نامَه اَفسوسی کلیسارا 2
2
فِضینَه، ایمان داشتِه واسیطنَه
1شمَه اِشتَن گِناخونرا و خَطا اونکا مردَ بیرون، 2و زمانی چَوون دِلکا زندَگی اَکَریرون، اموقه کن اِم دِنیا راه اونکا و هوا زبقی رئیسیکا، یعنی اِبلیسییکا پیروی اَکَریرون، هه روحیکا کن هِم ایسَه نی نا فِرمونی خِردَنونکا عمل بَکَی. 3اَمه نی گرد ایی زمانی چَوون دِلَکا اِشتَن جندَکی هوا و هَوسی دِلَه زندَگی اَکَریمون و چَمه جندَکی خواستَه اِن و فکرون اَنجوم اَدَریمون؛ هنته دییَرَ کَسون شیوار، اِشتَن ذاتی سَر، خدا غَضَّبیکا محکوم آبیمون. 4ولی خدایی کن چَی رحمت بَرک وِرَ، اِشتَن یالَه موحبتی خونه اَمه رَی داریَه، 5حتی وقتی کن اِشتَن خطا اونکا مردَ بیمون، اَمَش مسیح نَه زندَ آکردِش، شمَه فیضی راه نَه نیجات گَتَرون؛ 6وخدا اَمَش مسیح نَه زندَش آکَردَ و آستامونیه جِگا اونکا مسیح عیسی نَه نِشامنیشَه، 7تا آیندَ زمونَکا، اَ اِشتَن پَتلمَه فیضی میسح عیسی دلَکا، اِشتَن مِربانی واسیطَنه کن چمَرا بَداشتی، اَمه آمونِه. 8اِمی خونه کن فیضینَه و ایمان داشتِه واسیطنَه نیجات گَتَرون. و اِم شمَه کا نییَه، بَسکم خدا خَلا اَ، 9و اِم کارون نتیجَه نیَه، تا هیچ کَم مَشا بَشتن ایفتخار بکرِ. 10اِمی خونه کن خدا بالی سِی آکردَ چیی ایمون، و مسیح عیسی کا خلق آبیمون، تا چاکَه کار اَنجوم بدَرَم، اَ کارِنی کن خدا ناردَکَر آمادَ آکردشَه تا اَوونکا گَل بِژَنَم.
مسیح کا ایلَه آبِه
11پس یاد آفَنه کن بَشِمَه ایی زمانی غَیر یهودیون «سِنَت آنِبَه» خِلِه اَکَرین، و بَشتن «سِنَت آبَه» بَموستین- ایسَه اِمکن چَوون سِنَت بِه تاکَه جندَکی سرَ کن اینسانی بالینَه اَنجوم بیَه- 12یاد آفَنه کن اَموقه مسیح کا تاک بیرون، ایسرائیلی قام بَحیساب نامیرون و عَهدون وعدَ نَه، خَلک بیرون، و بی اومید و بی خدا اِم دِنیا کا زندَگی اَکَریرون. 13ولی ایسَه مسیح عیسی دِلَکا، شمَه کن ایی زمان دور بیرون، مسیح خونی واسیطَنه نِزِک آبیرون.
14اِمی خونه کن اَ اِشتَن چَمَه صلح و سلامتیَه، کن یهود و غَیر یهودِش ایلَه سی آکردیَه و اِشتَن جَندَکیکا جِدایی دیوار کن عَدابَتی باعیث اَبییَه، ویراونیشَه، 15رَسمِنی کن شریعَتی حِکمونکا بَه باطل آکَردِش، تا اِشتَن دلَکا اَ دِگلَه عَوَض، ایلَه تازَ اینسان خلق آکرِ، و صلح وسلامتی بَوجود بوعَرِ، 16و هر دِ تَنی دلَکا خِدانَه آشتی بدرِ، اِشتَن صلیبی واسیطنَه کن چَی سَردِرِ عَدابَتِش کِشتَه. 17اَ آمَه صلح و سلامتی خَشه خَبری بَه شمَه کن دور بیرون و اَیِن کن نِزِک بینَه، اییلام کردِش، 18اِمی خونه کن چَی واسیطنَه، اَمه دِ گِلَه، ایلَه روح نَه، آستامونیَه دَدَ دَسترَسی دارَم.
19پس دِ شمه خَلک و اَجنبی نیرون، بَسکم موقدسَه آدَمون هم وطن و خداوندی کَه ایلَه آدَمونکا هِستیرون؛ 20شمَه اَ عیمارَتی سَر کن رسولِن و پَیغمبرِن چَی هیم بینَه، بَنا آبَه ایرون، کن مسیح عیسی اِشتَن اَ بَنا، اصلییَه سِه اَ. 21چَی دلَکا گردِ اِم بَنا یَندِ نَه وصل بَبین و و ایلَه موقدسَه عیبادتگا خداوندیکا برپا بَبیَه. 22و مسیح عیسی دلَکا شمَه نی یَندِ نَه بنا بَبیرون تا هِنتَه ایلَه کَه شیوار آبَه کن خدا اِشتَن روح واسیطنَه چَی دلَکا بَمندی.
Currently Selected:
نامَه اَفسوسی کلیسارا 2: CTB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
