EXODUS 10
10
1Jehovah dush oo‐oo oogeënaun Mosesun, Peendegowh owh Pharaoh: ningemushkuhwahtuhmuhwah mah ooda, kuhya oodaëne enewh oobuhmeetahgunun, chewahbunduhewayaun dush oonoo ninkekenuhwahjechegunun emah anahsuhmeed:
2Chedebahjemootuhwud dush kegwis, kuhya oogwissun kegwis, ewh kahezhechegayaun emah Egypting, kuhya enewh ninkekenuhwahjechegunun kahezhechegayaun emah anduhzhe‐uhyahwaud; chekekanduhmag ewh ahweyaun owh Jehovah.
3Moses dush kuhya Aaron oogepeendeguhwahwaun Pharaohun, oo‐oo dush keënahwaud, Me suh oo‐oo akedood Jehovah oo‐Kesha‐Muhnedoomewaun egewh Hebrewug, Ahneen suh menik kaënanduhsewun cheduhbuhsanindezooyun emah anahsuhmeyaun? puhgedin nindahneshenahbamug, chebuhmetuhwewaud dush.
4Kishpin dush ween enandunsewun chepuhgedenudwah nindahneshenahbamug, benuh, wahbung ningahezhenahzhuhwaug keche‐ahdesahwuhyasheyug emah keduhkeeming:
5Oogahuhgwuhnuhahnahwah dush anegookookummegaug ewh uhke, chekushketoosegoobun dush egoo ahweyah chewahbundung ewh uhke; oogahkedaunahwah dush ewh ashkoonegahdag kahishkoonuhmahgooyag kesasagung, kuhya oogahkedaumwahwaun anduhchenid metigoon suhyahguhke-tuhmahgooyag emah ketegauning:
6Tuhmooshkenawug kuhya emah kewegewauming, kuhya emah oowegewaumewaung kuhkenuh kebuhmeetahgunug, kuhya emah oowegewaumewaung kuhkenuh egewh Egyptianug; ewh kahezhewahbunjegasigwahbun koosebuneeg, kuhya oosewahbuneen koosebuneeg, ewh uhpe kezhiguk keühyahwaud emah uhkeeng, nuhnaunzh egoo noongoom. Kegwakegahbuhwe dush, kesahguhung emah uhyahnid Pharaohun.
7Pharaoh dush oobuhmeetahgun oo‐oo oogeëgoon, Ahneen suh menik kawenuhgwahnenung wuhowh enene? puhgedin egewh ahneshenahbag, chebuhmeetuhwahwaud dush Jehovahun oo‐Kesha‐Muhnedoomewaun: kah nuh muhshe kekekanduhseen ewh neshwuhnahduk Egypt?
8Menuhwah dush Moses kuhya Aaron kepeendeguhnahwug emah uhyahnid Pharaohun; oo‐oo dush oogeëgoowaun, mahjahyook, buhmeetuhwik Jehovah ke‐Kesha‐Muhnedoomewah: ahwananug dush egewh kamahjahwaud?
9Moses dush oo‐oo keëkedoo, Ningahwejewahnahnig nindooshkenegemenahnig kuhya ninketezemenahnig, ningwissenahnig kuhya nindahnesenahnig, nemahnishtahneshemenahnig kuhya nimpezhekemenahnig ningahwejewahnahnig; neweähnuhmeä‐wekoongamin mah emah anahsuhmeed Jehovah.
10Oo‐oo dush oogeëgoowaun, Mahnoo Jehovah kegahezhewejewegoowah, azhepuhgedenenuhgoog, kuhya egewh kedahbenoojeyemewaug: ahkuhwahbeyook; gagah mah zhuhegwuh kebuhgummishkahgoonahwah ewh mujje‐uhyeëwish.
11Kahween egoo ewh: mahjahyook suh dush kenuhwah aneneweyag, buhmeetuhwik dush owh Jehovah; me mahween ewh nanduhwanduhmagoobun. Kesahgejenahzhuhwahwug dush emah anahsuhmenid Pharaohun.
12¶ Jehovah dush oo‐oo oogeënaun Mosesun, Shebenekatun ewh Egypt duhzhe uhke, egewh dush keche‐ahdesahwuhyasheyug chebeühyahwaud emah Egypt duhzhe uhkeeng, chekedaumoowaud kuhkenuh enewh nwahkushkukkin emah uhkeeng, kuhkenuh suh goo ewh kahishkoonegahdag kesasagung.
13Moses dush oogeshebenekataun ewh Egypt duhzhe uhke tuhkoonung oometigoonsim, Jehovah dush keënahkoonega chewahbune‐noodinenig emah uhkeeng kuhba‐kezhig, kuhya kuhba tebik; uhpe dush wuhyahbung, egewh keche‐ahdesahwuhyasheyug oogebedahshemegoonahwah ewh wahbune‐noodin.
14Egewh dush keche‐ahdesahwuhyasheyug keboonewug emah anegookookummegaug ewh Egypt, keühyahwaud dush emah anegookookummegaug Egypt: kekootahmegwandahgoozewug chepwahuhyahwaud egewh, kahween enandahgoogoozesebuneeg keche‐ahdesahwuhyasheyug wenuhwah kahenandahgoozewaud, kahween dush kuhya tahenandahgoozesewug egewh kaneühyahjig.
15Oogeühgwuhnuhahnahwah mah kuhkenuh ewh uhke, kemuhkuhda‐wahbuhmenahgwuk dush ewh uhke; oogekedaunahwaun mah anduhchingin enewh nwahkushkukkin emah uhkeeng, kuhya kuhkenuh azhemenewewaud egewh metigoog kahishkoonegahdagin kesasagung: kah dush keühyahsenoon gagoo wezhahwushkoobuhgaug emah metigoong, gamah kuhya emah uhyahgin enewh nwahkushkuhkin ketegauning, emah anegookookummegaug Egypt.
16¶ Me dush Pharaoh waweeb kenundoomaud Mosesun kuhya Aaronun: oo‐oo dush keëkedoo, Ningemujje‐dooduhwah Jehovah ke‐Kesha‐Muhnedoomewah, kuhya dush kenuhwah.
17Umba suh dush ahbwayanemeshin, kepuhgoosanemin, kahezhemujje‐ëzhechegayaun noongoom egoo atuh ningooding, kuhya ahnuhmeatowh Jehovah ke‐Kesha‐Muhnedoom, cheëkoonuhmuhwid oo‐oo atuh neboowin.
18Kesahguhum dush emah ahyahnid Pharaohun, keähnuhmeätuhwaud dush Jehovahun.
19Jehovah dush keënahkoonega chekootaume‐gahbeühne-noodenenig, ewh dush kahöonjewabahshewaud egewh keche‐ahdesahwuhyasheyug, keühpungeshenoowaud emah Misquahgumme‐Kechegummeeng; kahween kuhnuhga pazhig keche‐ahdesahwuhyashe keühyahse emah anegookookummegaug Egypt.
20Jehovah dush ween oogemushkuhwahtuhmuhwaun Pharaoh ooda, ewh dush keënanduhsenig chepuhgedenaud Israel oonejahnesun.
21Jehovah dush oo‐oo oogeënaun Mosesun, Shebenekanin ishpeming enuhkayah, chekushke‐tebikuk dush emah Egypt duhzhe uhkeeng, ewh goo tebikud, kamoonzhetoongebun.
22Moses dush keshebenekane ishpeming enuhkayah; kekeche‐pesuhgeshtebikud dush emah anegookookummegaug Egypt nessoogoon:
23Kahween kewahbundesewug, kahween kuhya ahweyah keöonjepuhsegwese emah anduhzhe‐uhyahpun nessoogoon: egewh dush ween Israel oonejahnesun kewahsayahne emah oowegewaumewaung.
24¶ Pharaoh dush oogenundoomaun Mosesun, oo‐oo dush keënaud, Mahjahyook, buhmeetuhwik Jehovah; mahnoo atuh egewh kemahnishtahneshemewaug kuhya kepeshekemewaug tuhuhbewug: mahnoo kuhya egewh kedahbenoojeyëmewaug kegahwejewegoowaug.
25Moses dush oo‐oo keëkedoo, Kegahmeenzhemin suh kuhya sahsahgewejegunun kuhya chahgeda‐sahsahgewejegunun, chesahsahgewenungid dush Jehovah nin Kesha‐Muhnedoomenaun.
26Ninduhwuhkaunenahnig kuhya ningahwejewegoonahnig; kahween kuhnuhga pazhig ooshkunzhemah ishquayaung tahnuhguhdunseem; ningahoodahpenahnahnig mah ahnind egewh cheöonje‐buhmeetuhwungid Jehovah nin‐Kesha‐Muhnedoomenaun; kah kuhya ninkekanduhsemin ewh kaühyahmoowaungan cheöonjebuhmeetuhwungid Jehovah, bahmah goo atuh ketuhgwishenaung ewede.
27¶ Jehovah dush ween oogemushkuhwahtuhmuhwaun Pharaoh ooda, kepuhgedenahsenid dush enewh.
28Pharaoh dush oo‐oo oogeënaun, Ekoogaun emah uhyahyaun, aungwahmezin, kagoo dush menuhwah wekah wahbundungan nindangwuhy: ewh mah kezhiguk uhpe wahbunduhmun, kegahnib.
29Moses dush oo‐oo keëkedoo, Wawane sub kegekekid, Kah wekah menuhwah ningahwahbunduhseen kedangwuhy.
Currently Selected:
EXODUS 10: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
