EXODUS 11
11
1Jehovah dush oo‐oo oogeënaun Mosesun, Kayahbe suh pazhig kooduggeëwawin ningahezhenahzhuhuhmuhwah owh Pharaoh, kuhya ewh Egypt; bahmah dush kegahpuhgedenegoowah oomah cheöonjemahjahyag: uhpe puhgedenenag, ahbedakummig kegahahpeje‐sahgejenahzhuhoogoowah.
2Guhnoonzh suh noongoom egewh ahneshenahbag, mahnoo dush anduhchewaud egewh enenewug oogahuhdahwuhmahwaun weejahneshenahbawaun, kuhya anduhchewaud equawug enewh weej‐ahneshenahbawaun, enewh shooneyah suhzagahchegunun, kuhya oozahwe‐shooneyah suhzagahchegunun.
3Jehovah dush keënahkoonega enewh ahneshenahban cheminwanemegoonid enewh Egyptianun. Owh dush kuhya enene Moses kekeche‐ahpetandahgooze emah Egypt duhzhe uhkeeng, emah anahsuhmenid Pharaoh oobuhmeetahgunun, kuhya emah anahsuhmenid enewh ahneshenahban.
4Moses dush oo‐oo keëkedoo, Me suh oo‐oo akedood Jehovah, Uhpe koonemah ahbetah‐tebikuk ningahezhah emah nahwuheëe Egypt:
5Kuhkenuh dush egewh netumoozhahnug emah Egypt duhzhe uhkeeng tahneboowug, enewh oonetumoozhahnun owh Pharaoh namuhduhbid emah oodoogemahwuhbewining, nuhnaunzh egoo enewh oonetumoozhahnun owh buhmeetahga‐equa pwahtahgad; kuhya kuhkenuh oonetumoozhahnewaun uhwuhkaunug.
6Tahkeche‐muhwim dush emah anegookookummegaug Egypt, ewh wekah nahsaub azhewabussenoogebun, kuhya dush egoo menuhwah nahsaub kaëzhewabussenoog.
7Enewh dush ween anduhchenid Israel oonejahnesun, kahween kuhnuhga pazhig uhnemoosh oogahmegenahseen, enewh enenewun, gamah kuhya enewh uhwuhkaunun; chekekanduhmag dush ewh Jehovah pekenoong ahyindooduhwaud enewh Egyptianun kuhya enewh Israelun.
8Kuhkenuh dush oogoo kebuhmeetahgunug ningahbenaunzekahgoog, cheshuhgushketuhwewaud dush, oo‐oo cheëkedoowaud. Mahjaun, kuhya kuhkenuh egewh ahneshenahbag nwahpenuhnikig: bahmah dush ningahmahjah. Kesahguhum dush emah uhyahnid Pharaohun, keche‐nishkahdezid.
9Jehovah dush oo‐oo oogeënaun Mosesun, Kahween kegahbezindagoosewah Pharaoh; chebahtuhyenuhtoong dush nemuhmaundahwechegunun emah Egypt duhzhe uhkeeng.
10Moses dush kuhya Aaron keëzhechegawug kuhkenuh oonoo muhmaundahwechegunun anahsuhmenid Pharaohun: Jehovah dush oogemushkuhwahtuhmuhwaun Pharaoh ooda, kepuhgedenahsenid dush Israel oonejahnesun cheöonjemahnid emah ooduhkeeming.
Currently Selected:
EXODUS 11: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
