II. TIMOTHEUSUN 3
3
1Oo‐oo kuhya kekandun, uhpe wahishquah‐kezheguk tahpetuhgwishenoomahgudoon enewh nuhneezahnezewine kezhegudoon.
2Enenewug muh tahsahgeëdezoowug, oogahnetuh‐shoobeëgoonahwah enewh bakahnezenejin ooduhyeemene, tahnetuh‐muhmequahzoowug, tahminwahdanemoowug, tahmujje‐kezhwawug, oogahkuhgaunzetahwahwaun ooketezemewaun, kahween tahnetuh‐megwach‐enanduhsewug, tahweenezewug,
3Kahween oogahsahgeähsewaun tebenuhwa oodenuhwamahgunewaun, oogahnetuh‐bahnahjetoonahwah oowahweendahmahgawinewaun, tahkuhkenuhwishke‐bahtaungawug, tahpezhigwahdezewug, tahahquahdezewug, oogahneshebahpenoodahwahwaun enewh manoo‐ezhewabezenejin,
4Tahnetuh‐bahtahewawug, kahween oogahoogemahkunduhsenahwah oomujje‐nunduhwanduhmoowinewaun, tahkechetwahwanemoowug, ahwahshema oogahsahgetoonahwah ewh oonahnegoozewin dush ween kaëzhesahgeähwaud Kesha‐Muhnedoon;
5Kekishkuhmoowaud ewh ahnuhmeähwine inwahzoowin, ahgoonwayanduhmoowaud ewh ahnuhmeähwin azhemushkahwezemahguk: nuhguzh oogoo doowug.
6Me suh oo‐oo azhewabezewaud egewh pahyahpeen-degashkungig enewh wegewaumun kuhya pakawenahjig enewh kakebahdezenejin equawishun bahtuhyeënenid oomujje‐ezhewabezewinene nuhittuhmenid ahnooj mujje-enanduhmoowishun,
7Moonzhug kekenooähmahgoozewaud, kah dush ootakekanduhsenahwah ewh dabwawin.
8Debishkoo Jannes kuhya Jambres kahezheähgoonwatahwahwaud enewh Mosesun, me suh kuhya oogoo azheahgoonwayanduhmoowaud ewh dabwawin: enenewug mahyahnahduhdenegin oodenanduhmoowinewaun ahwewug, wabenegahzoowug emuh oonje dabwayanduhmoowining.
9Kahween ahwahshema tahkushkeöosewug: oogahkekanemegoowaun suh kuhkenuh enenewun azhekuhkebahdezewaud, debishkoo kuhya kahezhekekandahgoozewaud egewh.
10Keen dush kegepuggukkandaun nekekenooähmahgawin, nindezhewabezewin, nenunduhwanduhmoowin, nindabwayanduhmoowin, neshuhsheebanduhmoowin, nesahgeëwawin, nesoonguhmunduhmoowin,
11Enewh kooduggeëgoowinun, kuhya ketemahgezewinun kahpuhgummishkahgooyaunin emuh Antioching, emuh Iconiuming, kuhya emuh Lystraïng; menik kahkooduggeëgooyaun: oonje dush emuh kuhkenuh oonoo ningeëkoonik owh Tabaningad.
12Menungakah, kuhya kuhkenuh kawebuhmeetahwahjig Kesha‐Muhnedoo oonje Christ Jesus oogahahyahnahwah enewh kooduggeëgoowinun.
13Egewh dush maje‐ezhewabezejig enenewug kuhya wahyazhingajig ashkum tahkuhgwahnesuggandahgoozewug, wuhyazhingawaud kuhya wuhyazhemindwah.
14Keen dush aunwahdandun oonoo uhyeëen kahkekenooähmahgooyunin kuhya kahpuggukkandahmunin, kekanemud owh kahkekenooähmauk;
15Kuhya dush ahpena goo pahahkoo‐ahbenoojeëweyun keöonje‐kekanduhmun enewh kechetwah‐oozhebeëgunun, enewh kashkeäwukkin chenebwahkahegooynn, ewh bemahjeëwawine nebwahkahwin oonje ewh dabwayanduhmoowin azhedabwayanemind Christ Jesus.
16Kuhkenuh enewh kechetwah‐oozhebeëgunun oonjeemahgudoon emuh oodenanduhmoowining owh Kesha‐Muhnedoo, enahbuddudoon dush chekekenooähmahgang, chewahweenjegahdag mujje‐ezhewabezewin azhemahnahduk, chemenoo‐ezhewabezeëgoong, kuhya chekekenooähmahwindwah bamahdezejig ewh quuhyuk‐wahdezewin:
17Chekeche‐menoo‐ezhewabezid owh enene bameetahwaud Kesha‐Muhnedoon, wahweenga chemekindung kuhkenuh menoo‐ahnookeewinun.
Currently Selected:
II. TIMOTHEUSUN 3: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
