نامَه کُولُسی کلیسا را 3
3
تازَ زندَگی مسیح دلَکا
1پس اَگَم مسیح نَه زندَ آبیرون، اَ چیی ایی کن کفا کارَ، دوملَه ببَه، اَ جگا ایی کن مسیح، خدا راستَه بالی طرَفیکا نِشتَه. 2اَ چییونی سَردِرِ کن کفاکارَ فکر بکَرَ، نِه اَ چیی ایی سَر کن زمینیکارَ. 3اِمی خونه کن مَردیرون و شمه زندَگی ایسَه مَسیح نَه خدا دَلَکا نونَه. 4وقتی مسیح کن شمَه زندَگییَه، اَیر آبو، چَی به دوملَه شمَه نی بَینَه شکوه جَلالینَه اَیر آنَّب.
5پس، هر چیی ایی کن شمَه وِجودیکا زَمینی شنَه، بکشَه، یعنی بی عیفتی، جیفینین بِه، هوا و هوس، بدَ پیستَه چییِن و طمع کن هَه بوت پرستیَه. 6اِم چییون خونه اَ کن خدا غَضَّب نا فِرمونی زوعَه اون سَر آمَه. 7شمه نی اِشتَن گِذَشتَکا اِنتَرَ راهونرا اَشیرونَه، اَ موقه کن چَوون دلَکا زندَگی اَکَریرون. 8ولی ایسَه دِ پی گِردِ اِمون بَشتنکا رَت آکَرَ، یعنی غَضَب، آسرَنگِستِه، بد پیستِه، ایفترا و بَدَ گف اِشتَن گَویکا برکَردِ. 9یَندِ دِرو مدَرَ، اِمی خونه کن اَ قدیمه اینسانی چَی کارونَّه، تَنیکا آوَتَرونه، 10و تازَ اینسانی شِندِری دَکَردَرون، کن حَقیقیَه مَریفَتیکا هر لحظَه تازَ بَبی تا هنته اِشتَن خالقی شیوار آبو. 11اِم تازَ اینسانیکا، نِه یونانی یا یهودی، نِه سِنَت بَه یا سِنت آنِبَه، نِه بَربَر یا سُکایی، نِه وَزییَر یا آزاد دِ معنی ایی نیشَه، بَسکم مسیح همَه چییَه و گِردی دِلَکارَ.
12پس هنتَه خدا اینتخاب بَه قام، کن موقدَّس و خاجَتییَه، بَشتن دل سوزی، مِرَبانی، فروتنی، مولایم بِه و صبری شندری دَکَر. 13یَندِ تاو بوعرَ و اَگَم کَسی، کَسی سَردِرِ شَکایَتی بَداشتی، بَی ببخشِه. هَته کن خداوند بَشِمَه بخشِستِشه، شمه نی یَندِ ببخشَه. 14و اِمون گِردی سَر موحبتی شندری دَکَرَ کن گردِ چییون یَندِ نَه، کامیلَه ایتحادینَه پَیوَند بَژَی.
15مَسیح صلح سلامتی شمَه دِلونکا حکم بکَرِ، اِمی خونه کن حَییقتن ایلَه تنیکا خِلِه بَه ایرون. شکر گوزار ببَه. 16مسیح کلام فرَوون شمَه دلَکا بومونِه؛ و مزامیرینَه، سِرودونَّه و آوازِنِی کن خدا روح کا اَ، کامیله حیکمَتینه یَندِ پند و آموج بدَرَ؛ و شکرگوزارینَه و اِشتَن دِلیکا خدارا بوخونه. 17و هر کاری بَکَرون، چِه گَف ژِ کا و چِه رفتاریکا، گِردی خداوند عیسی نومینَه اَنجوم بدَرَ، و چَی واسیطَنَه خدای دَدَ شکر بکَرَ.
ایماندارون رابیطَه
18اَی ژِنن، هَتَه کن خداوندی شَئنیکا اَ اِشتَن شو فِرمون ببَه، 19اَی مِردِن، اِشتَن ژِنون رَی بدارَ و اَوونَّه تِندی نِکَرَ. 20اَی خردَنن، اِشتَن دَدَ و نَنَه هر کاریکا ایطاعَت بکَرَ، اِمی خونه کن اِم کار خداوندی خَش آرَکَرد. 21اَی دَدَ اِن، اِشتَن خِردَننون برضَخ آنِکَرَ، نِکَرِ دلسرد آبون. 22اَی وزییَرِن، هَر چیی ایکا اِشتَن زمینیَه اَربابونکا ایطاعَت بکَرَ، نِه کن تاکَه اَ موقه ایی کن چَوون چَم شِمَکارَ یا اَیِنی شیوار کن آدَمون راضی دَروَردِ دوملَه این، بَسکم صدق دِلینه و خداوندی ترسیرا چَوون فرمون ببَه. 23هر کاری جانو دِلینه اَنجوم بدَرَ هنتَه کن کاینَه خداوندیرا کار کَردِ، نِه کن مردومیرا، 24اِمی خونه کن بَموستیرون شمَه پاداش میراثییَه کن خداوندیکا بَگَتیرون، چیرا کن شمه، خداوند مَسیح خیدمت بَکَرون. 25اِمی خونه کن هَر کَم بدی بکَرِ، اِشتَن بدَ کاری عَوَضی بوَیندیَه و هیچ فرقی نییَه.
Currently Selected:
نامَه کُولُسی کلیسا را 3: CTB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
