EXODUS 15
15
1Me dush Moses kuhya Israel oonejahnesun kenuhguhmoo-tuhwahwaud oo‐oo nuhguhmoowin enewh Jehovahun, kuhya kekekedoowaud, oo‐oo keëkedoowaud. Ningahnuhgumootuhwah Jehovah, kekeche‐muhmaunzhetwah mah; enewh papazhigoogunzheen kuhya enewh bamoomahnepun oogebuhkoobewabenaun kechegummeeng.
2Jehovah nemushkuhwezewin ahwe, me kuhya owh naguhmootuhwug, nimbemahjeëwawin suh dush kuhya ahwe: me owh ne‐Kesha‐Muhnedoom, ningahwuhwazhetuhmuhwah dush emah kadaud; noosebun oo‐Kesha‐Muhnedoomun ningahwahwezhanemah dush.
3Jehovah megahzoo‐wenenewe: Jehovah ezhenekahzoo.
4Pharaohun ootetibedahbaunene kuhya ooshemahgunisheemene oogebuhkoobewabenaun kechegummeeng: enewh kuhya kahwuhwanahbuhmemind oodoogemahmene kenesahbahwawun emah Misquahgumme‐kechegummeeng.
5Oogeühgwuhnuhoogoonahwah ewh kechegumme: ahsineeng keëzhegoonzahbewug.
6Kekecheninj O Jehovah, peshegandahgwud oonje mushkahwezemuhguk: kekecheninj, keühyooyun, O Jehovah, kegeshahshahgooshkuhwaug egewh shaunganemikig.
7Kekechepeshegandahgoozewining kegewabeshemaug egewh mahgahnekebuneeg: kegemahjenaunzhuhaun kenishkahdezewin, ewh kachahgahkezoogoowaud, debishkoo mushkoosewing.
8Kenasayun kuhya, kemahwundoogummesawun enewh nebeen, keöoquesenoon enewh nebeen, kuhya kemushkuhwuhjewug tegoowug nahwuhgaum kechegummeeng.
9Egewh shaunganjegajig oo‐oo keëkedoowug ningahnoosoonaöowa, ningahahdemeëwa, ningahmahduhooke enewh ooduhyeëmewaun egewh kamuhmaunzheïnjig; ningahnuhan-duhmeëdiz ewh menik kadooduhwugwah; ningahkechegoobetoon nindahzhuhwashkoom, oogahbuhnahjeëgoonahwah neninj.
10Kegepoodahjega kenooding, oogeähgwuhnuhoogoonahwah ewh kechegumme: ushkekoomauning keëzhegoonzahbewug emah keche‐demeeg.
11Ahwanan anandahgoozid keen anandahgoozeyun, O Jehovah, menik anduhchewaud egewh muhnedoog? ahwanan anandahgoozid keen anandahgoozeyun kechetwahwandahgoozewining, kwatahmegwandahgoozeyun wuhwezhanduhmoowining, mamaundah‐wuhnookeyun?
12Kegesheebenaun kekecheninj, oogegoonegoonahwah ewh uhke.
13Keshahwanjegawining kekesahgejewenaug egewh ahnishenahbag kahkeshpenuhnudjig: kegeëzhewenaug kemushkuhwezewining ewede kekechetwah‐wegewauming.
14Egewh ahnishenahbag tuhnoondahgawug, tahsagezewug dush: kushkanduhmoowin oogahbuhgummishkahgoonahwah egewh anduhnuhkeejig Palestinaïng.
15Me dush egewh Edom duhzhe oogemaug chemahmuhkahdanduhmoowaud; egewh mashkuhwezejig emah Moabing nuhningebenegoowin oogahpuhgummishkahgoonahwah; kuhkenuh egewh Canaan duhzhe ahnishenahbag tuhnuhningedaäwug.
16Nuhningebenegoowin kuhya sagezewin oogahuhpugguhzekahgoonahwah; kemushkuhwenekawin tahoonjepezaun ühyahwug debishkoo absineeng; nuhnaunzh egoo ahzhuhwuhoowaud kedahnishenahbamug, O Jehovah, nuhnaunzh egoo ahzhuhwuhoowaud egewh ahnishenahbag, kahkishpenuhnudjig.
17Kegahpeendegunaug, kegahpuhduhkeäug dush emah wuhjewing, kedebandahsoowining, emah, O Jehovah, kahoozhetuhmahzooyun cheduhnuhkeeyun, emah kechetwah‐wegewauming, ewh kahmushkuhwesetooyun, O Jehovah.
18Jehovah tuhkeche‐oogemahwe kahgenig kuhya kahgenig.
19Pharaoh mah oopapazhigoogunzheemun kuhya ootetibedahbaunun kuhya ooshemahgunisheemun papazhigoogunzheen bamoomegoonejin keënahwuhnedewun kechegummeeng, Jehovah dush oogeëzhenaunzhuhuhmuhwaun enewh kechegummeeng duhzhe nebeen; Israel dush ween oonejahnesun emah pangwuhkummegahnig kepemoosawun, nahwuhgaum kechegummeeng.
20¶ Miriam dush owh aunwahchegaqwa, Aaron ooduhwamaun, oogeöodahpenaun tawaëgunun ooninjeeng; oogenoopenuhnegoon dush kuhkenuh enewh equawun tawaëgunun tuhkoonahnid kuhya nemenid.
21Miriam dush oo‐oo oogeëzhenuhquatuhwaun, Nuhguhmootuhwik Jehovah, kekeche‐muhmaunzhetwah mah; enewh papazhegoogunzheen kuhya enewh bamoomaunepun oogepuhkoobewabenaun kechegummeeng.
22Me suh Moses emah Misquahgumme‐kechegummeeng keöonjemahjewenaud enewh Israelitun, keëzhahwug dush emah Shur buhgwuhduhkummig; nesoogoon dush kebemoosawug buhgwuhduhkummig, kah dush oogemekunsewah nebe.
23¶ Uhpe dush tagwishenoowaud Marahing, kahween oogekushketoosenahwah chemenequawaud enewh Marah duhzhe nebeen, kewesuhgahgummenoon mah: me dush ewh kahoonjeëzhenekahdag Marah.
24Egewh dush ahnishenahbag Mosesun oogenahnahpuhgaunzoomahwaun, oo‐oo keënahwaud, Wagoonan kamenequayaung?
25Oogepepahgemaun dush Jehovahun; Jehovahun dush oogewahbunduhegoon metigoon, uhpe dush oonoo kahpuhkoo-bewabenaud emah nebeeng, enewh nebeen keweeshkoobahgummenoon me emah keöozhetuhmuhwaud enahkoonegawin kuhya oonahkoonegawin, me kuhya emah kegoojeäud.
26Oo‐oo dush keëkedoo, Kishpin wawane bezinduhmun oodinwawin owh Jehovah ke‐Kesha‐Muhnedoom, kuhya ezhechegayun ewh wanesheshing emah anahsuhmeed, kuhya bezinduhmun ookuhgequawinun, kuhya guhnuhwanduhmun kuhkenuh oodenahkoonegawinun, kahween kuhnuhga pazhig enewh ahkoozewinun keguhezhenahzhuhuhmoosenoon, kahezhenahzhuhuhmuhwugwah egewh Egyptianug: neen mahween Jehovah nindowh nanaunduhweïk.
27¶ Keduhgwishenoog dush Eliming, emah anduhgoogin medahswe ahshe neenzh oonduhebaunun, kuhya neenzhwahsemeduhnuh palmenuhgahwunzheeg: kekuhbashewug dush emah cheguheëe anduhgoog nebeen.
Currently Selected:
EXODUS 15: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
