sahsahgewejegun‐ahbik.
7Oogeöodahpenaun dush ewh wahweenduhmahgawine-muhzenuhegun, keühginduhmuhwaud dush enewh ahnishenahban: oo‐oo dush keëkedoowun, Kuhkenuh kahekedood owh Jehovah ningahezhechegamin, kuhya ningahnuhittuhwahnaun.
8Moses dush oogeöodahpenaun ewh misque, kesuhswabeguhunduhwaud dush enewh ahnishenahban, oo‐oo dush keëkedood, Benuh ewh misque dabandahgwuk emah wahweenduhmahgawining, ewh kahoozhetuhmoonenag owh Jehovah, kuhkenuh oonoo ekedoowinun oonje.
9¶ Me dush keoogedahkewad Moses, kuhya Aaron, Nadab, kuhya Abihu, kuhya neenzhwahsemeduhnuh egewh akewazeyewe Israelitug.
10Oogewahbuhmahwaun dush Israel oo‐Kesha‐Muhnedoomun: ahnaum oositauning dush kenahgwud ewh nindego azhenekahdag sapphire uhsin ühwind, kuhya nindego ewh kezhig uhpe ahpeche mazhuhkwukkin.
11Egewh dush nahgahnandahgoozejig emah uhyahwaud Israel oonejahnesun kahween oogepuhketaöogoosewaun enewh: oogewahbuhmahwaun dush kuhya enewh Kesha‐Muhnedoon, kewesenewaud dush kuhya kemenequawaud.
12¶ Jehovah dush oo‐oo oogeënaun enewh Mosesun, Penaunzekuhweshin emah oojewing wuhgedahkewayun, uhyaun dush emah: kegahmeenin dush tasahbikoon, kuhya enahkoonegawin, kuhya kuhgequawinun enewh kahoozhebeühmaunin; chekekenooühmuhwudwah dush.
13Moses dush kepuhzegwe, kuhya enewh oomezhenuhwamun Joshuaün: Moses dush Kesha‐Muhnedoo oowuhjewing keëzheöogedahkewa.
14Oo‐oo dush oogeënaun enewh uhkewazeyun, Peëshenaum oomah, nuhnaunzh egoo menuhwah peöodesegooyag: benuh dush, Aaron kuhya Hur keweejewegoowaug: kïshpin ahweyah nunduhwandung tebahkoonegawin, mahnoo oogahezhahnun enewh.
15Moses dush emah wuhjewing keëzheoogedahkewa, ahnuhquud dush keühgwuhnesin emah wuhjewing.
16Oopeshegandahgoozewin dush owh Jehovah keduhnezemuhgudene emah Sinai wuhjewing, kuhya keningwahnuhquud emah ningoodwahsoogoon: uhpe dush naunzhwahsoo‐kezhiguk emah nahwahnuhquudoong oogeöonjenundoomaun enewh Mosesun.
17Oopeshegandahgoozewin dush owh Jehovah nindegoo ewh chuhyahgahkezoowamuhguk ishkooda, keëzhenahgwudene emah oogij‐wuhjewing, emah anahsuhmishkeenzhegwanid enewh Israel oonejahnesun.
18Moses dush nahwahnuhquudoong keëzhah, kuhya emah wuhjewing keoogedahkewa: Moses dush keduhneze emah wuhjewing nemeduhnuh dussoogoon kuhya nemeduhnuh dussoo tebik.
Currently Selected:
EXODUS 24: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
