اوّلین نامَه قورَنتیانیرا 5
5
بیعیفتی کلیسا جیفینین بَکَی
1راستی، مِرا خَبَر آرَستَیَه کن شمَه دَلَکا بی عیفتی دگنَه یَه، اَ نی جوری کن حتی بوت پَرَستون دِلکا نی نییَه. چون دَرستِمه کن مِردی اِشتَن اَگیه نَنَه نَه دَرِ. 2وشمه هَنوزَنی کاینَه پوز دوعِه! مَگَم نِباید عازیَه بیگِرَ؟ و اَ کن اِنتَرَ کاریش کَردیَه شمَه دلَکا رَت آکَرَ. 3اِمی خونه کن هَر چَنه اَز اِشتَن جَندَکینَه شمه دلَکا نیمه، ولی چمن روح شمَنه دَرِ و هِم ایسَه، هنته کَسی شیوار کن شمَه دِلَکارَ، نارتَر اَ کَسی خونه کن اِنتَرَ کاریش کَردیَه، اِشتَن قیضاوتی اییلام کِردِم. 4وقتی کن شمَه، خداوند عیسی نومینَه یَندِ وَر جَم آبَه اَز روح دلَکا شِمَه وَریکام، و چَمَه خداوند عیسی خِنَرینَه، 5شمَه پی اِم مِردی شَیطونی دَست آدَرَ، تا گناخکارَ جندَکی نیفلَه آبِه نَه، چَی روح، خداوند عیسی روجیکا نیجات بیگِرِ.
6شمَه ایفتیخار هیچ درست نیَه. مَگَم نینَّموست تیکَلیی خَمیراز بَشایَه گِردِ خَمیری بَیزامونه؟ 7بَشتَن کَنه خَمیرازیکا پاجا آکَرَ تا تازَ خَمیر بِبَه، اِمی خونه کن واقیین کن بی خَمیرازیرون. اِمی خونه کن چَمَه پِسَخه عیدی وَرَ، مسیح، قِربونی بَیَه. 8پس بَرَ عیدی، کَنَه خَمیرازینَه کن، بَدخواهی و آوَشَر گیری خَمیرازَ جشن مَگِرَم، بَلکَم بیخَمیرازَ نونینَه کن راستی و حییقتَه.
9اِشتَن قَبَلنَه نامَکا، شَمرا نوشتم کن بی عیفَتونَّه شِه آمِه نِکَرَ. 10چمن منظور اِم نِبَه کن اِم دِنیا بی عیفَتونَّه یا طمع کارونَّه یا شَیّادونَّه و یا بت پَرَستونَّه شِه آمِه نِکَرَ، اِمی خاطر کن اَتَرَکِه پی دِنیا دِلَکا بشَه. 11اَمّا ایسَه شِمَرا بَنوشتیم کَسینَه کن بَشتَن، برا باتی، ولی بی عیفَت، یا طمع کار یا بوت پَرَست یا زَبون اَدَر و یا عَرَخه هَرَ، یا آوشَرَ، شِه آمِه نِکَرَ و اِنتَرَ آدَمینَه حتی هَم سِفرَ آمَبَه. 12اِمی خونه کن بَمنِش رَبطی نییَه کن کلیسا بِرنی آدَمون سَر دیوون بِکَم. ولی مَگم کلیسا آدَمون سَردِرِ دیوون کردِ شمه وظیفه نییَه؟ 13خدا اِشتَن کلیسا بِرنی آدَمون سَردِرِ دیوون بَکَیَه. «اَ آوشَری شمَه دلَکا رَت آکَرَ.»
Currently Selected:
اوّلین نامَه قورَنتیانیرا 5: CTB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
