โรม 16
16
เปาโล กีเรบ บรีงัจ กะ ซือมียา บาญะ อูรัก
1กู นะ กีเรบ เฟบี_ อาดี นีบีนี นะ กีตา_ ปี กะ กาเญา. ญา ฌาดี ซือมียา บาฌิ_ ฌาดี ซือมียา บือกรือฌา มือนูโลก ลูมอฮ นะ ตูฮัด ตือปัจ นังฆรี เคนครียา. 2มีตา บรี กาเญา ซาโมจ ญา_ เดะ ปือนามา นะ ตูฮัด เลอ_ บือกะ โกะ ซือมียา นะ ตูฮัด ปาโตจ นะ บูวัจ. ญา นะ มีตา ตูโลก เดะ กาเญา_ ปาซัน ลาฆู นามา เตอ_ บรี กาเญา ตูโลก ญา กะฆีเตอ เลอ. ซาเบะ ญา โปด_ บือเลฮ ตูโลก โกะ ซือมียา บาญะ_ ตูโลก กู ตะอาซิก ฌูฆา ดัฮ.
3กู กีเรบ บรีงัจ กะ ปริซีลา#16.3 ซูรัจ ลามา จะ_ “ปริซะคา”_ นู ฌาดี ปือนามา ปานะ นะ นีบีนี อีนี. ลีฮัจ ปบ. 18.18 ฌางัน อาควีลา_ นู ฌาดี ซือมียา บือกรือฌา บือซามา ฌางัน กู_ เดะ ลาฆู นะ เยซู คริด. 4กูญา ยอม ปือบียัยํ ญาวา นะ กูญา_ รอจ กะ มาตี โปด_ บีดา นะ บรี กู ฮีโดะ. บูกัด ซา กู_ ตาปี โกะ ลูมอฮ นะ ตูฮัด ราตาๆ_ เดะ โกะ ลูมอฮ บักซา อาซิก_ กือนา บรี ซือลามัจ กะ กูญา ฌูฆา เลอ. 5กู กีเรบ บรีงัจ ฌูฆา_ กะ ลูมอฮ นะ ตูฮัด นู บือมุน เดะ รูมัฮ นะ กูญา.
กู กีเรบ บรีงัจ กะ เอเปเนตัด_ ซือมียา นู กู ซายัก_ นู ฌาดี ซือมียา ลามูลา_ เดะ โซะ นังฆรี เอเซีย_ นู ปือจายา กะ เยซู คริด. 6กู กีเรบ บรีงัจ กะ มารียา_ ซือมียา นู บือเลฮ บือกรือฌา บาญะ_ ฌู รือมัย_ กรานา ลูมอฮ กาเญา. 7กู กีเรบ บรีงัจ กะ อันโดรนิคัด ฌางัน ยูนียัด_ โกะ นะบรานะ นะ กู_ นู กือนา รีฆะ กานัก เดะ ปือฌารา_ บือซามา ฌางัน กู ฌูฆา. กูญา ฌาดี ซือมียา นู กือนา มือโอจ_ เดะ ดาลับ ลูมอฮ ปือญูโรฮ นะ ตูฮัด_ ฌาดี ซือมียา นู ปือจายา กะ เยซู คริด_ ดูลู เดะ กู ฌูฆา.
8กู กีเรบ บรีงัจ กะ อัมพลียาตัด_ ซือมียา นะ ตูฮัด_ นู กู ซายัก. 9กู กีเรบ บรีงัจ กะ อูระบานัด_ ซือมียา บือกรือฌา บือซามา ฌางัน กามี_ เดะ ลาฆู นะ เยซู คริด. กีเรบ บรีงัจ ฌูฆา กะ ซะตาคิด_ ซือมียา นู กู ซายัก เลอ. 10กู กีเรบ บรีงัจ กะ อาเปเลด_ ซือมียา นู เยซู คริด กือนา เดะ ฮาตี. กีเรบ บรีงัจ กะ โกะ ซือมียา เดะ รูมัฮ นะ อาริโตบูลัด. 11กีเรบ บรีงัจ กะ เฮโรดีโยน_ นะบรานะ นะ กู. กีเรบ บรีงัจ กะ โกะ ซือมียา ซือรูมัฮ นะ นาระซิซัด_ นู ปือจายา กะ ตูฮัด.
12กู กีเรบ บรีงัจ กะ ตรีเฟนา ฌางัน ตรีโฟซา_ ซือมียา บือกรือฌา ลาฆู นะ ตูฮัด. กีเรบ บรีงัจ ฌูฆา กะ ปือซิด_ ซือมียา นู กู ซายัก_ นู บือเลฮ บือกรือฌา บีดา ตูฮัด บาญะ ฌู รือมัย. 13กีเรบ บรีงัจ กะ รูฟัด_ ซือมียา นู ตูฮัด ปีเลฮ ดัฮ_ ฌางัน มะ เดะ ญา_ นู ฌาดี ซือรูปา บือกะ มะ เดะ กู ฌูฆา. 14กู กีเรบ บรีงัจ กะ อาซินครีตัด_ ฟลีโฆน_ ฮือเมด_ ปัดโรบัด_ ฮือมัด_ ฌางัน ลูมอฮ ดีบราดี ปือจายา ซือมูฮา_ นู อาดา บือซามา ฌางัน กูญา. 15กู กีเรบ บรีงัจ กะ ฟีโลโลฆัด_ ยูลียา_ เนเรยา_ ฌางัน อาดี นีบีนี เดะ ญา_ กะ โอลิมปัด_ ฌางัน ลูมอฮ ซือมียา นะ ตูฮัด ซือมูฮา_ นู อาดา บือซามา ฌางัน กูญา.
16กาเญา กือนา บือฌาบัจ ตางัน บือซามา-ซามา_ บือกะ ฌาดี โกะ ซือมียา นะ ตูฮัด ซือมูฮา. โกะ ลูมอฮ นะ ตูฮัด เยซู คริด ซือมูฮา_ กูญา กีเรบ บรีงัจ กะ กาเญา.
ปือมือเลา ปรีงัจ นู ปือญูดัฮ
17โกะ ดีบราดี เออ_ กู ปรีงัจ กะ กาเญา_ บรี ฌาฆา ลีฮัจ โกะ ซือมียา อีตู_ นู บูวัจ บรี โกะ ซือมียา ปือจายา ปือจัฮ บือลัฮ_ ตือซีแป เดะ ฌาลัด นะ ตูฮัด. กาเญา กือนา มืองือละ บูวัก_ เดะ โกะ ซือมียา กะฆีเตอ เลอ. 18โกะ ซือมียา นู บูวัจ กะฆีเตอ_ กูญา เตด บูวัจ ตูโรจ กะ เยซู คริด_ ตูฮัด นะ กีตา_ ตาปี ซือมาตา ตูโรจ_ กะ ฮาตี โปรจ นะ กูญา ตะอาซิก เลอ. กูญา มือเลา บาฌิ_ มือโอจ กะ กาวัด_ กะฆีเตอ กูญา ตีปู ฮาตี นะ โกะ ซือมียา_ นู เตด ตาฮู อารัฮ. 19ซาเบะ จะ_ นู กาเญา มือนีงัย กะ ลาฆู นะ ตูฮัด ดัฮ เตอ_ ญา กรือจัย ปี กะ ซือมียา ราตา ดัฮ. กะฆีเตอ กู โปด_ ซูกา ฮาตี กรานา กาเญา. ตาปี กู นะ บรี กาเญา อาดา อากัน โซะ ลาฆู บาฌิ_ บรี บูดอ โซะ ลาฆู ฌาฮัจ เลอ. 20เตด ลามา อีนี_ ตูฮัด เดะ อาตัซ_ นู บรี กีตา ดูโดะ ซือนัง ซือลามัจ เตอ_ ญา นะ กาจะ นู กือปาลา ฮาตู ซีตัด_ บรี ปีแญะ เดะ บาวัฮ ตาปะ กากี นะ กาเญา เลอ. มีตา เดะ เยซู_ ตูฮัด นะ กีตา_ นะ บรี ซือลามัจ กะ กาเญา ซือรูโลยํ เลอ.
21ทิโมที_ ซือมียา บือกรือฌา บือซามา ฌางัน กู_ ญา กีเรบ บรีงัจ กะ กาเญา. ลูกีโย_ ยาโซน_ ฌางัน โซซิปาเตอ_ โกะ นะบรานะ นะ กู_ กูญา โปด_ กีเรบ บรีงัจ ฌูฆา. 22กู นี_ ตือตีโย_ นู ฆาแรฮ ซูรัจ อีนี#16.22 นู ตือตีโย ฆาแรฮ เตอ_ ญา ตูโรจ กะ ปือมือเลา นะ เปาโล_ บือกะ ฌาดี ซือมียา ฆาแรฮ ฆาตี เปาโล. กู ฌาดี ซือมียา ปือจายา กะ ตูฮัด ฌูฆา. กู โปด_ กีเรบ บรีงัจ กะ กาเญา. 23-24ฆาโย_ ซือมียา นู ซาโมจ กู บรี มือนูปัก เดะ รูมัฮ นะ ญา เตอ_ นู ซาโมจ ลูมอฮ นะ ตูฮัด ซือมูฮา_ บือมุน เดะ รูมัฮ นะ ญา ฌูฆา_ ญา กีเรบ บรีงัจ กะ กาเญา. เอรัดตัด_ นู ฌาดี ซือมียา ฌาฆา ฮัจลีฮัจ ดูเวะ นะ นังฆรี อีนี_ ฌางัน กูวาระตัด_ อาดี บราดี นะ กีตา_ กูญา กีเรบ บรีงัจ ฌูฆา เลอ.#16.23-24 ซูรัจ ลามา ซือตืองัฮ_ ตามัฮ ปือมือเลา กะฆีนี_ “มีตา เดะ เยซู คริด_ ตูฮัด นะ กีตา_ นะ บรี ซือลามัจ กะ กาเญา ซือมูฮา เลอ. อาเมน.”
ปือมือเลา ปูฌี กะ ตูฮัด
25บรี กีตา ปูฌี กะ ตูฮัด บือซัยํ เดะ อาตัซ เลอ. ญา นู มือฆัฮ_ นะ บือเลฮ บูวัจ บรี กาเญา ปือจายา กือฌะ กือมัซ_ บือกะ อาดา เดะ บรีตา นู บาฌิ นู กู มือญาเระ_ ปาซัน นะ เยซู คริด. บรีตา อีตู เตอ_ ญา ปลีฮัจ บรี ซัฮ_ ลาฆู ดาลับ ซูโงฮ นู กาลา นูตู_ บูนี ลามา ดัฮ. 26ตาปี วะตู อีนี เตอ_ โกะ ซูรัจ นะ ลูมอฮ ซือมียา ตูโดฮ ลาฆู นะ ตูฮัด_ กูญา บือเลฮ บูกา ลาฆู ดาลับ อีตู_ บรี ลีฮัจ บือฆารี ซัฮ. กะฆีเตอ_ ตูฮัด นู อาดา ซือลาลู_ ญา ซูโรฮ บรี ลาฆู อีตู_ กือนา มือญาเระ บรี ตาฮู_ กะ โกะ ซือมียา ราตา บักซา เลอ_ บรี กูญา นะ บือเลฮ มือนีงัย ปือจายา กะ ญา.
27ปูฌี เลอ_ กะ ตูฮัด เดะ อาตัซ_ ตูฮัด แนฮ ซา_ นู ปานัย อากัน. ปูฌี กะ ญา_ กรานา เยซู คริด_ ซือลาลู ซือมาญัก รอจ เลอ. อาเมน.
Currently Selected:
โรม 16: ULBIBLE
Highlight
Copy
Compare
Share
Want to have your highlights saved across all your devices? Sign up or sign in
