نامَه کُولُسی کلیسا را 2
2
1بَپیمه بزنَه کن شمَه خاطر و کَسِنی خونه کن لائودیکیَکا مندین، و گِردِ اَیِنیرا کن چمن صَفَتی ویندَشون نی، چنتَرَ تقلا بَکم، 2تا آلاوین، و هَتَه کن موحَبتیکا یَندِ نَه موتَّحِدینَه و اَ کامیلَه ایطمینان و بی حدّ و اندازَ پَتلمَگیکا، کن فَهمیکا بَدَست آ، بَرَ ببَرَ و هِم راکا، خدا رازی، یعنی مسیح آزنِن، 3کن گِردِ حیمکت و اَلمَند بِه گنجِن چَی دلَکا نون آبَه یَه. 4اِمی باتیمَه تا هیچ کم بشمَه اَ دَلیلونَّه کن قانع بَکیَه، گُمراه نکَرِ. 5چون هر چَنَه جندَکیکا شمه وَریکا نیم، ولی روحکا شمنَه دَرِایمه و شمَه نظم وآمبستَه ایمانی کن مسیح را دارَ، ویندِ خونه خَشیمَه.
مسیح کا زندَ
6پس هته کن مسیح عیسای خداوندی قِبول کردِرون، چَی دلَکا زندَگی بکرَ: 7چَی دِلکا ریشَه بدَرَ پِروعَه، و هَتَه کن آموج گَتَرون، ایمانیکا آمبست آبَه، و شکر کردِکا کوکورو ببَه.
8هوش ببه تا کَسی بشِمه حیلَه باز و دَدارَ فلسفَه نَه مَویلاخنِه، گفِنی کن مسیح سَردِرِ نییَه، بَسکم آدَمون سونتی سَر و اِم دِنیا اوصولی سَردِرِ آمبستَه. 9اِمی خونه کن ایلاهییَه ذاتی پتلَمه گیری، تماما جندکی شیوار مسیح دلَکارَ، 10و شمه مسیح دلَکا، کن گردِ ریاسَتِن و اینجارونکا سَرَ، پَتلمَه آبَه ایرون. 11و مسیحکا سِنَت نی بَه ایرون، سِنَتی کن بالینَه اَنجوم بَه نییَه. بَلکَم جیسمانییَه جندَکی بَروَردِ نَه، مسیح، سِنَتی واسیطنَه اَنجوم بَه، 12و شمَه بَینَه غسل تعمیدی دلَکا، اَینه دفن بیرون، و ایمانی واسیطنَه کن خدا زبقینه کن مسیحِش مردَاونکا زندَش آکَردَ، اَینه زندَ آبیرون.
13و خدا بَشِمَه کن گِناخون دلَکا و اِشتَن نفسی سِنَت نِبِه کا مردَ بیرون، خدا بَشِمَه مَسیح نَه زندَش آکَردَ. اَ چَمَه گناخون گِردی بخشِستِشه، 14و اَ قرضون سَند کن قانونون واسیطنَه چَمَه زِرَبَرا نوشتَشون بَه باطل آکردِشَه، صلیبی سَردِرِ مِخَه کو کردِش. 15اَ ریاسَتِن و قودرَتون اَصلحه اِنِش ویگَتَه و صلیبی واسیطنَه چَوون سَردِرِ پیروز آبَه و اَوون گِردی ناریکا رسواش آکردَ.
16پس مرزَ اَ چیی ایی خونه کن بَردیرون و بِنتیرون، یا عید و تازَ مانگ و یَهودیون موقدسَه شنبَه روجی خونه، کَسی بَشِمَه قیضاوَت بکرِ. 17اِمِن تاکَه آیندَ کارون سا بینَه کن آ، ولی چَوون اصل مسیح شنَه. 18مرزَ کَسی بَشِمَه محروم بَکَرِ اِم ایصرارینَه کن تَنی پی چاک غَم هردِ و فرشتَه اون پی عیبادَت کردِ. اِنتَرَ آدَم تا اِشتَن رویا اون سَر تَکییَه بَکَی، بی دلیل اِشتَن دَدارَ فکرون خونه یالَه نار آرَب. 19اِنتَرَ آدَم دِ سَری دَنییَچکِست؛ اَ سَری کن گِردِ تن بَیکا جان بَگَتییَه و چَتوَرون و بَندون واسیطنَه یَندِ نَه غَمِشون هردیَه، و هَتَه کن خدا بَپیشَه پِرَرا.
20پس اَگَم شمَه نیسبت بَه اِم دِنیا اوصول مسیح نَه مردَایرون، چیرا هنته اَیِنی شیوار کن هنوزَنی اِم دِنیا شِنین، چَی قانونون اَنجوم دَرَ، قانونِنی کن باتی: 21«اِمی دَس آسا مکَه، اَی لِو مژَن و چَی سَریکا بال پِمَنَه»؟ 22اِمِن گِرد اَ چییِنی خونه اَ کن ایستفادَ کردِنَه نیفیت بَبین، و اینسانییَه آموج و دَستوری سَر بنا بَیَه. 23و هرچَنه وقتی اِشتَن سِی آکَردَ دینی کا و تنی ریاضَت، و تنی سخت گیری کا گَف بَژَی، حَکیمانَه بَه نظَر آ، ولی نفسانیَه مِیلون ناری گَتِه را هیچ کاری چَوون بالیکا بِرِن نیام.
Currently Selected:
نامَه کُولُسی کلیسا را 2: CTB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
