EXODUS 23
23
1Kahween kegahkuhkenuhwishke‐duhzhingase: kahween kegahwedookuhwahse owh maje‐ezhewabezid chemujje‐debahjemooyun.
2¶ Kahween kegahnoopenuhnahseeg egewh muhyahmuhwenoojig chemujje‐ezhechegayun; kahween kuhya, uhpe kekedooyun, tebahkooneding, kegahwedookuhwahseeg egewh nuhwuj buhyahtuhyenoojig, buhkaun dush cheëzhetebahkoonegang:
3¶ Kahween kuhya kegahkedemahganemahse owh kademahgezid uhpe tebahkoonind.
4¶ Kïshpin nuhquashkuhwemud owh shaunganemik ooduhnooke‐pezhekeemun gamah kuhya oomamaungeshaëmun wuhneshenenid, ahbedakummig nayaub kegahkewawe-duhmuhwah.
5Kïshpin wahbuhmemud oomamaungeshaëmun owh shaunganemik noondapungeshenenid ewh bemewuhnanid, shahgwanemooyun dush cheweedookuhwud, ahbedakummig kegahweedookuhwah.
6Kahween kegahweekoojetooseen quuhyuk chetebahkoonahsewind owh kedahneshenahbam kademahgezid uhpe tebahkoonind.
7Mewetoon kuhkenuhwishke‐debahjemoowin; owh kuhya maje‐ezhewabezesig manoo‐ëzhewabezid kahween kegahnesahse: kahmahween quuhyuk ezhewabeze ningahenanemahse owh maje‐ezhewabezid.
8¶ Kahween kuhya kegahoodahpenunseen gagoo meegewawin; ewh mah meegewawin ookuhgebeengwashkahgoonahwah egewh nabwahkahjig, kuhya oonje nishwuhnahjekeezhwawug egewh quayuk‐ezhewabezejig.
9¶ Kahween kuhya kegahgooduggeähse owh mayuhgezid; kekekandahnahwah mah ayenandung owh mayuggezid, kuhya kenuhwah mahween kegemuhyuggezim emah Egypt duhzhe uhkeeng.
10Ningoodwahsoo‐pepoon kuhya kegahsuhswawabenega keduhkeeming, kuhya kegahmahwunjetoonun enewh natahwegingin emah:
11Neenzhwahsoo‐pepoonuhguk dush ween kegahpoonetoon chepezaunesing edush; egewh dush katemahgezejig emah uhyahwaud kedahnishenahbamug chewesenewaud: ewh dush ashquunduhmoowaud egewh mushkooda‐ahwaseyug oogahmeejenahwah. Me goo nahsaub kadooduhmun ewh keshoowemene‐ketegaun, kuhya ewh kedoliveëminuhgahwunzhe‐ketegaun.
12Ningoodwahsoogoon kegahuhnooke, uhpe dush neenzhwahsoo kezhiguk kegahaunwab: owh dush keduhnooke pezhekeem kuhya owh kemamaungeshaïm cheäunwabewaud, kuhya dush oogwissun owh kebuhmeetahgunequam, kuhya owh mayuggezid cheäunwabid.
13Emah dush menik kahuhyenenuhgoog aungwahmezeyook: kagoo dush wahweendunkan oodezhenekahzoowinewah egewh bakahnezejig muhnedoog, kagoo kuhya kedooning ewh tahoonjenoondunseem.
14¶ Nesing ewh ningoo‐pepoon kegahahnuhmeä‐weekoondim emah anahsuhmeyaun.
15Kegahkuhnuhwandaun ewh wambesejegahzoosig‐buhquazhegune‐weekoongawin: (kegahaumwah owh wambesejegahzoosig buhqwazhegun neenzhwahsoogoon, kahezhekuhgaunzoomenaun egoo, ewh goo uhpe kahenahkoonegahdag, uhpe uhgoojing owh Abib keezis; me mahween ewh uhpe kahoonjesahguhuhmag Egypting: kahween kuhya pezheshig ahweyah oogahwahbunduhewaseen weyowh emah anahsuhmeyaun:)
16Kuhya ewh keeshkushkezhegawine‐weekoongawin, uhpe kemahwunjetooyun enewh netum kahzhegingin kahuhnookahtuhmun, kahsuhswawabenuhmumbun emah ketegauning: kuhya ewh mahwunjechegawine‐weekoongawin, uhpe zhegwuh wahkuhbekoosag ewh kekenoonoowin, uhpe kesahgeje-wetooyun emah ketegauning enewh kahuhnookahduhmunin.
17Nesing ewh ningoo‐kekenoonoowin kuhkenuh kedenenemug oogahwahbunduhewanahwaun weyowewaun emah anahsuhmeühyaud Jehovah Kesha‐Muhnedoo.
18Kahween kegahduhgoo‐sahsahgewejegaseen owh wambesejegahzood buhquazhegun, uhpe sahsahgewejegayun ewh nesahsahgewejegune‐misque; kahween kuhya ewh wenin emah nesahsahgewejeguning tuhuhtasenoon nuhnaunzh egoo chewahbung.
19Enewh ahpeche goo netum kahzhegingin keduhkeeming kegahpeendeguhdoonun emah oowegewauming owh Jehovah keKesha‐Muhnedoom. Kahween kegahkuhbahshemahse mesahboozoons emah oodoodooshahboomening oogeen.
20¶ Benuh, nindezhenaunzhuhwah Angen emah anahsuhmeyun, cheguhnuhwanemik emah kaneëzhahyun, kuhya chepeendegunik emah kahwuhwazhetuhmoonaun.
21Nahnahguhduhwahbum, kuhya nuhittow, kagoo nishkeähkan: kah mah kegahahbwayanemegoose kemujje‐dooduhwud: ooduhyaun mah nindezhenekahzoowin.
22Kïshpin dush ween kagate nuhittuhwud, kuhya ezhechegayun kuhkenuh akedooyaun: me suh chemegahnugwah egewh mahgahnikig, kuhya chesheenganemugwah egewh shaunganemikig.
23Owh mah nindAngenim tahnegahne, emah kaneëzhahyun kegahezhewenig dush emah uhyahwaud egewh Amoritug, kuhya egewh Hittitug, kuhya egewh Perizzitug, kuhya egewh Canaanitug, egewh Hivitug, kuhya egewh Jebusitug: ningahnishwuhnahjeäug dush.
24Kahween kegahoojecheengwuhnetuhwemahseen oomuhnedoomewaun, kahween kuhya kegahbuhmeetuhwemahseen, kahween kuhya kegahkekenuhwahbuhmahseeg azhechegawaud: kegahwuhweenga‐nishwuhnahjeemaun atuh, kuhya kegahwuhweenga‐pegwuhuhmuhwaug enewh oomuzzenenemewaun.
25Kegahbuhmeetuhwahwah dush owh Jehovah Ke‐Kesha‐Muhnedoomewah, kegahshuhwanduhmauk dush enewh kebuhquazhegunemun, kuhya ewh kenebeem; kegahekoonuhmoon kuhya ahkoozewin emah nahwuheëe uhyahyun.
26¶ Kahween ewh neshewin tahkekandahgwuhsenoon, kahween kuhya ewh oonejahneseseeng, emah keduhkeeming: ningahdebishkoosedoonun anduhchingin kekezhigudoomun.
27Kegahnegahnenahzhuhuhmoon nesageëwawin, ningahnishwuhnahjeäug dush kuhkenuh egewh ahnishenahbag kaëzhahyunig, ningahenahkoonega kuhya kuhkenuh egewh shaunganemikig cheöozhemikwah.
28Kegahnegaunenahzhuhuhmoon kuhya ahmoog, kasahgejenahzhuhwahjig enewh Hivitun, enewh Canaanitun, kuhya enewh Hittitun, emah anahsuhmeyun oonje.
29Kahween emah anahsuhmeyun ningahoonjesahgejenah-zhuhwahseeg ningoo‐pepoonuhguk; chebuhgwuhduhkumme-gahsenoog emah uhkeeng, kuhya chebahtuhyenoosigwah egewh mushkooda‐uhwaseyug chemuhmaunzheësenoowagwah.
30Papunge egewh kegahsahgejenahzhuhuhmoon emah anahsuhmeyun, nuhnaunzh egoo ashkum pahtuhyenoowun kuhya tebanduhmun ewh uhke.
31Ningahenahkoonega kuhya oo‐oo cheënegooquaug, keduhkeem emah misquahgumme‐kechegummeeng cheöonjemahduhkummegesing ewede dush ookechegummemewah egewh Philistinug chewuhyaquahyaug, kuhya emah buhgwuhduhkummig ewede dush sebeeng kegahpuhgedenuhmoon mah egewh wahdatoojig emah uhkeeng; kegahsahgejenahzhuhwaug dush emah anahsuhmeyun.
32Kahween gagoo kegahwahweenduhmuhwahseeg, kahween kuhya enewh oomuhnedoomewaun.
33Kahween tahduhnuhkesewug emah keduhkeeming, chekushkeësenookwah dush chemujje‐dooduhweyun: kïshpin mahween buhmeetuhwemudwah oomuhnedoomewaun, me emah ahbedik kaöonjenuhgwahnegooyun.
Currently Selected:
EXODUS 23: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
