اول تیموتائوس 2
2
اَرِه کُل کس دوعا بِهَن
1اِسَه، وِر اژ هرچی، تشویقَ مَهَم گه درخواستَل، دوعائَل، شِفاعتَل ئو شگِرگزاریَل اَرِه کُل مردِم باءَ جا، 2اَرِه پاتِشائَل ئو کُل کارَدَسَل، تاگَه بتونیم زِنِهی آروم ئو آسودَهمونی داشدوئی گه اِ کُل لِحاظی باوِ دل خدا ئو سنگین بو. 3اَرِیَگه، یَه اَر تک خدا، نجاددهندَه ایمَه، خوءَ ئو وَه دِلَسی. 4او گه مِیتی کُل مردِم نجاد بِگِرِن ئو برَسِنَ شناخت حخیخت. 5اَرِیَگه فَخَد یِه خدا هَس ئو اِ بِن خدا ئو آمَل فَخَد یِه بَسخَهکَر هَس، یانی اَ اِنسونَ گه مسیحْ عیسیَ؛ 6او گه گیو ووژ اَرِه خیمت آزادی کُل آمَل داتی، ایی حخیختَ اِ زَمو دُریس ووژ شاتی هاوِنتیَ بی. 7اَژونَسَ مِه اِنتخاو بیم تا موعظَهکَر ئو رسول ئو مَلِم خِرِیهودیَل اِ ایمون ئو حخیخت بوئم -مِه حخیختَ موشِم ئو دِرو نِموشِم.
8ایلَهَه آواخدِم یَسَ گه پیال اِ کُل جا، بی خِض ئو مِرافَه، دَسَل مقدّس اَرِه دوعا بِگِرِنِ رُ. 9هَمیش مِم گه ژِنَل وَه جِنِکَلی گه لائقونَ ووژون اِربِرازِنِن، سنگینرنگین ئو نجیم، نه وَه گیسَل آچِنیا، یا طِلا ئو مِرواری، یا کِراسَل گِرو خیمت، 10بلکِم وَه کارَل خو، اَجورَ گه لائق ژِنَلی کَ گه ادعاءَ مَهَن خداپِرَسِن.
11ژَن باس بیکِش ئو وَه اطاعت کامل، تیَلیم بِگِری. 12صِلا نِمیَمَ ژَن گه تیَلیم دِ یا اَر پیا سُوار بو؛ بلکِم باس بیکِش بو. 13اَرِیَگه اولبار آدم خَلک بی ئو دُماخِرِ حوّا. 14ئو آدم فن نَهُاردی، بلکِم ژَن بی گه فن هُاردی ئو کورفِربونا بی. 15مِنتائای ژَن اَرّ سنگین بوسی اَر سر ایمون ئو مِحبت ئو مقدّسبیئین ووژ، وَه آویل آوِردِن نجادَ مَگِری.
Currently Selected:
اول تیموتائوس 2: LBT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
