II. TIMOTHEUSUN 4
4
1Kedahyaungwahmemin dush anahsuhmid Kesha‐Muhnedoo, kuhya owh Tabaningad Jesus Christ, owh katebahkoonaud enewh bamahdezenejin kuhya enewh naboonejin, uhpe nuhyahgoozid kuhya wagemahwid;
2Debahdoodun ewh ekedoowin; aunwahjeen uhpe manwanemegooyunin kuhya uhpe manwanemegoosewunin; guhnoozh egewh ahyahgoonwayandungig, weenduhmow egewh maje‐ezhewabezejig azhemahnahdudenig oomujje‐ezhewabezewinewah, ezhekuhgequan emuh kuhkenuh minwahdanduhmoowining, kuhya kekenooähmahgawining.
3Tahtuhgwishenoomahgud suh ewh kezhegud, uhpe kaminwanduhsigwah wanesheshing kuhgequawin, nahsaub anandahgwudenig tebenuhwa oomujje‐nundahwanduhmoowinewaun oogahmeshenooähwaun kakenooähmahgoowahjin kesheebetahwuggawaud.
4Kah dush oogahbezinduhsenahwah ewh dabwawin, oogahbezindahnahwah atuh enewh kewuhnemoowinun.
5Keen edush ahyaungwahmezin emuh kuhkenuh uhyeëeng, soongummundun uhpe quaduggetooyunin; ahnookeetun ewh papah‐kuhgequad oodahnookeewin, wahweengazin ewh anuhnookeeyun.
6Zhuhyegwah gooshah nekezheetah cheöonjegahtah-mahgooyaun nemisqueem, gagah dush debishkoosa uhpe wahuhnemahjahyaun.
7Ningemegauz ewh wanesheshing megahzoowin, ningekezheetaun ewh kuhgwajekunedewin, ningeguhnuhwandaun ewh dabwayanduhmoowin;
8Noongoom dush nindahtahmahgoo ewh menoo‐ezhewabezewine pukkinahga‐wewuhquaun, ewh kameezhid owh Tabaningad quuhyuk‐azhewabezid tebahkoonega‐wenene, ewh uhpe kekezheguk: kahween atuh neen, kuhya kuhkenuh egewh manwandungig ewh oonahgoozewin, ahtahmahwahwug.
9Kecheminwawezin wuhyebah chepenaunzekahweyun:
10Ningenuhguhnik muh Demas, kesahgetood maunduh noongoom ayahmahguk uhkee, keëzhemahjah dush ewede Thessalonicaïng; Crescens keëzhemahjah emuh Galatiaïng, Titus emuh Dalmatiaïng.
11Lucas atuh neweejewik. Oodahpin owh Marcus peweejewh dush: neweähbujjeäh muh emuh kuhgequawining.
12Tychicus dush ningeëzhenahzhahwah emuh Ephesusing.
13Uhpe pemahjahyun peetookun ewh keche‐pesekoowahgun kahnuhguhduhmoowug owh Carpus emuh Troasing, kuhya enewh muzzeneëgunun, mamwach enewh pushquagenoo muzzeneëgunun.
14Ningekeche mujje‐doodaug owh Alexander oozahwahbikoo ahwishtooyah: owh Tabaningad oogahdoodahwaun debishkoo enandahgwudenig oodahnookeewinun:
15Kuhya keen egoo ahkahwahbum wah‐owh; ahpeche mahween oogemegahdaunun enewh nindekedoowinenahnin.
16Uhpe netum kekuhnooduhmahdezooyaun kahween ahweyah ningeweeje‐kahbahwetahgoose, kuhkenuh suh ningenuhguhnigoog (ahpagish ningood cheähzhittah‐doodahwahsewindwah.
17Owh dush Tabaningad ningeweeje‐kahbahwetaug, kuhya mushkahwezewin ningemeenik; cheöonje‐puhgukkanjegahdag ewh kuhgequawin neen oonje, kuhya kuhkenuh egewh mayuggezejig chenoonduhmoowaud; kuhya ningeöonje‐kedishkeëgoo emuh oodooning owh mezhebeshe.
18Kuhya owh Tabaningad ningahekoonik emuh oonje kuhkenuh mujje‐ahnookeewinun, kuhya ningahguhnuhwanemik peenish egoo tagwishenaun emuh keche‐kezhegoong duhshe oodoogemahwewining, mesuh owh kapeshegandahgoozid kahgenig kuhya kahgenig. Amen.
19Ahnahmekow Prisca kuhya Aquila, kuhya egewh dabandahgoozejig emuh oowegewauming owh Onesiphorus.
20Erastus keduhneze emuh Corinthing: ningenuhguhnah owh Trophimus ewede Miletuming keähkoozid.
21Waweeb penaunzekahweshin chepwah pepoong. Keduhnuhmekaug Eubulus, kuhya Pudens, kuhya Linus, kuhya Claudia, kuhya kuhkenuh egewh wejekewaëmaug.
22Ahpagish owh Tabaningad Jesus Christ cheweejewaud kejechaugwun. Mahnoo kegahshahwandahgooz. Amen.
Currently Selected:
II. TIMOTHEUSUN 4: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
