EXODUS 14
14
1Jehovah dush oogeguhnoonaun Mosesun, oo‐oo keënaud,
2Guhnoonzh suh Israel oonejahnesun, chequakegahbuhwewaud chekuhbashewaud dush emah anahsuhmesing Pihahiroth, nesuhwuhyeëe emah Migdoling kuhya kechegummeeng, debishkoo uhtag Baal‐zephon: emah anahsuhmesing kegahkuhbashin cheeg‐kechegumme.
3Pharaoh mahween oo‐oo oogahenahjemaun enewh Israel oonejahnesun, Puhbahwuhneshenoog emah uhkeeng, kebahquuhegahzoowug emuh‐buhgwuhduhkummig.
4Ningahmushkuhwedaäah dush Pharaoh, chenoosoonawaud dush; ningahkechetwahwanimegoo dush Pharaoh oonje, kuhya kuhkenuh enewh ooshemahgunesheemun; chekekanduhmoowaud dush egewh Egyptianug ewh neen Jehovah ahweyaun. Me dush ewh kahezhechegawaud.
5¶ Keweenduhmuhwah dush owh Egypt duhzhe keche‐oogemah ewh keöozhemoonid enewh ahnishenahban: Pharaoh dush kuhya enewh oobuhmeetahgunun oogenishkanemahwaun enewh ahnishenahban, oo‐oo dush keëkedoowaud, Wagoonan suh oo‐oo kahoonjeëzhechegayung, kepuhgedenung Israel cheähnooketoosenoowung.
6Oogeöozheshemaun dush enewh ootetibedahbaunun, mahjewenaud dush oodahneshenahbamun:
7Oogeöodahpenaun dush ningoodwahswauk kahwuhwanahbunjegahzoonejin tetibedahbaunun, kuhya kuhkenuh enewh tetibedahbaunun, Egypting ayahnejin, kuhya oogemaun kakuhnuhwanemahnid kuhkenuh enewh.
8Jehovah dush oogemushkuhwedaääun Pharaohun Egypt duhzhe keche‐oogemaun, kenoosoonawahnid dush enewh Israel oonejahnesun: Israel dush oonejahnesun kesahguhuhmoon kewedookahgoonid enewh kache‐ishpandahgoozenejin.
9Enewh dush ween Egyptiaun oogenoosoonaöogoowaun, kuhkenuh oopapazhigoogunzheemun kuhya ootetibedahbaunun Pharaoh, kuhya ooshemahgunishemun bamoomegoonejin papazhigoogunzheen, kuhya ooshemahnisheemun, oogeühdemegoowaun dush magwah kuhbashewaud cheeg‐kechegumme, cheguhyeëe Pihahiroth emah anahsuhmesing Baal‐zephon.
10¶ Uhpe dush Pharaohun pashoo puhuhyahnid, Israel oonejahnesun keöombishkeenzhegwanewug, benuh dush, enewh Egyptianun oogenoopenuhnegoowaun: kekeche‐sagezewug dush: Israel dush oonejahnesun oogepepahgemahwaun enewh Jehovahun.
11Oo‐oo dush oogeënahwaun Mosesun, Me nuh ewh keühyahsenoogin chebagummegoon Egypting, kahoonjemahjewezheyaung cheduhpenayaung dush buhgwuhduhkummig? wagoonan suh oo‐oo kahoonjedooduhweyaung, kesahgejewezheyaung emah Egypting?
12Kah nuh ween me oo‐oo kahegooyumbun ewede Egypting, oo‐oo keëkedooyaung, Pooneëshenaum, chebuhmeetuhwungidwah dush egewh Egyptianug? Ahwahshema mahween tahgeöonesheshin buhmeetuhwungidwahbun egewh Egyptianug, ewh dush ween chenebooyaungebun buhgwuhduhkummig.
13¶ Moses dush oo‐oo oogeënaun enewh ahnishenahban, Kagoo sagezekagoon, pezaunegahbuhweyook, wahbunduhmook dush Jehovah oobemahjeëwawin, ewh kawahbunduhenag noongoom, kezhiguk: egewh mah Egyptianug kahwahbuhmagoog noongoom, kahwekah menuhwah keguhwahbuhmahsewaug.
14Jehovah kegahmegahzootuhmahgoowah, kegahpezaun‐uhyaun dush.
15¶ Jehovah dush oo‐oo oogeënaun Mosesun, Wagoonan wanjepepahgemeyun? guhnoonzh Israel oonejahnesun, negaun enuhguhka cheëzhemahjahwaud:
16Oombenun dush ween kemetigoonsim, kuhya shebenekatun ewh kechegumme, nanahwenun dush: Israel dush oonejahnesun tuhbemoosawun emah pangwuhkummegaug nahwekechegummeeng.
17Benuh dush neen ningahmushkuhwedaääug egewh Egyptianug, chenoosoonawahwaun dush: ningahkechetwahwanemëgoo dush Pharaoh oonje, kuhkenuh ooshemahgunisheemun, ootetibedahbaunun, kuhya ooshemahgunisheemun papazhigoogunzheen bamoomegoonejin.
18Egewh dush Egyptianug oogahkekandahnahwah ewh neen Jehovah ahweyaun, uhpe kekechetwahwanemëgooyaun Pharaoh oonje, ootetibedahbaunun, kuhya ooshemahgunisheemun papazhegoogunzheen bamoomegoonejin.
19¶ Kesha‐Muhnedoo dush oodanganemun, negaun aneëzhahnepun emah ookuhbashewenenening, Israel, puhkaun ningooje keëzhahwun, oobequuhnahnening enuhguhka keëzhahnid; ewh dush padukkesing ahnuhquud emah enuhguhka anahsuhmeengwawaud keöonjemahjahmuhgud, nebuhwuhkeda dush oobequuhnahwaung enuhguhka:
20Keühyahmuhgud dush nesuhwuheëe ookuhbashewinewaung egewh Egyptianug kuhya ookuhbashewinewah egewh Israelitug; mahkuhdawahnuhquuk dush kuhya kashetebikah-buhmenahgwuk oogeëzhenahnahwah egewh Egyptianug; oogewahsashkahgoonahwah dush ween egewh Israelitug tabekudenig: kah suh dush pashoo kewahbundesewug kuhbatebik.
21Moses dush oogeshebenekataun ewh kechegumme; Jehovah dush keënahkoonega chekeche‐wahbune‐noodenenig kuhbatebik cheähzhagummejewunenig dush ewh kechegumme, me dush kekushketood chepangwuhkummegahnig emah kechegummeeng, enewh kuhya nebeen kenanahwenaum.
22Israel dush oonejahnesun keëzhahwun nahwekechegummeeng emah pangwuhkummegahnig kebemoosanid: enewh dush nebeen oogeöowahkahkeëgunenahwaun emah ookechenekahwaung kuhya oonuhmunjenekahwaung.
23¶ Egewh dush Egyptianug kenoosoonaöowawug, kuhya oogenoopenuhnahwaun nuhnaunzh egoo emah nahwekechegummeeng, kuhkenuh suh goo Pharaoh oopapazhigoogunzheemun, ootetibedahbaunun, kuhya ooshemahgunisheemun papazhigoogunzheen bamoomegoonejin.
24Kepuhgummeähyahmuhgud dush, emah pahduhkeda-gishkooda kuhya ahnuhquud keöonzahbuhmaud enewh waquenoonejin Egyptianun, kemegooshkahjeäud dush enewh waquenoonejin Egyptianun,
25Kuhya kekeche‐goosetuhmuhwaud enewh wuhyahweyayahgin wanjetetebesanig ootetibedahbaunene, kebajedahbah-negoonid dush: oo‐oo dush keëkedoonid enewh Egyptianun, Oozhemahdah Israel; Jehovah mah oomegahzootuhmuhwaun, megahnaud enewh Egyptianun.
26¶ Jehovah dush oo‐oo oogeënaun Mosesun, Shebenekatun ewh kechegumme, nayaub chepekewajewungin enewh nebeen cheähgwuhuuhoondwah dush egewh Egyptianug, enewh ootetibedahbaunewaun, kuhya ooshemahgunisheemewaun papazhigoogunzheen bamoomegoonejin.
27Moses dush oogeshebenekataun ewh kechegumme, ewh dush kechegumme nayaub kebekewajewun azhemushkuhwe-jewungebun uhpe wuhyahbung; egewh dush Egyptianun nahwuhgaum kechegummeeng.
28Enewh dush nebeen kepekewajewunoon, keühgwuhnuhoondwah dush egewh tetibedahbaunug, kuhya egewh shemahgunishug papazhigoogunzheen bamoomegoowahjin, kuhya kuhkenuh ooshemahgunisheemun Pharaoh kahnoosoo-nawahnid enewh kechegummeeng; kahween kuhnuhga pazhig anduhchewaud keühyahse.
29Israel dush ween oonejahnesun emah pangwuhkummegaug kebemoosawun nahwuhgaum kechegummeeng; enewh dush nebeen debishkoo wahkaheguning oogeähyahnahwah emah ookechenekahwaung kuhya oonuhmunjenekahwaung.
30Me suh oo‐oo Jehovah kahezhebemahjeäud enewh Israelun ewh kezhiguk keëkoonaud emah ooninjeening enewh nun Egyptig; Israel dush oogewahbuhmaun enewh Egyptianun naboonid tetebawh kechegummeeng.
31Israel dush oogewahbundaun ewh keche‐ahnookewin, kahdooduhwahnid Jehovahun enewh Egyptiaun; egewh dush ahnishenahbag oogekoosahwaun Jehovahun, kuhya oogedabwayanemahwaun Jehovahun, kuhya enewh oobuhmeetahgunene Mosesun.
Currently Selected:
EXODUS 14: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
